1 SAMUEL 26:6 - ASII LAKDAP Bible (BSI)

⁶ Kiijiishe Dawit raq Hitaiq phan Ahimelekh kiimaq Joab ma ano Abishai (tsangnai ma anyung mang ka Jeruia) kiima, “Riita namnai wenai liipan wa, ngi rai Saul piitiip mong na juwa miki damhan?” nguta waito. “Ngi mikidam ha,” nguta Abishai raq treto.

Hawa Naga Bible 2001

⁶ Kvruex yimaq Dawid rueq Hitti miqsaz Ahimelek nuiyc Joab nox Abishai (tsuingnueyc nyuiuz kuex Zeruia rvtueq) tsuingnueyc muex ngoc, “Nuimnueyc wawc washiz mruex jix waz lac ngaz rulc vdvmz Sholu jerak nuex kaz naungx ruinx?” ngoz tueq wiz tueq. Abishai rueq, “Ngaz kaz taungx,” ngoz tueq tvralc tueq.

1 SAMUEL 26:6 Referencias Cruzadas

RAPHA HIQWA LAK 10:15

Kanan setiim ka, Sidon, apaiq ka chhikhuwe pinthum. Kiimaq Heth, tsangnai kiiwa tsangnai mangponti maiq phan thun ka puwanto.

RAPHA HIQWA LAK 15:20

Hitaiqnok hiq, Perijaiq nok hiq, Rephaimnok hiq,

RAPHA HIQWA LAK 23:3

Apaiq raq tsang-nyung maa wechang hiq ba ka baiqthü raüta, Hitaiqnok phana wato. Raüta akha nguto,

RAPHA HIQWA LAK 26:34

Isaü ka arawii wiiroqblai maiq she angu na, apaiq raq Hitaiq sheare nyungnai lamto. Tsangnai mang ka Judith. Apaiq ka Beerise. Kiimaq nyungshi mang ka Basemath. Apaiq ka Elon se.

2 SAMUEL 11:21

Namshiq raq Gideon se Abimelekh ka jamkho tsat baiqtaq ira alaq shea riibaiq lan? Apaiq ka Thebej chela khat kai akhing na jechak nyung ashi raq tsamthaü chang longtham kaü kra khetuk kilüpu maq tiidea raüta tsatto. Kra taü maq namshiq ka namshiq khetuk tiinap hea na jam nguto kilan?’ Hokhamwe raq ümniima kra wai phaü la, ‘Ümsengi siihiipwe Uria irmin re raq tsatto,’ nguta chong laq.”

2 SAMUEL 11:24

Kiijiishe tsangshiq raq naishiq ka khetuk mong miishe liq maq hiipto. Raüta Chaü lei, ümsengi siihiipbi wiijam ka tsaito. Kiimaq ümjaqshise siihiipwe Uria kiimin tsaito.”

2 SAMUEL 11:6

Kiijiishe Dawit raq Joab ma bom ka akha tiichonghoto: “Ngi pha na Hitaiqwe Uria ka tiiwa laq.” Krai mren Joab raq apaiq ka Dawit pha na tiiwato.

2 SAMUEL 12:9

Ikhla ümniiraq ngi aming thun ka jam nguto jin laü? Ümniiraq ara abi ashut ka jamlai nguto klo laü? Ümniiraq Uria ka re ma tiitsat baiq laü. Ümniiraq apaiq ka Ammonnok ma tiitsatbaiq laü. Laüta tsangnyung ka ümniiraq romphaq wan laü!

2 SAMUEL 18:5

Apaiq raq Joab, Abishai kiimaq Itai ma akha aming kuqto: “Ngi miitu tiima lanta, jerowe Absalom dü na jaq ka naqmiiq rongkiqjo.” Kiimaq Dawit raq apaiq phentuwetiim ma ara aming kuqtaq kra phenlabi wiita raq taito.

2 SAMUEL 2:13

Joab, anyung mang ka Jeruia, kriiraq Dawit sengi ajong alabi thun rai ka thamchum tho kiijaq riihumto. Kiijaq tsangshiq tarü ka anga riito. Kongshi ka thamchum maq konü siim reko na kiimaq kongshi ka konü siim reko na ngato.

2 SAMUEL 2:18

Jeruia setiim siphu wetsam ka kriijaq riito: Joab, Abishai, kiimaq Ashahel. Asahel ka aju na chhingise doqtlaq ikha phiqhea pinthum jutlo.

2 SAMUEL 23:18

Joab ma ano ka Abishai. Tsangnai ma anyung mang ka Jeruia. Abishai ka “Nolajong Pinthum Roqtsam” kra pengti riito. Apaiq raq apiq kiishi miili rewebi kong shitsam khatto. Raüta rewe thun ka wiita jiipbaiqto. Raüta apaiq ka “Nolajong Pinthum Roqtsam” phong na ajong ma jawanto.

1 HOKHVMX 10:29

Kiimaq Ejip mung wa kumrang leng thun pong mung na piikii ma lun wan tlaq kriimin pengshat maq liito. Tsangshiq raq Hitaiq mung hokhambi ma nai Siria mung hokhambi ma kumrang kong nai kumrang leng thun kra lun kuq wan lili riito. Kumrang leng ashi ka kampho ngam kamsii 600 pha shato. Kiimaq kumrang kaüshi ka kampho ngam kamsii 150 pha na shato.

2 HOKHVMX 7:6

Tatiwe raq Sirianok niki na phenlabi maiq mung pahea sheawan raüta, kumrang kong nai kumrang leng thun hitti kong warai trang ikha tiitaito. Krai mren, Sirianok raq kriika Israil hokhamwe raq Hitaiq mung nai Ejip mung hokhamwe ka tsangnai sengi phenlabi thun nongnong maq tsangshiq tiikhat ma shiipto nguta tiimato.

JOSHUA 3:10

Namshiq ka jamkho Kanan mung na nyap wan wan, milong wan han, Tatiwe apaiq raq, Kanannok, Hitaiqnok, Hiwaiqnok, Perijaiqnok, Girgashaiqnok, Amoraiqnok, kiimaq Jebusaiqnok thun kra wiita thumthum mijobaiq. Raüta, namshiq raq atra Shiikeawe ka namshiq rai nguta misap wan han.

1 SAMUEL 26:7

Kra riichongtaq krai mren, kra rawa Dawit nai Abishai ka Saul piitiip mong kiijaq nyapwato. Raüta tsangnai raq Saul ka piitiip mong ba na, apiq ka akhupo tho kiijaq hiq na shong raüta, apaiq ka akon makaiq humkito. Abnar nai phenlabi thun ka apaiq trotam na akon makaiq riito.