1 SAMUEL 19:1 - ASII LAKDAP Bible (BSI)

¹ Saul raq ase Jonathan nai asengi siihiipbi tlotli ma, apaiq raq Dawit ka tseabaiq miitu kha tan kang she nguta chongto. Shatmaq Jonathan raq Dawit ka pinthum lungwiihea.

Hawa Naga Bible 2001

¹ Sholu rueq Dawid thvy gay tvkoc dvnc yaq lvmz vsaz Yonathan nuiyc piq miq vyungx laungx bix lotlaz muex jungx kuq tueq. Yuq muinz Yonathan rueq Dawid kuex lungwawc hvlc ningkhvnc nuex,

1 SAMUEL 19:1 Referencias Cruzadas

RAPHA HIQWA LAK 37:18

Tsangshiq raq apaiq ka alu na akairai chhito. Kiimaq tsangshiq phana misaüho shaq liipan niili tsangshiq raq apaiq ka atsea chang nguta mat kii ka süto.

2 SAMUEL 4:8

Raüta tsangnai raq maiq khupo ka Hokhamwe Dawit ma Hebron chela kiijaq kuq wato. Kiimaq apaiq ma akha chongto, “Arjaq ara ümnaq tseabaiq tankhantiwe Saul se Ishbosheth khupo. Ümchaü ranaiq Tati raq, Chaü lei, ümniima Saul nai asaü asetiim khuthaq na üm phuk she lamkuqto.”

1 SAMUEL 18:1

Kiimaq Saul nai Dawit liipan na tsangnai bom riiwaiso ka lotto. Kra jai maq Saul se Jonathan raq Dawit ka pinthum atsidada miishe, apaiq pumsii jamkho lungwiitlaq kiikhiishe lungwiito.

1 SAMUEL 18:25

Kiimaq Saul raq tsangshiq ma Dawit ma akha chongkuq ronglaq nguta aming kuqto: “Saul raq ümjaq wa ase tri miitu ka ajaqtinok Philistainnok ka khatki laüta, rewe maaphong khum kriiwa tsanghupsamkhhü thun shishi kra lamkuq wan raüli mihong nguwa.” (Arka Saul raq Dawit ka Philistainnok jaq na tiitseabaiq kham ma kiimungto.)

1 SAMUEL 18:3

Jonathan raq Dawit ka pinthum lungwiito kha maq, apaiq raq Dawit rai pattup silu riija miitu kiqkham wanto.

1 SAMUEL 18:8

Shatmaq Saul raq arka tairo mak riito. Krai mren, apaiq ka pinthum akhiq she riito. Kra ningkhan apaiq raq nguto, “Tsangshiq nga Dawit riika hingroqshi tsatto nguta tsaki wan raü, ngi raq riiwe ka, hingshi li tsatto nguta ngutlo nya! Ikhii jiika tsangshiq raq arjai maq Dawit ka hokhamwe miishe mishong kata!”

1 SAMUEL 18:9

Krai mren, apaiq raq Dawit ka shuhoto kiimaq kra ranaiq miiphat she apaiq khuthaq na atsan tiikanhoto.

1 SAMUEL 19:2

Kra ningkhan apaiq raq, Dawit ma chongto, “Iwe raq ümniika atseabaiq nguta tankhantlo. Arkha na anap ranap ümniika honkamshat maq silaq. Ümniika maiq raq thohe mak chang bashi ra na tiipaülaq. Laüta kriimaq khelaq.

1 SAMUEL 20:1

Kiijiishe Dawit ka Rama hong na Naioth hiqshong wa juto. Raüta Jonathan phana wato. Raüta, “Ngi raq jamlai wa tiibi kang?” nguta apaiq raq waito. “Ngi raq jamlai mat atsa wa klokang? Ngi raq ümwe ma jamlai wa ajiq klokang, apaiq raq ngi ka atsea baiq ma tanli chang ka?” ngutiishe Jonathan ma waito.

1 SAMUEL 20:19

Kiimahali, shinap ranaiq niishe ka ümniika tatimii dea nguta rashra she miraq. Krai mren ümniika ahinjaq ümbano tiipaü laü, kriiba na hali tiipaü kikiq. Laüta kiijaq longrong jai kiijaq tiipaü laq.