1 SAMUEL 24:4 - ASII LAKDAP Bible (BSI)

⁴ Kra chhi raüta, Dawit kongtibi raq apaiq ma chongto, “Liilaq, ara ümniima akhing heahea pinthum! Tatiwe raq ümniima, apaiq raq ümjaqti ka ümjaqkhon mong na mikiinong kuqbaiq, raüla ümniiraq ümjaqtiwe kra jamkha tiijabaiq wa ro tlaü, kriika ümniiraq athithi nguta chongto ihata.” Krai mren, Dawit ka atsise maq kaütsrong maq tiihit ho raüta, Saul dü na samtlaq samtongjong kaü ni kriiwa, Saul ma tiihe mak maq, phushi panthit hanto.

Hawa Naga Bible 2001

⁴ Tsuinghez rueq piq muex ngoc, “Vruex kuex mkamc rvtueq! Yehowa rueq mralx waz kuex m-yauk nuex lekuq shuex ningkhvnc nuex mnoz rueq vroc piq kuex ruez lot shuiux, ngoz tueq mnoz muex jungx shec tueq,” ngoz tueq. Dawid kuex vyumx saq maq kaz vtueq Sholu rueq helc muq piq khvy hungluz nac kuex jumx gvnz kaz tueq.

1 SAMUEL 24:4 Referencias Cruzadas

2 SAMUEL 4:8

Raüta tsangnai raq maiq khupo ka Hokhamwe Dawit ma Hebron chela kiijaq kuq wato. Kiimaq apaiq ma akha chongto, “Arjaq ara ümnaq tseabaiq tankhantiwe Saul se Ishbosheth khupo. Ümchaü ranaiq Tati raq, Chaü lei, ümniima Saul nai asaü asetiim khuthaq na üm phuk she lamkuqto.”

YOBA 31:31

Ngi rai jaqsham damtibi tarü raq asap, ngi ka wranaiqshe ijam na wanwe saütlaq kra tao wanti.

Tvtsvmc 142:1

Ngi raq Tatiwe jaq wa khrumlaq nguta achu jaükang; ngi raq apaiq ma tiipaiqneakang.

Tvtsvmc 57:1

Ngi tiihangkuq laq, O Shiikeawe lei, tiihangkuq liidea, jamkhano ngukla ngi ka ümtiiwong na nyapwan tiikang. Ngi tiiwongchang ka ümrakhong kra rathaiq henghea kra mitsaq shaq wiiwii.

DUNGWVNC 21:13

Shatmaq kra mra pintaq ka shaiqshuq shi miili pinkitaq apaiq raq samsam maq atsea dongdii nguta atsat riimak jiika, kriiwe ka Ngi raq namshiq miitu ümra hiqshong wa tsea lata thütiikang kra hiqshong na juraüta tiipaü kaichang. Kiimaq apaiq ka kiijaq tiiwongshat misi.

1 SAMUEL 22:1

Dawit ka Gath chela wa juhoto. Raüta Adullam chela tho na longsha ashi na tiipaü juto. Kiimaq apaiq ka kiijiishe nguta aphu anotiim raq kiimaq apaiq ma ata awii thun riishe tsütsa ka tai raüta, tsangshiq min apaiq rai she pong wan damto.

1 SAMUEL 23:17

apaiq ma akha thüda kuqto, “Ümniika naqhaikiq. Iwe Saul raq ümdü na jaq miiqlot mak miraq. Iwe raq ümniika ranaiq shi akhing na Israil mung na hokham ma mija haü nguta asap. Kiimaq kra akhing na ngi ka ümjaq tiihap wantiwe ajong ma mijaha.”

1 SAMUEL 23:7

Riita, Saul ma Dawit ka Kaila niishe kihoto nguta tsütsa ka tiitaito. Kra tai raüta apaiq raq, “Shiikeawe raq apaiq ka ijaq khon mong niishe tiiwato. Dawit ka trotam maq kiitelong maq aruk kiimaq chela kilam chong thun min jin kilü maq atiihong kiijaq kiho raüta, apaiq nai apaiq kli thiikho mong na tiithii rai wato,” nguta bomto.

1 SAMUEL 24:10

Liilaq, arjaq ara. Ümchaü linlintiq, ümniika longshaki na Tatiwe raq ijaq khon mong na kiinong kuqto. Isengi wiijamti raq ümniika kiijiili tiishe laq nguta chongto. Shatmaq ngi ka ümniima mangchan tsihea. Kriikha niishe, ngi nai ngi she tiingo kang, ngi raq ümniika atsea ata riili kla riimang nguta ümniika tiihang kang. Jamkhano ngukla, Tatiwe raq ümniika hokham ma shongto.

1 SAMUEL 24:18

Ümchaü ranaiq akhing na, ümniiraq ngi ka ümtinkhan wa lungwii tlaü kra tiichhi kuq laü. Jamkhano ngukla Tatiwe raq ngi ka ümchaü ranaiq ümjaqkhon mong na kiinong kuqto. Shatmaq, ümniiraq ngi ka tsatbaiq maü dea riilaü.

1 SAMUEL 26:23

Tatiwe riika juwa tsapkapkap kiimaq tingting maq sitlaq kriiti ma poksi kuqtlo. Ümchaü ranaiq apaiq raq ümniika ijaq khon mong na kiinong kuqto. Shatmaq ngi raq ümdü na ijaq miiqmang dea. Ümniika Tatiwe raq hokhamwe ma ashong.