1 SAMUEL 2:14 - ASII LAKDAP Bible (BSI)

¹⁴ apaiq raq lakkong kiimaq ngamtak mong kiiwa shuksaqsaqli shuktlo. Raüta kra lakkong na ngam phu ka ümchuwa tiishaü tlaq, kriika ramwe riishe lamhotlo. Israilnok ümchuwa Shilo na honglu kekai kitlaq thun tarü ka akhiisiili haihiitlo.

Hawa Naga Bible 2001

¹⁴ ngvmx tuik mungx kvyuq wuythvmc kvmaq shuiuq vtueq shomc waz kox nuex lvmz wvnc ruiux shuex. Shomc nawk kay tvkoc Shilo ghaq nuex httuiuc kay jix Israel miqsaz lotlaz kuex kvkhoc guirguenc rvhumc wuez yaq.

1 SAMUEL 2:14 Referencias Cruzadas

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

LEWI 7:34

Kra akhuk ngam ka akhek atiitsang kongphiq. Kiimaq awühok hoktsi nü kriimin akhek atiitsang jaqmiiq miitu ramwebi ma kechang nguta Tatiwe raq Israilnok jaq wa jaü thüto. Arka Israilnok raq pattup ramwebi ma kuqwan ruq riichang dongdii.

Mikha 3:3

Namshiq raq isenginok phaqbaiq holan. Namshiq raq tsangshiq ka, arii na saüli li tsiiq phaq tlan. Arok arii bunlaklak tiiq baiq tlan. Lanta angam ka chum phaq tlan.

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

1 SAMUEL 2:13

Kiimaq ramwebi raq mungmaiqse jaq wa jaü chang tri kiimin lang mak. Shatmaq ümtiikiiwa maiq raq honglu kuq tlaq akhing na, ramwe jaqshise ka kilili raüta, ajaq na jin lakkong ashuk atsam kra lamho lili riitlo. Raüta ngam ka mokhii na wa na tiida shat lumtlaq kriiwiili,

1 SAMUEL 2:15

Arthaq niimin, nyamse honglu na atakuq wa apü ka lam raüta, wa na michaq shaq niili, ramwe jaqshise ka kilili raüta, honglu taketiwe kiima akha ngutlo, “Ngi ma ramwe rii ngam ka wa na she ma wiijam kuq laq; apaiq raq tak na kham maq alum ngam ka ümjaq wa jaü mak. Ngamsang wiili ke ratlo.”

1 SAMUEL 2:29

Riita, jam nguto, ngi ma isenginok raq nyamse honglu takuq tlaq thun kra nai honglu kuqtlaq thun kra, ümniiraq kiitin khan süram laüta liiwan min shea maita? Riita, Eli ümniiraq ümsenai ka, isenginok raq ngi ma honglu takuq tlaq kiiwa ahea pinthum ngamrea thun ka tsangshiq ma tiiphesiq lili laüta, tsangshiq ka ngi thaq na achan jam nguto shreng tlaü?