1 SAMUEL 22:2 - ASII LAKDAP Bible (BSI)

² Kiimaq maiq raq tiichamchao tlaqti, riimakla apaiq raq khrum kuqtiiti kiimaq maiq juwa amit simakti thun ka apaiq phaniishe kihoto. Raüta pong wanto. Tsangshiq tlotli ka maiq shiblaitin she riito. Kiimaq apaiq ka tsangshiq khuthaq na asheati miishe jawanto.

Hawa Naga Bible 2001

² Htuingtuing rvhumc jix miq, htawz htuimc vhttax jix miq, thuinz nuex hvlx muq jix miq htenc piq kox nuex kaz wuez tueq, miq lotlaz 400 tanc rvtueq, piq kuex tsuinghez muex vyungx vlaungx yaungx wvnc tueq.

1 SAMUEL 22:2 Referencias Cruzadas

2 SAMUEL 17:8

Ümniiriimin asap haü. Ümwe Dawit nai asengikong ka srea nolajongbi siisaq. Kiimaq tsangshiq ka chapbikaü asetiim tsatbaiq raüjaq maiq ka phiim shiim shiim jowan tlaq ikha, atsai ma haimak. Ümwe ka rekhat na nolajong pinthum asap atsin. Kiimaq apaiq ka rawa niimin asengi phenlabi rai adam niika ngamak miraq.

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

2 HOKHVMX 20:5

Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.

2 HOKHVMX 4:1

Shammibi phong wa weshi tsaikito. Tsangnyung manti-nyung ka Elisha phana wato. Raüta akha nguto, “Shiilangwe lei, ijamtiwe ka tsaikito! Ümniiriimin asaphaü apaiq ka Shiikeawe ma haisong tsantsii thütiwe. Shatmaq ümchaü ka maiq weshi ijamtiwe raq apaiq ma thiitham kechang kampho anam asi kriiwe ka ngi phana wato. Raüta apaiq raq isenai maiqwese nai ka ijamtiwe thiitham kha na di ma tiija ma sheawa wato.”

TAKSU LAK 31:6

Laohu laokhang ka, atsai wanti ma tiinyang chang, riitsi-tsaitsiiq chamchaoti ma, tiinyang chang.

Matthew 11:12

Khamlamketi we Johan raq Ramungtan Tsütsa trahokuq wantaq kiimaq pha wan raüta, ümchaü ranaiq niitaq saüli, Ramungtan sham akai ka pinthum chiq are raq along aliiq li tiichamchao wanto.

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Hebrews 2:10

Riita, arka riikhaqli dea. Shiikeawe ka nashiq Tiiqtiwe. Kiimaq phanrap rümtiwe. Apaiq raq Jesuq ka, chamchao walü mong maq chen wanto. Raüta apaiq puk na nyap wantibi maiqse pahea ma, tiichhii wan lam tanketi we miishe tiijato. Arka Shiikeawe raq, Jesuq pum lümaq, maiqse angu thun tarü ma, apaiq achhai anyii khushü rilung ngao kra, triishake wan miitu tiikuri kuqto. Ara jamkhano chongtiikai ngukla, Jesuq ka tsangshiq tiichhiiketi we miishe tiijato.

PHOWEBI 11:3

Kriikha na, Jephtha ka aphutiim phawa juhoto. Raüta Tob chela niishe sikito. Kiijaq apaiq raq akongtibi pontiiwa na haiseati kongshi apaiq rai triitamto. Kiimaq tsangshiq kiimin apaiq rai pong wanto.

PHOWEBI 18:25

Kiijiishe Dan phannok raq nguto, “Ümniika jam min naqbomkiq li, athi maiqkong tsan ka tiikhiq laüta, ümniirai makjaq kharong khoti riijiiq. Raü ka, ümnaq nai ümjamtitiim wiita atsai chang miraq.”

1 SAMUEL 22:3

Kiimaq Dawit ka Mob mung na Mijpa chela niishe kihoto. Raüta Mob mung hokhamwe ma, “Shiikeawe raq ngi ma jaqsham lamlu kra mitiichhi kuq shaq wiiwii, iwe nai inyung ka arjaq miwa laq. Raüta ümnii rai ümsilaq,” nguta tiipaiqnea chongto.

1 SAMUEL 23:13

Krai mren she, Dawit nai asengi maiq tlotli shitrok tin ka Kaila chela wa tlothit tiidorang she wawanto. Raüta tsangshiq ka ahin na tiisot wan wan li she wawanto. Riita Saul raq Dawit nai asengi thun ka Kaila wa juhoto she nguta tai raüta apaiq raq ahang süriitaq kriika athaq she riibaiqto.

1 SAMUEL 25:13

Kiijiishe, “Lo! Maiqmii nepja kra chhü na chhürang rong laq!” nguta apaiq raq asengibi ma aming kuqto. Krai mren, tsangshiq tarü raq tsangchhü na chhürang riito. Kiimaq Dawit riimin anepja ka achhü na chhüsaq riito. Raüta asengi shinai ka lamsea khema jai na baiqthü raüta, apaiq rai maiqwere shiblaitin kra shea raüshe Nabal longwa wawanto.

1 SAMUEL 30:6

Dawit miika pinthum chamchao chapa jonghea akhing ashi riito. Jamkhano ngukla asengibi thun ka tsangchak tsangsetiim re raq tsuq wan kiita, tsangshiq tsankhiq bisi tsi miishe, Dawit apaiq kriimin long maq tiiq raüta tseabaiq wan ngutiishe tankhanto. Shatmaq Dawit Tatiwe, apaiq Shiikeawe raq, Dawit ma ningkun shoqkuqto.

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”