1 SAMUEL 22:7 - ASII LAKDAP Bible (BSI)

⁷ Krai mren, apaiq raq asengibi ma akha nguto, “Tai ronglaq, Benjamin phan lei! Riita namshiq nga Dawit riika, namshiq ma wak ajam thun kiimaq spiqro thun kra namshiq tarü ma tiikham raütiisha miphea kuq? Raüta namshiq ka apaiq phenlabi thaq na phentu phenla ajong alabi ma shea mishong?

Hawa Naga Bible 2001

⁷ piq rueq piq miq vyungx vlaungx bix muex ngoc, “Benjamin miqsaz lex, tay shuinz! Dawid rueq nuimshiq lotlaz muex wuik vnax nuiyc svpiq sunc htenc kuq lot shuex ngoz tueq haz tvmaung vshuinx? Piq nolaungx ghaqshungc nuex vyungx vlaungx tvyaungc wuez kv-phuinx ngoz tueq haz tvmaung wuez vshuinx?

1 SAMUEL 22:7 Referencias Cruzadas

2 SAMUEL 18:1

Hokhamwe Dawit raq asengi ka wiita adam triitamto. Raüta ahing ahing maq, ashi ashi maq akong akong na triipheato. Raüta tsangshiq pengti phentubi weshi shi shongto.

2 SAMUEL 20:1

Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”

1 HOKHVMX 12:16

Riita mungmaiqse raq hokhamwe raq tsangshiq bom ka taimak she riikiita, tsangshiq raq akhiishe gitrangto, “Dawit nai ajamtitiim ka wiitatam she midea wan laq! Tsangshiq raq nashiq ma jamlai jaq wa shamkuqta? Israil mungti singmung maiqse lei, nashiq ka maiqmii jam na pin rongpha! Rehoboam ka apaiq honhon lishe misisiq laq!” Krai mren Israilnok ka apaiq wokhong wiishe donghoto.

1 KAÜWA WERAÜ 12:16

Jangshi Benjamin phan nai Juda phan wa maiq wiijamti ka Dawit ka peruk weshaü mong na sitlaq kiijaq kito.

ISAIA 11:1

Dawit hokham weraü saüse phan ka pechong ashi adaq arbaiqrat ikha. Shatmaq achongkhuk kiiwa asongsetiim song wantlaq ikha Dawit weraü phan asaü asetiim phong wa hokham weshi midong wan.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

1 SAMUEL 18:14

Kiimaq apaiq ka phanrap jaqsham wantlaq thun ka kunkun ongwan ruq she riito. Jamkhano ngukla, Tatiwe ka apaiq rai asi.

1 SAMUEL 20:27

Kriimaq, shinap ranaiq angu niishe, Jinye Dong Poi maq napjai ranaiq niishemin, Dawit ngachang ba ka shaqmii riito. Kra ningkhan Saul raq Jonathan ma, “Dawit ka ümji ranaiq min, ümchaü ranaiq min dungsea wa wamak jam nguto?” ngugtiishe waito.

1 SAMUEL 20:30

Kra tai raütiishe Saul ka Jonathan ma walüwa ikhiishe khiqto. Kiimaq Jonathan ma, “Ümniika ümnyung lamjiq na kaihoti kriinyung se! Ümchaü ngi raq sapkang she. Ümniika Dawit rai pong dam tlaü. Laüta ümnaq maiqmii khushü kra tiijom tlaü. Kiimaq ümnyung jai phantlaü!

1 SAMUEL 22:13

Kiijiishe Saul raq apaiq ma waito, “Riita, ümniiraq Dawit rai pong laüta ngi tiidea baiq miitu mat kha thiikho ka jam nguto thu tlaü? Ümniiraq apaiq tü adung nai nepja kaü ka jam nguto kuq laü? Laüta apaiq miitu Shiikeawe jaq wa lang jaram wa liikuq laü? Ümchaü apaiq ka ngi ma wesang she. Raüta ngi tseabaiq miitu akhing kheshat maq sitlo!”

1 SAMUEL 22:9

Kra akhing na, Doeg ka Saul sengi siihiipbi rai adam na kiijaq chap shat riito. Kiimaq apaiq raq akha nguto, “Ngi raq Dawit ka Ahitub se Ahimelekh phana Nob chela na kitaq akhing na chhikang.

1 SAMUEL 25:10

Kiimaq Nabal raq bom ka akhiishe treto. “Jamlai jiq ngukai? Dawit raq tiichong wa tiiwa? Apaiq ka ju? Ngi raq apaiq mang jangshi ra min taimang shaq! Ümchaü pat na, namung na atijongwetiim wokhong wa ajuhowiti disekong ka pahea she!