1 SAMUEL 19:7 - ASII LAKDAP Bible (BSI)

⁷ Krai mren, Jonathan raq Dawit ka hea raüta, tsütsa ka tlotli chongkuqto. Raütiishe apaiq raq Dawit ka Saul phanü she shea wan nongto. Krai mren, Dawit riimin hokhamwe ka kongkhuji na shiililiitaq kiikha shiililiito.

Hawa Naga Bible 2001

⁷ Kvkhoc rvtueq Yonathan rueq Dawid gvl vtueq kvruex phvnx ruip saz kuex jungphvnx kuq tueq; kvruex yimaq Sholu kox nuex shvlx laq tueq, Dawid rueq muinz kungkhux nuex ikhoc hokhvmx waz muex shuimx kaz kuq tueq.

1 SAMUEL 19:7 Referencias Cruzadas

RAPHA HIQWA LAK 31:2

Kiimaq apaiq riimin chhito Laban ka man na jamkho apaiq rai kongshi kiimshi sitlaq ikhiika simak she.

1 KAÜWA WERAÜ 11:2

Man na Saul ka naishiq khuthaq na hokham jaji niimin, ümniiraq Israil mung ka rekhat na shun shea wan laü, kiimaq üm Tatiwe üm Shiikeawe raq ümniima asenginok ka ümniiraq mipeng wan haü, kiimaq ümniika tsangshiq hokham ma mija haü nguta kiqkham kuqto ihata,” nguta nguto.

DUNGWVNC 4:10

Shatmaq Mosheq raq nguto, “Riimak, Tatiwe, ngi ka naq thaükiq. Ngi ka maiq ma bom chongketi riimak. Kiimaq ümniiraq ngi rai riibom tlaü ariiraq, ngi ka tsüwe tsitwe ma tiija mak. Ngi ka maiqrai riibom tsin mang we. Kiimaq agak agaq nai anang anamtiwe.”

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

1 SAMUEL 16:21

Dawit ka Saul phana wato. Raüta apaiq jaqshamke nyapto. Saul raq apaiq ka kai lungwiito. Kiimaq apaiq liiq nai piq thun kra pike wanti ma shongto.

1 SAMUEL 18:10

Kriimaq napjai ranaiq na Shiikeawe raq atiiki abi winji raq Saul ka tiihanghiiq miilishe romwanto. Krai mren, apaiq ka ajam na, akhiq ariq ahok ahiiq aruwe ikha phe-phiiqto. Dawit ka rahinjaq jamkho tsütlaq kiikha toro tsürea riito. Kiimaq Saul raq piq ka ajaq na sham raü riito.

1 SAMUEL 18:13

Kriikha niishe Saul raq Dawit ka ajam na tiiwabaiqto. Raüta phenlabi hingshi khuthaq na phentu ma shongto. Krai mren, Dawit raq asengi sheaho raüta rekhat kai kihoto.

1 SAMUEL 18:2

Kra ranaiq miiphat she Saul raq Dawit ka apaiq rai li she ajam na tiisito. Kiimaq anyungwe jam niika tiijangki mak she riito.

1 SAMUEL 19:6

Riita, Jonathan raq chongtaq kra tairaüta, Saul riimin tengtodea nguta takto. Krai mren, apaiq raq Dawit ka tsat mang nguta Tatiwe mang na tumkham kok toraüta sinkhamto.

1 SAMUEL 19:8

Philistainnok rai re hali dong nongto. Shatmaq Dawit raq tsangshiq ka khatto. Raüta tsangshiq ka tiibunlak khat baiqto. Kiimaq tsangshiq ka tangto. Krai mren tsangshiq ka wiita pinto.