1 SAMUEL 17:51 - ASII LAKDAP Bible (BSI)

⁵¹ Apaiq ka Goliath phana tlatchhat juto. Raüta apaiq thaq na chaphiiq chapto. Raüta Goliath nepja kaü kra ahi mong kiiwa chathit riito. Raüta, akhupo ka chap-hiiq tiipanthit chumbaiqto. Raüta apaiq ka tsatbaiqto. Riita Philistainnok raq, tsangwelawe nolawe tsaikai kra chhi raütiishe, tsangshiq ka pongpin riipin she jutrangto.

Hawa Naga Bible 2001

⁵¹ Piq kuex kvruex waz kox kvyuq htat yuz kaz vtueq, kvruex waz hep nuex jvp ruiux, vhex wawc Goliat yaung kuex jvt vtueq vkhux kuex jumz ruiux thvt gay tueq. Philistin miqsaz htenc rueq tsuingc shvrvyx yungx waz thueyc tueq kuex khiz vtueq yuz wvnc wuez tueq.

1 SAMUEL 17:51 Referencias Cruzadas

2 SAMUEL 23:21

Apaiq raq Ejip mungti maiq ahü min jonghea luheawe kaü, ajaq na piqkaü ashi sham raüwe ka tsatto. Benaia raq kriiwe ka klata maq buk raüta, ajaq wa piqkaü kra nyeato. Raüta apaiq ka kriimaq tsatbaiqto.

2 SAMUEL 4:7

Tsangnai ka jam mong niishe nyapwa raüta sanha, tsangnai ka Ishbosheth konchang khok mong kiijaq nyap wato. Raüta apaiq ka akon makaiq kriiwa, tsangnai raq apaiq ka tsatto. Raüta tsangnai raq apaiq khupo kra tapto. Raüta tsangnai raq dohoto. Raüta tsangnai ka rawa minru Jordan rai tan ram lam maq wawanto.

ESTHAR 7:10

Krai mren, tsangshiq raq Haman ka apaiq raq Mordekai tiishak paq ma nguta phaqsi khamchong ahai kiijaq tiishak paqbaiqto. Kiijiishetiq hokhamwe tsankhiq ka shiwanto.

Hebrews 11:34

Tsangshiq raq, walü henghea kiimin tiimat baiqto. Kiimaq, maiq raq tsangshiq ka asebaiq chang wiishe min, atiichhii riiwanto. Tsangshiq ka, han-ngam na ningkun ajom riito. Shatmaq, srea nola ma jawanto. Tsangshiq ka, srea nola ma jawan raüta, pongmungti chiq se rewe thun ka wiita, kunkun khat wanto, raüta tangto.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

1 SAMUEL 17:50

Krai mren, Dawit raq Goliath ka nepja ahü miili tangto. Kiimaq apaiq ka liqkiip nai longtsi poshi miili tsatbaiqto!

1 SAMUEL 21:10

Kra raütiishe, Dawit ka Saul ma haima lamlü juto. Raüta Gath chela Hokhamwe Akish phana kihoto.

1 SAMUEL 21:9

Kiijiishe Ahimelekh raq treto, “I jaq niika, Philistainnok Goliath, ümniiraq Ela Tan wa tsat laüwe ira nepja kaü kriika asi. Kriika asii kheaphu thütlaq kra jai na, khea maq tiijop shat tiito tlo. Ümniima ratlo ngukaü jiika, kriili lamho liina. Kriiwa chan raüta laihin hupsam ka arjaq ahü.” “Kra ngi ma kuqlaq,” nguta Dawit raq nguto. “Arkhan nepja ahea ka ahin ahü!”

1 SAMUEL 31:9

Tsangshiq raq Saul khupo ka chumto. Kiimaq aja nai apiq thun kriimin wiita lam wanto. Raüta kriithun ka nongshnong maq, Philistain mung tiikhamli na, kra tsütsa ahea kra tsangshiq sumla phrakong ma nai tsangshiqnok ma chongkaiti tsasoqtibi maiq thun tiikito.