1 SAMUEL 27:8 - ASII LAKDAP Bible (BSI)

⁸ Kiijaq siwantaq liipan na, Dawit nai asengibi raq, Geshur chelati, Girji chelati kiimaq Amaleknok thun kra longki lili riito. Tsangshiq ka man niiphü kra binjü na shongti dongdii riito. Apaiq raq tsang mung ka Ejip mung hiqrai binjü na sitlaq Shur chela kiina saülili khatkitlo.

Hawa Naga Bible 2001

⁸ Kvruex baunglaung Dawid nuiyc piq miq htenc rueq kvruex hong htenc nuex mvnnuex phuex vhttax Geshur, Girzi nuiyc Amalek miqsaz htenc kuex khvt kaz tueq. Piq rueq tsuingshiq ghaq vraungx kuex Ejip mungx nuex kay juing Shur ghaq nuex httuiuc laz khvt vtueq,

1 SAMUEL 27:8 Referencias Cruzadas

2 SAMUEL 14:23

Krai mren, apaiq ka kiiwa tiido wanto. Raüta Geshur chela na kihoto. Raüta Absalom ka Jerusalem na hali tiijang shea wanto.

2 SAMUEL 14:32

Kiijiishe Absalom raq treto, “Ngi raq ümniika tiiheawa phata kimaü, kriikha na chaq kang. Ngi raq ümniika hokhamwe phana walaüta, ngi miitu apaiq ma bom ka: ‘Ngi ka Geshur chela baiqthü lata, arjaq jamlai miitu wa wakang? Ngi miika kiijiili sirai hajaq riiwe ka ahea riichang wa.’” Kiimaq Absalom raq bom ka akha nguto, “Ngi ka hokhamwe rai riihumwa miitu tiihongkuq laq. Kiimaq ngi ka ajiqwe dea jiika, apaiq raq ngi ka atseali mirbaiq laq.”

2 SAMUEL 15:8

Man na ngi ka Siria mung na Geshur chela na siji na, ngi raq Tatiwe ma, apaiq raq ngi ka khu asang maq Jerusalem na tiijang sheawan nong raüla, ngi raq apaiq ka Hebron chela na mishomnoqha nguta bomkham khathü kang.”

2 SAMUEL 3:22

Arjai miishe Joab nai Dawit sengi ajong alabi thun ka maiqhiq longki raüta rejang wa sepat lopi pahea howan raüta saü wato. Shatmaq Abnar ka Hebron chela na Dawit rai lowan makshe riito. Apaiq ka Dawit raq ramram kuq raüta khu-asang maq atiiwabaiq wishe riito.

2 SAMUEL 3:3

Kiimaq Chileab. Anyung mang ka Abigail. Apaiq ka wulumwe Nabal tanyung arom wan. Apaiq ka Karmel hongti. Kriijai wiika, Absalom. Anyung mang ka Makaq. Apaiq ka Geshur chela hokhamwe Talmai se.

2 SAMUEL 8:12

Kriika Edom mungti, Mob mungti, Ammon mungti, Philistain mungti, kiimaq Amaleknok mungti khat raüta alap wan kiimaq Hadadejer jaq wa alap wan thun riito.

1 KAÜWA WERAÜ 2:23

Shatmaq Geshur nai Aram mungtanti kiraüta khatto. Raüta kra mung wa chela roqtrok jiiwanto. Kriika Jair hong Kenath hong binjü wa hiqshong thun kriimin romshaq na kiimaq kra tro binjü ajeje wa chela thun kiimin hamli nyea wanto. Kra wang na siti maiq thun ka Makir lai ala phan, apaiq ka Gilead ma awe.

DUNGWVNC 15:22

Kra raütiishe Mosheq raq Israilnok ka khamjong khamshii chum kriimaq Shur kumtsaiphii rumnyangkhi wan nü niishe sheahoto. Tsangshiq ka ranaiqtsam tinkhit kra kumtsaiphii rumnyangkhi lam maq wawanto. Shatmaq kham ka ahü hummak riito.

DUNGWVNC 17:8

Amalakaiqnok ka kito. Raüta Israilnok ka Rephidim hiq wa longkito.

WEAWEA 13:29

Kiimaq Amalakaiqnok ka Kanan mung shemai nü wang na shongtlo. Kiimaq Hitaiqnok, Jebusaiqnok, kiimaq Amoraiqnok thun ka ku akin tonglong wang kiina shongtlo. Kiimaq Kanannok ka Mediterenian khamjong kii wang na nai Jordan rai khü phan phan na shongtlo.”

WEAWEA 14:45

Kiijiishe, kiijaq shongti Amalakaiqnok nai Kanannok raq Israilnok ka khatto. Raüta tsangshiq raq Israilnok ka tangto. Kiimaq tsangshiq ka Horma hiqshong na saüli joho raüta khatto.

JOSHUA 12:5

Apaiq mungtan ka Harmon Pum maq riita Saleka binjü kiimaq riita, Bashan wang wiita hamli raüta, Geshur wang binjü kiimaq Maka wang binjü maq riita, Gilead wang binjü wa khoko tiikholiiq raüta, Heshbon chela Hokhamwe Sihon hiq rai kiina saüli riito.

JOSHUA 13:13

Shatmaq tiina, Israilnok raq Geshur wangti nai Maka wangti ka jobaiq lot mak dea riito. Tsangshiq ka ümchaü min Israil mung niili sitlo.

JOSHUA 13:2

Philistain mung thun tlotli kiimaq Geshur mung ka,

JOSHUA 16:10

Shatmaq tsangshiq raq Gejar chela na siti Kanannok ka jobaiq lot mak dea riito. Kra ningkhan, Kanannok ka ümchaü niitaq saüli, Ephraim phan raili sidam tlo. Shatmaq tsangshiq ka di ma tiija raüta tiisitlo.

PHOWEBI 1:29

Kiimaq Ephraim phan riimin Gejar chela na siti Kanannok ka jobaiqlot mak dea riito. Krai mren, Kanannok ka ümchaü niitaq tsangshiq raili sidamtlo.

1 SAMUEL 29:6

Kriikha niishe Achish raq Dawit ka atho na heato. Raüta, “Ngi raq Israilnok atra Shiikeawe mang na atiitum lata ngutiikang, ümniika iwokhong na ibom taiti maiqshaq weshi nguta siwan tlaü. Krai mren, ngi ka pinthum khoqriiq shishiiq maq ümniika ngi rai adam maq rekhatkai miitu sheaho rotiikang. Ümniika iwokhong na isengi ma jawan laü ranaiq miiphat, ümchaü ranaiq arjaq saüli, ngi raq ümhon ümtsii kra kiimaq ümjaq sham ümkaiwa thun na jamlai phan min phanshi ra na ajiq sham wan laü nguta imaklii tiithuli chang ka jamlai min ahü chhi mang. Shatmaq hokhambi ahinti raq ümniiraq naishiqnok rai rekhat kai dam ka lungwii mak.

1 SAMUEL 30:1

Ranaiq nai jai miishe Dawit nai asengibi ka Jiklak chela niishe saüto. Amaleknok raq Juda wang wa shemai nü binjü thun kra khatto. Kiimaq Jiklak chela kriimin khatto. Tsangshiq raq Jiklak chela ka wa maq tiibunlak chaqbaiq thüto.