1 SAMUEL 18:1 - ASII LAKDAP Bible (BSI)

¹ Kiimaq Saul nai Dawit liipan na tsangnai bom riiwaiso ka lotto. Kra jai maq Saul se Jonathan raq Dawit ka pinthum atsidada miishe, apaiq pumsii jamkho lungwiitlaq kiikhiishe lungwiito.

Hawa Naga Bible 2001

¹ Sholu nuiyc Dawid kuex rvbomc nyamc lot yix maq, Sholu saz Yonathan rueq Dawid kuex pinhtumc lungwawx vtueq, piq shauk pumz rulc rv-ngvlc lungwawx tueq.

1 SAMUEL 18:1 Referencias Cruzadas

RAPHA HIQWA LAK 44:30

“Riita ümchaü min, tuwe jong lei,” nguta Juda raq bom ka akha chongto, “Ngi ka iwe phana kra naino ka ahü maq jang wanha jiika, apaiq raq no ka ngi rai ahü kra chhi ri li, apaiq atsai miraq. Apaiq rilung tsitsü raütu paq chang ka ara naino sitlaq arli. Kiimaq apaiq ka tikii kiikaiq she kha maq, naishiq lümaq apaiq ma chapa tsi saütlaq kra riili apaiq miisaq ka athum miraq.

2 SAMUEL 1:26

“I phunowe Jonathan lei, ngi raq ümmaajo hoq tiikang! ümniika ngi ma tsankhun luwe! Ümniiraq ngi lungwii laü ka, jechakre lungwii nam ma, ahea pinthum.

1 KAÜWA WERAÜ 12:17

Dawit ka tsangshiq rai riihumkito. Raüta akha nguto, “Namshiq ka ikongti ngo maq ngi khrumkai kilan jiila, namshiq miitu shekhu ka chinje. Naishiq rai pong rong laq! Shatmaq namshiq raq ngi ka chiqse rewe jaq na shaphaq kai kilan jiila, ngi raq riiwe kla namshiq dü na jaq ka miiqmang li jiimin, natitiim Shiikeawe raq misap. Raüta apaiq raq namshiq ma mo mitiiho.”

Tvtsvmc 86:11

Ngi ma shrinkuqlaq, Tatiwe lei ngi raq jamlai shamchang wa, raüla ngi ümwokhong na tsapkapkap misikang; ngi ma shrinkuqlaq wuda kaü ikha ümnaq shomnoq ma.

TAKSU LAK 18:24

Kongti apako ka alu tsing mak, shatmaq riikhaqli khilu ka, na chhiithiqti nam ma raa hea.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.

Colossians 2:2

Ngi raq ara minshiiq wan tiikang arka, namshiq kiimaq tsangshiq ka kamasham na srea laqkong ma mija laq nguta sham tiikang. Kiimaq tsangshiq liipan na atsaü maq riimang riichan raüta misi laq nguta sham tiikang. Raüta tsangshiq tsan atsii na, Shiikeawe ma jamlai miitu wa kam wantaq, kra poimak maq milap wan rong i dongdii nguta, tsankhun maq si miitu sham tiikang. Arka tengtlaq bomtsi kra atsaü maq sap raütiitiq, tsangshiq tsan mong na akha mitak wan lot. Ara tak wan tlaq bomtsi ka, atsaü maq sap wan tlaq kra lü miishetiq, tsangshiq raq maiqse ma phaqchi tum ka Khristoli dea nguta misap wanlot.

PHOWEBI 20:11

Krai mren, Israilnok mungmaiqse tlotli ka kiqshi maq kra chela khatkai miitu ngong thungto.

1 SAMUEL 14:45

Shatmaq mungmaiqse riishe Saul ma nguto, “Riita, jurwa Israilnok miitu ara rekhat jonghea tangke wantiwe Jonathan kriisha atsea mirbaiq ngukai? Maimak! Naishiq raq atra Tatiwe mang na kiqkham tiikai, apaiq khupo kiiwa akhubin loshise dongdii min dea mak miraq. Ümchaü ranaiq apaiq raq jaqshamtaq kra Shiikeawe ningkun maq khat raüta tangto.” Krai mren, mungmaiqse raq Jonathan ka atsea baiq chang wiishe tiichhiikuqto.

1 SAMUEL 18:3

Jonathan raq Dawit ka pinthum lungwiito kha maq, apaiq raq Dawit rai pattup silu riija miitu kiqkham wanto.

1 SAMUEL 19:1

Saul raq ase Jonathan nai asengi siihiipbi tlotli ma, apaiq raq Dawit ka tseabaiq miitu kha tan kang she nguta chongto. Shatmaq Jonathan raq Dawit ka pinthum lungwiihea.

1 SAMUEL 19:2

Kra ningkhan apaiq raq, Dawit ma chongto, “Iwe raq ümniika atseabaiq nguta tankhantlo. Arkha na anap ranap ümniika honkamshat maq silaq. Ümniika maiq raq thohe mak chang bashi ra na tiipaülaq. Laüta kriimaq khelaq.

1 SAMUEL 20:17

Kiimaq thongshiri hali Jonathan raq Dawit ma apaiq ka lungwii ruq riilaq nguta, Dawit jaq wa bomkham raütu hali jaü nongto. Jamkhano ngukla, Jonathan raq Dawit ka pinthum apaiq raq maiqmii khum jamkho lungwiitlaq kiikha lungwiitlo.

1 SAMUEL 20:8

Riita, mangchan laüta ngi ma ara klo kuqlaq, ümniiraq ngi ma kiqkham kuqlaü japhak riihankai arka, maiq ma naq tiitaikiq. Shatmaq ngi ka ajiqwe dea jiika, ümniiraq ümjaq miili ngi ka tsatbaiq laq! Ümwe phana shea wan laüta ngi ka jaram tiitsea baiq wa?”

1 SAMUEL 22:8

Kra ningkhan shea namshiq raq ngi tseabaiq miitu matkii sürii tlan? Ise shaq raq dongdii min Dawit rai she pong wan kiiphanta, namshiq phong wa jurmin, ngi ma chongman. Ngi miitu ka jurmin tiima man. Kiimaq ngi ma ihan ngam phu phushi ikha sitiwe Dawit ka ümchaü, ngi tseabaiq miitu, khuitlo kiimaq ise riimin apaiq rai pong damtlo nguta chongman!”

1 SAMUEL 23:18

Krai mren tsangnai liipan na bomhuk silu jaqkhaq raütu kra khathüto. Dawit ka Horesh binjü niili sito. Kiimaq Jonathan ka jam na hali jang wan nongto.