1 SAMUEL 2:18 - ASII LAKDAP Bible (BSI)

¹⁸ Kiimaq anü na nonose Samuel ka asii müsaisai raihi-nairai samtong jong se sam raüta Tatiwe ka shiililii wantlo.

Hawa Naga Bible 2001

¹⁸ Kvruex baunglaung nox Samuel kuex vsawc ruiynyel khvymvnz kuex svmx ruiux Yehowa muex tvhttoarc vtueq shuimx kuq tueq.

1 SAMUEL 2:18 Referencias Cruzadas

2 SAMUEL 6:14

Dawit ka achhü na müsaisai raihi-nairai khea lamlam maq riijob sam raüta, aningkun wiita shoq raüta Tatiwe shreng pinthum chojong chise maq wiinum neato.

1 KAÜWA WERAÜ 15:27

Dawit ka namrai ahea pinthum maq ataq samtong jong kaü kra samto. Kiimaq ashi ashunti kong kriiriimin kiikhiisii samto. Kiimaq tsangshiq sheatiwe Chenania riimin kiimaq Tongshong Tek pitibi Lewinok riimin kiikhiisii samto. Kiimaq Dawit riika müsaisai raihi-nairai khea asii kheaphu kriimin samto.

DUNGWVNC 28:4

Tsangshiq ma khuk na samchang miirii, asii kheaphu, samtong jong kaü, rai maq sumla akokrat samtong, akhuphok, kiimaq kheabuntusetiim thun kra klo ronglaq nguta chonglaq. Tsangshiq raq ara ramwe rohun thun ara ümphu Aron nai asetiim miitu kloke chang. Raütiq tsangshiq ka ramwebi ma ja raüta Ngi ka mishkumpanlot.

LEWI 8:7

Raüta apaiq raq samtong nai samtong jong ka Aron ma tiisam kuqto. Kiimaq kheabun tusetiim ka achhii na shat kuqto. Raüta apaiq raq asii kheaphu ka adü na tiisam saq paq kuqto. Raüta akhum na achhü na kheaphu aheawiq ataq shinket kiimaq shat kuqto.

1 SAMUEL 14:3

(Asii kheaphu shamti ramwe ka Ahija riito. Apaiq ka Ikabod ma anowe Ahitub se riito. Ahitub ka Phinehas se. Kiimaq Eli ramwe Shilo na sitiwe miika asaü she riito.) Kiijaq siti nokwe riika Jonathan kaiho ka hemak dea riito.

1 SAMUEL 2:11

Raütiishe Elkana ka jam na Rama chela niishe jang wanto. Shatmaq nono Samuel ka Shilo niili sikito. Raüta ramwe Eli wokhong na siraüta Tatiwe ka shiilito.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.

1 SAMUEL 22:18

Kriikha niishe, Saul raq Doeg ma thaüto, “Tsangshiq ka ümniiraq tiishe laq!” Krai mren, Doeg raq tsangshiq tarü jiipbaiqto. Kra ranaiq na apaiq raq ramwebi asii kheaphu piti ashong wan ka tlotli roqtiichat ri biingi tsatbaiqto.

1 SAMUEL 3:1

Samuel raq Eli wokhong maq Tatiwe shiili tlaq choji na Tatiwe bomtsi tiichongki tlaq kriika akom pinthum riito. Kiimaq shammi makchhi kiimin jangshi shiseli tiichhi kuqtlo.