1 SAMUEL 4:10 - ASII LAKDAP Bible (BSI)

¹⁰ Krai mren, Philistainnok raq mak tiichuk raüta khatto. Raüta Israilnok ka tangto. Kriikha tsangshiq ka maiqmii hiq niishe jutrangto. Kra lak na maiq ka pahea jiimto: Israilnok phenlabi hingroqtsam sumto.

Hawa Naga Bible 2001

¹⁰ Philistin miqsaz rueq tvnuip tvnulx khvt vtueq, Israel miqsaz kuex taungx gay tueq, tsuinghez kuex miqmac yuimx nuex yuz wvnc wuez tueq. Kvruex yuq pinhtumc rvkhvt rvlungc vtueq Israel nolaungx bix 30,000 thvt gay tueq.

1 SAMUEL 4:10 Referencias Cruzadas

2 SAMUEL 18:17

Tsangshiq raq Absalom maa ka piwanto. Raüta rum na hiqkhobok atsaüwiq ashi asi kra mong na dobaiqto. Raüta long kaü rong jonghea miishe pangbaiqto. Kiimaq Israilnok ka tlotli pintrangto. Raüta maiqmiimii jam niishe pin wanto.

2 SAMUEL 18:7

Israilnok ka Dawit sengi raq tiinamtok khatto. Kriika tiibitaq sumto. Kra ranaiq Israilnok ka maiq hingroqnai tsatto.

2 SAMUEL 19:8

Kiijiishe hokhamwe ka tiidopot she riito. Raüta chela kilamchong tho kiina ngakito. Asengi kong riimin, apaiq ka kiijaq nguta taito. Krai mren tsangshiq tarü kunli apaiq tro niishe riitamto. Kiimaq anü na Israilnok mungmaiqse ka kunkun maiqmiimii hiqshong niishe pintrangto.

2 SAMUEL 20:1

Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”

1 HOKHVMX 12:16

Riita mungmaiqse raq hokhamwe raq tsangshiq bom ka taimak she riikiita, tsangshiq raq akhiishe gitrangto, “Dawit nai ajamtitiim ka wiitatam she midea wan laq! Tsangshiq raq nashiq ma jamlai jaq wa shamkuqta? Israil mungti singmung maiqse lei, nashiq ka maiqmii jam na pin rongpha! Rehoboam ka apaiq honhon lishe misisiq laq!” Krai mren Israilnok ka apaiq wokhong wiishe donghoto.

1 HOKHVMX 22:36

Rajiko rashe nyap wan nap nap niishe Israilnok phenlabi ma aming ka akhiishe kuqto: “Maiq loweatek maiqmiimii mung na kiimaq maiqmiimii chela niishe jang wan ronglaq!”

2 HOKHVMX 14:12

Raüta Amajia phenlabi raq rekhat ka tangmak dea riito. Krai mren asengi phenlabi thun ka maiqmii jam na pinrang wawanto.

2 KAÜWA WERAÜ 13:17

Abija nai asenginok phenlabi raq Israilnok ka tiinamtok khatto. Raüta lakh biingi Israilnok phenlabi srea nolajongbi ka jiimto.

2 KAÜWA WERAÜ 25:22

Raüta Juda mungti phenlabi raq rekhat tang mak dea riito. Kiimaq tsangshiqnok phenlabi ka maiqmii jam na pin trangto.

Tvtsvmc 78:9

Ephraimnok ka liq piraqchhaq liqsin chii wiraq chhaq rekhatkai aki jai na jangrang pinto.

JEREMIA 7:12

Shilo na kilanta liiki rongkiqta. Kriika ngi raq imang ka shomnoq wan miitu apha shaqshaq atsea wanha hiqshong. Shatmaq isengi Israilnok raq ngarai pahea klowan kha na, ngi raq kra chela ka jamkho riikang kra liiki rongkiq.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

TRI CHONGKE 28:15

Mosheq raq Israilnok ma nguto, “Shatmaq ümchaü ranaiq ngi raq ümniima kuqtiikang Tatiwe üm Shiikeawe raq akuq aming thun nai thungtri raütu thun kra tsapkapkap maq lang maü, apaiq aming thun nai tri thun kra tlea haü jiila, arjaq waiqtlaq manson abi thun ara ümniimiishe minikhi wan:

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

1 SAMUEL 3:11

Tatiwe raq apaiq ma nguto, “Akhing ashi na ngi raq Israilnok khuthaq na phanshi ra, pinthum phiiptsi chang mikloha. Kra mra pin tsütsa ka tai raüla, maiqse angu tarü pinthum phiip raq mitsai.

1 SAMUEL 4:2

Philistainnok raq Israilnok ka khatto. Kiimaq henghea riikhat jai tsangshiq raq Israilnok ka tangto, kiimaq maiq hingblai tin rekhat chang binjü na jiipbaiqto.