1 SAMUEL 27:1 - ASII LAKDAP Bible (BSI)

¹ Dawit raq apaiq nai apaiq she tiibotto, “Saul raq ngi arka ranaiqshi shi ka mitsat she. Arkha na ngi ma ahea pinthum ikhum tiichhii miitu ka Philistain mung na tiipaükai riiwe ka ahea miraq. Kriishe nguraü jiika, Saul raq ngi ka atsea ma Israil mung na ngi rit sea ka ateishe mirbaiq. Kiimaq ngi ma jamhai song chang min ahü miraq.”

Hawa Naga Bible 2001

¹ Dawid rueq, “Sholu rueq raungnuiyq shishiz ngaz kuex thvt phuex. Ngaz kuex Philistin mungx nuex yuz wvnc ruiux waz ngvy tvkoc vhvlx rvtuex. Kvkaq jix Sholu rueq Israel mungx nuex ngvy thuiyc khuemx shamx hung yaq kuex httvr gay ruiux, ngaz muinz vhvlx kvwungx httax lvp taungx,” ngoz tueq piq rueq tvmaung tueq.

1 SAMUEL 27:1 Referencias Cruzadas

1 HOKHVMX 12:26

Raüta apaiq nai apaiq kli akha tiingoto, “Riita ümchaü jamkho mung na rahai sitlaq, akhli sihaüla, isenginok mungmaiqse ka Jerusalem na ki raüta, kiijaq Shomjam sitlaq kiijaq Tatiwe ma honglu kekai kiraüla, tsangshiq tsantsii ka Juda mung Hokhamwe Rehoboam miishe mikuq wan. Raüta tsangshiq raq ngi ka atsea she mirbaiq.”

1 HOKHVMX 12:28

Apaiq kra bomtsi khu thaq na heashi asha puq shiwea wan raütiishe, apaiq raq chaq maq minsaü pongse nai anai sumla loto. Raütiishe apaiq asenginok mungmaiqse ma akhiishe nguto, “Namshiq ka lam luhea kilili lantea Jerusalem na Shiikeawe shomnoqkai kitlan. O Israilnok singmung maiqse lei, liimanta arjaq ahata namshiq phrakaütiim, namshiq ka Ejip mung wa shea wanti!”

1 HOKHVMX 19:3

Kra tsütsa ka tairaüta Elija ka ahai riito. Krai mren apaiq akhum tiichhii achiimjin juhoto. Apaiq raq ajaqshi se kra sheaho raüta Juda mung na Beersheba hiq na juto. Apaiq jaqshise ka kiijaq baiqthü raüta,

2 KAÜWA WERAÜ 25:17

Juda mung Hokhamwe Amajia nai apaiq danhonti raq Israil mung khat miitu thiikho thuto. Raütiishe apaiq raq Israil mung Hokhamwe Jehoahaj se Jehoash, apaiq ka Jehu ma asaü kriima alachong dok dok maq riikhat i nguta mat niq bom tiichong wanto.

Tvtsvmc 116:11

ngi raq ihaisitsi ma akha bomtiikang na min, “Maiqse miika akamsea chang ahü,” kamtsantsii ka phataqtaq thüwankang.

Tvtsvmc 55:7

Ngi ka luhea na abi wanha chang wa lata kumtsaiphii bintang jüngi wang na abi wanha chang wa.

DUNGWVNC 14:12

Naishiq raq mikihohai shaq niiphü akha mirhumjo nguta ümniima chongmai sha riikai? Naishiq raq ümniima naishiq ka naq paq laqkiq li nguta chongmai sha riikai. Kiimaq ümniima Ejip mung na tsangshiq dikong ma jalaitli si rong i nguta chongkai ihata. Maiqdikong ma jalaita kiijii li siriiwe ka ara kumtsaiphii na jiim rai nam ma ahea lin.”

TAKSU LAK 13:12

Maklii khamthii aran siq kra, saüwa mak raüla, tsaiji tiikom pot riitlo. Shatmaq ranphan tsantsii ka, tiinyili saüwa raüla, tsaiji kongtampuqshi riitlo.

ISAIA 51:12

Tatiwe raq ngutlo, “Ngi ka ümniima ningkun shoqketiwe. Ümniika han-ngam hiqda maiqse jaram haiwa, apaiq ka sangphii ikha aloseli misi riimaksha?

WEAWEA 14:3

Tatiwe raq nashiq ka kra mung na jaram wa tsuq wantla? Nashiq ka re na mitsai rong i. Kiimaq nachaktiim nai nasetiim thun ka re raq shumwi kong ma mitsuq wan. Kra nam miika, Ejip mung na jangho nong riiwe khoti ahea lin miraq riimak sha?”

Matthew 14:31

Kiijiishe, Jesuq raq ajaq maq Petar ka hitjoq lapto, raüta, “Ümkam tsantsii ka jaro ranrai tla! Ümniiraq ngi ma kamtsantsii thü wan ka, tsanko tsanki ka jamkho thü tlaü?” nguta sonto.

Mark 4:40

Raütiishe, Jesuq raq ajaqshisetiim ma nguto, “Namshiq ka jam nguta hairai wa? Namshiq raq ümchaü niitaq ngi ma kamtsantsii ka thü man sha?”

2 Corinthians 7:5

Naishiq ka Mesidonia wang na saü wan jai min, phanshi dongdii min nü tiitsak wan mai riikai. Barap binrii na, litkot chamchao li, nanok rai tatso wiinyili, naishiq tsan mong na haisi rasong li siwan kai.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.

1 SAMUEL 20:3

Shatmaq Dawit raq treto, “Ümwe raq ümniiraq ngi pinthum lungwii tlaü nguta asap. Kriikha na apaiq raq jamlai wa kiimungtlaq, kriika ümniimiika chongmang nguta atoqtanwi she. Jamkhano ngukla, ümtsan ka tiibitaq miraq nguta apaiq raq asap. Ngi raq atra Tatiwe mang na chongtiikang, ngi ka i rilung thum ma ajeli she!”

1 SAMUEL 22:5

Kiijiishe shammiwe Gad ka Dawit phana kito. Raüta, “Ümniika arjaq naqsikiq. Tlothit Juda mung kiina watlo laq,” nguta thaüto. Krai mren, Dawit ka kiiwa wawan raüta Hereth binjü rum kiiniishe wawanto.

1 SAMUEL 23:17

apaiq ma akha thüda kuqto, “Ümniika naqhaikiq. Iwe Saul raq ümdü na jaq miiqlot mak miraq. Iwe raq ümniika ranaiq shi akhing na Israil mung na hokham ma mija haü nguta asap. Kiimaq kra akhing na ngi ka ümjaq tiihap wantiwe ajong ma mijaha.”

1 SAMUEL 25:30

Kiimaq ümtiikiiwa Tatiwe raq ümniima ümchuwa ahea awa miklo kuqha nguta kiqkham kuqtaq, kra thun ka tiikupi wan raüla, raüta ümniika Israil mung na hokham miishe shong raüla,

1 SAMUEL 26:19

Chaü lei, ngi raq jamlai bom wa chongtiikang ara samhea tiitsang tailaq. Riita, ümchaü ümniiraq ngi jorat tlaü arka Tatiwe apaiq riidea, ümtsan ümtsii kra tiipherak baiq wan raüta jotlaü jiika, apaiq ma honglu kuq raüjaq, apaiq tsantsii kra ashi mirwan. Shatmaq, maiqse riila klo liitlaq jiila, Tatiwe manson kiqsü homa kra tsangshiq dü niishe minilaq. Jamkhano ngukla, tsangshiq raq ngi ka Tatiwe raq akuq hiqshong mong kriiwa ngi ka pongmung na, sumla phra thun kra shomnoq wantibi mung niishe jobaiq wanto.

1 SAMUEL 29:2

Kiimaq Philistainnok hokham webiingi riika, maiqmii sengi phenlabi thun ka ashi ashi maq nai ahing ahing maq kongshi shi tiihong raüta rekhatkai wawanto. Kiimaq Dawit nai asengibi ka Hokhamwe Achish rai apaiq jai na wawan damto.

1 SAMUEL 29:3

Kiijiishe Philistainnok phentubi thun raq Dawit nai asengibi kra chhito. Kra chhi raüta akha waito, “Riita ara Hibrunok arka arjaq jamlai ritkai aki wa?” Kiijiishe Achish raq treto, “Arka Dawit. Israil mung hokhamwe Saul sengi maiqla weshi. Apaiq ka ümchaü ngi rai rahiq aluwiq she sitlo. Apaiq ka ngi rai adam siwanli miiphat, apaiq ara ajiq shamto nguta ngo chang jammin ahü chhimang.”