1 SAMUEL 2:23 - ASII LAKDAP Bible (BSI)

²³ Kra ningkhan apaiq raq tsangnai ma nguto, “Namnai raq arthun ara jam nguto klotlan? Namnai raq abi klotlan ka, nanok tarü raq ngi ma chongtlo.

Hawa Naga Bible 2001

²³ Kvkhoc rvtueq piq rueq tsuinghez muex ngoc, “Nuimhez rueq yvmx ngoz tueq lac kvkhoc ruez vshuinx? Miq pumz tek vtueq nuimhez rueq shuimx kaz vshuinx honc vbac yauk shuimc kuex ngaz muex jungx wuez yaq.

1 SAMUEL 2:23 Referencias Cruzadas

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

JEREMIA 3:3

Kriikha maq tiina ra min junkuq mak she tsaqkitaq kra. Kiimaq lamsesat rajun kiimin jun mak she tsaq kitaq kra. Ümsham ka ümchaü mephe nyung sham ikhiishe. Ümniika jeahü nyung.

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 SAMUEL 2:22

Eli ka tikii kiikaiq she. Asenai raq Israilnok ma jamlai wa ashut kiimung tlaq thun bom ka tairuqli taitlo, kiimaq tsangnai raq Tatiwe sichang jam, kilamchong na jaqshamti jechakre sitlaq krai min kiichamtlo nguta taitlo.

1 SAMUEL 2:24

Thaq ronglaq, isenai loi! Arka riikhiq phiiptsi chang ashut kiimung, Tatiwe sengi nokmaiqse raq riichong raitlo!