1 SAMUEL 3:17 - ASII LAKDAP Bible (BSI)

¹⁷ “Tatiwe raq ümniima jamlai wa chongta?” nguta Eli raq waito. “Ümniiraq ngi ma jamlai min naq paükiq. Apaiq raq ümniima bom ümchuwa chongtaq, kra wiita ngi ma chongmaü haüla, Shiikeawe raq ümniima mo jonghea mitiiho.”

Hawa Naga Bible 2001

¹⁷ Eli rueq, “Yehowa rueq mnoz muex yvmx lac jungx phvnx? Ngaz muex jungc tvkoc yvmx muinz nauk duimx kaz. Vpiq rueq jungx tueq phvnx ruip saz kuex mnoz rueq ngaz muex jungx kuq muq ngoz ruiux yuq, Tishox rueq mnoz muex murx tvgurc kv-phux,” ngoz kuq tueq.

1 SAMUEL 3:17 Referencias Cruzadas

2 SAMUEL 14:18

Kiijiishe hokhamwe raq treto, “Ngi raq ümniima bom poshi waipha. Kra ümniiraq ngi ma riikhaqli chong ratlo.” “Chaü lei, wai laq, jamlai wairo wa,” nguta kriinyung raq treto.

2 SAMUEL 19:13

Kiimaq Dawit raq tsangshiq ma Amasa miiri akha chonglaq nguta tiichong wanto, “Ümniika ijamti. Ümchaü ranaiq miishe ngi raq ümniika Joab la na, i phenlabi pengti phentu ajong pinthumwe miishe shong tiikang. Ngi raq ara klo mang la riihala, Shiikeawe raq ngi ka tiikhiq laq mibuk baiq laq!”

2 SAMUEL 3:35

Ranaiq minru mungmaiqse raq Dawit ma phanshi ra phaqsiq laq nguta tiipaiqnea chongto. Shatmaq Dawit raq atsidada maq akha sinkiitiq bomto, “Rashe micha shaq na ngi raq phanshi ra inü niila thiiha jiila, Shiikeawe raq ngi arka ikhupo arjaq tiikhiqlaqtiq mibukbaiq laq!”

2 SAMUEL 3:9

Tatiwe raq Saul nai asaü asetiim jaq wa mungtan ka nyeaho lata, Dawit ka Israil mung nai Juda mung na, siimko nü maq riita siimko nü na hamli khuthaq hokham miishe mishong wanha nguta kiqkhamkuqto she. Riita ümchaü min ngi raq, ara jaqsham ara tiikuri kuq wan mang la riihala, Shiikeawe raq ngi arka ikhupo na tiichhit ra tiq mibuk baiq laq!” ngutiishe Abnar ka tiitumto.

1 HOKHVMX 22:16

Shatmaq Ahab raq treto, “Ümtiikiiwa ümniiraq Tatiwe mang na ngi ma bom chongtlaü, tengteng bomtsi kli chonglili riilaq! Arka ngi raq ümniima achongtsi riimin aniishe?”

2 HOKHVMX 6:31

Apaiq raq atsan bitsi ma akha gito, “Rashe micha shaq na Elisha khupo kra tiitapbaiq mang la riiha jiila, Shiikeawe raq ngi ara tiitsai laq mitsatbaiq laq!”

Tvtsvmc 141:5

Maiqshaqti raq ngi ma mangchan raüta ngi ma mo mitiiholaq kiimaq ason ango mirlaq, shatmaq abi maiqse raq ngi shrengtlaq kriika taomang. Jamkhano ngukla tsangshiq raq wranaiqshe ashut klotlaq kra miitu ngi raq achu jaütiikang.

JEREMIA 38:14

Akhing ashi na hali Hokhamwe Jedekia raq ngi ka atsam ngoja Shomjam kilamchong ba kiijaq tiiheakito. Raüta apaiq raq akha nguto, “Ngi raq ümniima bom poshi waipha. Ümniiraq ngi ma bom ka riikhaqli tengteng chonglaq.”

JEREMIA 42:4

Kiijiishe ngi raq trekang, “Ahea na, ikhiijiika. Ngi raq nashiq Tatiwe, Shiikeawe jaq wa achu mijaü kang. Namshiq raq ngi ma chong lan kra phan phan, kiimaq apaiq raq ngi ma jamlai wa chongjiiq kra namshiq ma michong kang. Ngi raq namshiq ma jamlai bom min dampaü mang michong kuq kang.”

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

Mikha 2:7

Israilnok ka Tatiwe manson ho raüta sitlo ngutiisha tiima tlaü? Tatiwe raq abi jaqsham ka ninlot mak she ngutiisha tiima tlaü? Tatiwe raq atinkhan abi kiimung ka miklo wandea shea? Tatiwe raq athuk atsom kloti lungwiitlo riimak shea?”

WEAWEA 23:17

Kiimaq apaiq ka jangho nongto. Raüta apaiq raq Balak ka chaqtlii-honglu kuqtaq kriijaq Mob mungti welabi rai chapshat li lohoto. Balak raq apaiq ma Tatiwe raq jamlai wa nguta kra waito.

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

RUTHA 1:17

Ümnaq ümbano mitsai haü; kiijaq ngi min mitsai ha. Ümnaq lapchang ka imaa lapchang miraq. Ngi raq ümnaq baiqthüha jiila, Tatiwe raq ngi ma mra mikuq laq, i miisaq thum raütiq, üm wokhong wa mitiiphea lot!”

1 SAMUEL 14:44

Kiijiishe Saul raq apaiq ma nguto, “Ngi raq ümniika tsatbaiq mang riihala, Shiikeawe raq ngi ka mitsat baiq laq!”

1 SAMUEL 20:13

Kiimaq apaiq raq ümdü na jaqmiiqchang ngutiidea dan tlaq shatmaq, ngi raq ümniima tiitai mang lata, ümniika ahin na tiiju lata ümchiim tiijin mang riihala, Tatiwe raq ngi ka tiikhiq laq mibukbaiq laq. Tatiwe raq iwe rai jamkho adam sitaq, kiikhiisii hali, ümnii rai min misi laq!

1 SAMUEL 25:22

Anap ranap ra miwüshaq na, ngi raq kriiwa maiqwere thun ka weshi min tiichong mang maq jiipbaiq mang la riihala, Shiikeawe raq ngi ka tiikhiqlaq shetiq mibuk baiq laq!” nguta Dawit raq atsan na tiimato.

1 SAMUEL 3:16

Eli raq apaiq ka heato, “Ise Samuel lei!” “Oi. Ngi arjaq lii,” nguta Samuel raq treto.