1 SAMUEL 18:5 - ASII LAKDAP Bible (BSI)

⁵ Saul raq Dawit ka jamlai phan jaqsham kaiwa na seng raütiiwa tiiki tlaq kra, phanrap na, ongwan ruq shamkuq wanto. Kriikha niishe Saul raq Dawit ka asengi phenlabi khuthaq na siihiip ashi miishe shongto. Kra chhiraüta, Saul sengi phentubi nai phenlabi ka kai khoqriiqto.

Hawa Naga Bible 2001

⁵ Dawid rueq muinz Sholu rueq nvr yaq phvnx htenc kuex lotlaungc wvnc ruq dvyx rvtueq, kvkhoc rvtueq Sholu rueq piq kuex nolaungx yungx washiz muex tvyaungc tueq. Kvkhoc tvyaungc tueq kuex Sholu miq vyungx vlaungx bix nuiyc mungx miqsaz lotlaz rueq roc yaq.

1 SAMUEL 18:5 Referencias Cruzadas

RAPHA HIQWA LAK 39:23

Kra siihiip jongwe ka Joseph wokhong na jaqsham kaiwa ümchuwa sitlaq kra miitu jamlai min chapa mak she riito. Jamkhano ngukla Tatiwe ka Joseph rai asi. Kiimaq Joseph raq jaq ümchuwa shamtlaq thun ka wiita tiiong kuq wan ruq riito.

2 SAMUEL 5:10

Apaiq ningkun ka wranaiq she henghea riiwan wan li riito. Jamkhano ngukla Tati Shiikeawe ka apaiq rai asi riito.

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

2 KAÜWA WERAÜ 17:3

Tatiwe raq Jehoshaphat ka shiiman kuqto. Jamkhano ngukla apaiq raq awe pat na aphaji na jamkho sitaq kra phan phan apaiq min sito. Kiimaq apaiq raq Baal phra ka shomnoq mak riito.

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

Tvtsvmc 101:2

Ijaqsham athuk atsom jamshut ahü, Ümtinchowa ümnaq iphana mikihaü? Ngi ijamkun na tsantsii siirairai misiha,

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Acts 7:10

Krai mren, Shiikeawe raq Joseph ka phanrap chamchao mong wa khup wong kuqshat maq tiichhan chhi wanto. Akhing saüto angu na, Joseph ka Ejip mung hokham we man na chapto. Kra akhing na, Shiikeawe raq Joseph ma athuk atsom rong arai nai taksu phaqchi kuqto. Krai mren, hokham we raq Joseph ka, Ejip mung thaq na nai hokham jamkun thaq na wanghupti we ma shongto.

Ephesians 5:17

Krai mren, angok angi kong ikha naqsi rongkiq. Tatiwe raq namshiq ma jamlai jaqsham wa thaü tlaq, kra sap wan miitu, achu jaü maq si ronglaq.

Colossians 4:5

Thatsang maiqsetiim rai riibom lam maq, tsiilam shat maq sirong laq. Tsangshiq rai riihum tlan akhingtek na, nambom namsa na Phungmaiqse rilung angu asi maq bom ronglaq. Lanta kra riihum akhing ka amiinu asi ma tiija ronglaq.

1 SAMUEL 13:2

Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto.

1 SAMUEL 14:52

Apaiq atra sishat wiiwii ka, Saul raq Philistainnok rai rachhai ralüp wa ikha, riikhat wan ruq riito. Kra ningkhan na, ümtiikiiwa apaiq raq maiq weshi ra ahong ala riimakla srea nolajong hum raüla, kriiti ka apaiq raq asengi phenlabi ma shong wantlo.

1 SAMUEL 18:16

Shatmaq Israil mung na siti nai Juda mung na siti maiq loweatek raq Dawit ka pinthum lungwii wanto. Jamkhano ngukla, apaiq ka pinthum ongwan ruq maq mungsheatiwe.

1 SAMUEL 18:30

Riita, Philistainnok phenlabi ka walili raüta, Israilnok ka khat wa lili riitlo. Shatmaq rekhat akhingtek na, Saul sengibi phong wa siihiipbi ahinti thaq na Dawit ka rekhattek apapa tang wan wan li riito. Kriikha na Dawit mang ka ajong pinthum she jong wanto.

1 SAMUEL 18:4

Kra silu riija ramkham tiibok khoqramkii tiisham ikha Jonathan raq Dawit ma, adü na samtlaq hokhamse miirii samtongjong kaü kra chhut raüta Dawit ma kuqto. Kiimaq krai apaiq rekhat miirii kiimaq anepja kra, liq kra, kiimaq achhü na pachang shinket kriiri Dawit ma kuqto.

1 SAMUEL 18:6

Riita, Dawit ka Goliath tsat raüta rejang wa jam na saü wantlaq akhing na kiimaq sreabi thun ka jam na jang wan tlaq akhing na, Israilnok mung chelatek wa jechakre ka Hokhamwe Saul taokai kiwito. Tsangshiq ka chojong chise maq ashi ange, wiinum shewa kiimaq jaqsinpin thun nai toropo thun kra tsüto.

1 SAMUEL 3:19

Samuel jonglu wantlaq krai mren, Tatiwe ka apaiq rai asi riito, kiimaq Samuel raq jamlai bom wa chongtaq thun ka wiita kupi wanto.