1 SAMUEL 6:11 - ASII LAKDAP Bible (BSI)

¹¹ Tsangshiq raq Tongshong Tek ka leng na thüto kiimaq juk sumla chaq ngam maq alo nai tsamtsi sumla alo thüchang tekse kriimin adam na thüto.

Hawa Naga Bible 2001

¹¹ Tsuingshiq rueq Bomkhvrc Jep rulc vdvmz kuimshawx maq vtvhungx yuiuq phuiuq yac nuiyc vtsuimx thuey poz yac htenc vhtawc taq tek kuex renc htauk nuex tvdaungc tueq.

1 SAMUEL 6:11 Referencias Cruzadas

2 SAMUEL 6:3

Tsangshiq raq kra Tongshong Tek ka Abinadab tahii jam hiqlampo thaq na ahai kriiwa tiidong lam raüta minsaü leng anye ashi kriithaq na tiingato. Kiimaq Abinadab senai Ujja nai Ahio raq minsaü leng kra hewanto.

1 KAÜWA WERAÜ 13:7

Tsangshiq raq Tongshong Tek ka Abinadab jam wa lam raüta, minsaü leng anye ashi thaq na howanto. Raüta Ujja nai Ahio raq kra minsaü leng ka shea wanto.

TRI CHONGKE 28:27

Tatiwe raq Ejip mungti ma tsamtsi thawa tiisaütaq ikha üm khuthaq niimin tsamtsi thawa mitiisaü. Apaiq raq üm khum ka atsam tsiwa riili bunlak buncha mitiimi baiq. Üm khum ka atsak miphan tamli miraq. Ümniika hantsak tsi raq mitsai haü. Shatmaq kra thatsi tiihea chang ka tsiq ahü miraq.

1 SAMUEL 6:10

Tsangshiq ma jamkho chongkuqtaq kra phan phan kloto: Tsangshiq minsaükaü anai kiima leng ka paqkuqto. Kiimaq asenai ka minsaütiip na shaqto.

1 SAMUEL 6:12

Krai mren, minsaükaünai ka Beth Shemesh chela lam nünü kiina wawanto raüta lamkii niimin jin mak maq, jojuju hea lam phan phan kiina wawanto. Minsaükaünai ka awawan lam maq bowan wan wawanto. Kiimaq Philistainnok hokhambi webiingi raq kra jai na phan wan raüta, Beth Shemesh chela hiq rai kiina saüli liithü wato.

1 SAMUEL 6:4

“Apaiq ma jamlai kongphiq wa mitiiho wan rong i?” nguta nokwe raq waito. Tsangshiq raq treto, “Tsamtsi tha sumla chaq ngam maq biingi lo rong laq. Kiimaq chaq ngam maq juk sumla biingi, kriika Philistainnok hokhambi webiingi kra miitu achhuqchhuq riichang. Namshiq wiitarü khuthaq na nai hokhambi webiingi khuthaq na thabi tiiwataq kriika kra phanshi tha kli tiisaüto.