1 SAMUEL 24:12 - ASII LAKDAP Bible (BSI)

¹² Nanai liipan na juwa ajiq, juwa alam kriika Tatiwe riitiq miphokuq laq! Ümniiraq ikhu thaq na atinkhan ashut kiimung tlaü arkha ka Tatiwe riishetiq ümniika mitsa sha wan kiiphaü. Shatmaq ngi raq riiwe kla, ümdü na ijaq ka miiq mang.

Hawa Naga Bible 2001

¹² Yehowa rueq naungnueyc wawc vyaq jix waz muex mphox kuq phueq! Ngaz rueq mnoz muex tvthuiuz sac tvrvhumc vshaungx ningkhvnc nuex, rv-nyengx tsengx shuimx vshuiux laung nuex vpiq rueq mnoz muex murx mtvgurc kv-phux.

1 SAMUEL 24:12 Referencias Cruzadas

RAPHA HIQWA LAK 16:5

Kiijiishe Sarai raq Abram ma nguto, “Hagar raq ngi shummiitlaq arka ümjiq kha na. Ngi raq ijaq maq apaiq ka ümniima kuqkang. Kiimaq apaiq raq apaiq ka wiihan she nguta sap raüta, apaiq raq ngi she shummiihoto. Tatiwe riitiq mipholaq. Nanai liipan na ümniisha riikhaqli shea ngi wa riikhaq li!”

RAPHA HIQWA LAK 31:53

Abraham Shiikeawe kiimaq Nahor Shiikeawe raq nanai liipan wa kha ka mipho.” Kiijiishe, awe Isak raq shomnoqtlaq Shiikeawe mang na, Jakob raq kra sinkham bomtsi raükha kra mithüha nguta kiqkham kuqto.

2 SAMUEL 22:48

Apaiq raq ijaqti thun ka ngi ma, tiitang kuqtlo; apaiq raq maiq mung thun, ipuk na siisaq she tiishang wanto.

1 KAÜWA WERAÜ 12:18

Shiikeawe wenyi raq tsangshiq phong wa weshi, Amasa kra rom wanto. Apaiq ka jai maq “Nolajongbi Roqtsam” khuthaq na phentuwe ma shongto. Krai mren apaiq raq akha riimto, “Jessi se Dawit lei, naishiq ka ümsengi! Ümniiraq ong ruq mirhaü kiimaq ümnaq khrumti riimin ong ruq miraq! Shiikeawe ka ümniirai pongtlo.” Dawit raq tsangshiq ka aheawiq maq taoto. Raüta tsangshiq ka apaiq phenlabi pengti phentubi ma shongto.

YOBA 5:8

Ngi ka ümnaq nguraü ka, Shiikeawe wokhong na minyap wan ha wa, lata ngi kha ka apaiq rung na mishok ha wa.

Tvtsvmc 35:1

Ngi tangtati ka tangtalaq, Tatiwe lei, kiimaq ngi longliiqti ka longliiqlaq!

Tvtsvmc 43:1

O Shiikeawe lei, ngi ka maiqsang nguta kha ka tanlaq, Laüta ra nai hiq sapmakti raq ngi ma kha nyantlaq kriiwa ngi tiiwonglaq; arot chongti nai abi maiqkong jaqkhon wa khupwong laq!

Tvtsvmc 94:1

Tatiwe lei, ümniika Shiikeawe kata maiqse ma mo tiihoti; ümtsankhiq ka tiichhikuqlaq!

Romans 12:19

Kongtitiim lei, namshiq raq ümtiikiimin maiqmii phuk ka naq lam rongkiq. Shatmaq, namshiq phuk ka Shiikeawe riitiq milam laq. Tatiwe raq Asii bomtsi na, “Ngi raq phuk milam ha. Nanok ma abi kloti phuk milam ha,” nguta chongtlo.

1 Peter 2:23

Shatmaq, maiq raq apaiq ka kai shummiito. Li jiimin apaiq raq tsangshiq ka shummii mak. Tsangshiq raq apaiq ka kai tiichamchaoto. Shatmaq apaiq raq tsangshiq ma atham mirkuq ha nguta tiiphiipjiip mak. Shatmaq apaiq raq arilung ka Tingting Phowe, Shiikeawe jaq na wiita apkuq raüta, anin li riito.

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”

PHOWEBI 11:27

Maimak. Ngi raq ümniima jamlai min ashut klo mang. Ümniiraq ngi khatkai nguta matsü tsasü riitlaü ka ajiq bintang klo tlaü. Tatiwe ka phowe. Apaiq raq ümchaü ranaiq arjiili Israilnok nai Ammonaiqnok liipan na kha ka mipho kuq.”

1 SAMUEL 20:1

Kiijiishe Dawit ka Rama hong na Naioth hiqshong wa juto. Raüta Jonathan phana wato. Raüta, “Ngi raq jamlai wa tiibi kang?” nguta apaiq raq waito. “Ngi raq jamlai mat atsa wa klokang? Ngi raq ümwe ma jamlai wa ajiq klokang, apaiq raq ngi ka atsea baiq ma tanli chang ka?” ngutiishe Jonathan ma waito.

1 SAMUEL 24:15

Tatiwe riitiq kha ka mipho. Nanai liipan wa juwe wa ajiq ka apaiq riitiq mipho. Apaiq riitiq milii laq, raüta, ngi ka mitiiwongkuq kiimaq ngi ka ümjaq wa mitiikhup wongkuq.”

1 SAMUEL 26:23

Tatiwe riika juwa tsapkapkap kiimaq tingting maq sitlaq kriiti ma poksi kuqtlo. Ümchaü ranaiq apaiq raq ümniika ijaq khon mong na kiinong kuqto. Shatmaq ngi raq ümdü na ijaq miiqmang dea. Ümniika Tatiwe raq hokhamwe ma ashong.