1 SAMUEL 17:8 - ASII LAKDAP Bible (BSI)

⁸ Goliath ka chap raüta Israilnok ma tiihong raüta akha riimto, “Namshiq ka kiijaq jamlai wa riitlan? Naishiq khatkai shea thungtlan? Ngi ahata Philistain nolawe. Namshiq ka Saul disekong! Ngi rai riikhat ma namshiq phong wa maiq weshi tsea rong laq.

Hawa Naga Bible 2001

⁸ Goliat kuex jvp vtueq Israel miqsaz muex ngoc, “Nuimshiq vruex hong vyuq yvmx lac shuimx kaz ruiux tuinx? Ralx khvt kay haz rvrenc jvp kaz ruiux tuinx? Ngaz kuex Philistin miq, nuimshiq kuex Sholu dax hez rvtuit! Ngaz rulc rv-khvt tvkoc nuimhez wawc miq washiz httauk taq shuinz.

1 SAMUEL 17:8 Referencias Cruzadas

2 SAMUEL 11:11

Uria raq treto, “Israilnok mungti nai Juda mungti thun ka maiqhiq na rekhat sitlo. Kiimaq Tongshong Tek kriimin tsangshiq rai. Ngi ma awejong phentuwe Joab nai asengi ajong alabi thun ka rum na piitiip tei raüta sitlo. Riita ngi ka ijam na kilata, chenyang dungsea, wok phetaktak maq, ijamti nyung rai ka jamkho mikonkiha? Asii phan ümchuwa kra mang na, ngi ka atiitum lata chongtiikang, ngi raq akhiikla klo lot mang!”

1 KAÜWA WERAÜ 21:3

Joab raq treto, “Tatiwe raq Israilnok mungmaiqse ka ümchaü ümchu wa kriithaq niimin jang shishi apa awea lot mai hiq ma ra ma tiq mitiipuchi kuq laq! O Chaü lei! tsangshiq kunli ka ümsengi siisaq. Riita ümniiraq ara jamlai klo howa dan tlaü, laüta mungmaiqse kunli ka ashut ma jaram tiijawa dan tlaü?”

1 SAMUEL 17:23

Apaiq ka tsangshiq rai riibom rai tlaq bala niili, Goliath ka kongkhuji na kitlaq kiikha khaki na dongchhaq raüta, Israilnok ka shiikeng miileng hokhiiq wanto. Kiimaq apaiq hokhiiq tlaq kra Dawit raq taito.

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 8:17

Kiimaq apaiq raq namshiq raq jam nyamse rümtlan kiiwa, manroqshi wa manshi ka apaiq raq milamho. Kriithaq niimin, namshiq maiqmii thun kiimin apaiq dikong miishe mitiija.