1 SAMUEL 17:4 - ASII LAKDAP Bible (BSI)

⁴ Gath chelati maiq weshi mang ka Goliath. Apaiq ka Philistainnok piitiip wa dongho raüta, Israilnok ka shiikengto. Apaiq khum ka alu nü na phut tiikaü.

Hawa Naga Bible 2001

⁴ Gat ghaqyungx wawc vmuingc Goliat ngoz yaq waz kuex Philistin jerak maq kaz ruiux vtueq, Israel miqsaz muex ramc kaz ruiux tuex. Piq kuex vloayc kox nuex meter 3 luz ruiux

1 SAMUEL 17:4 Referencias Cruzadas

1 KAÜWA WERAÜ 11:23

Apaiq raq Ejip mungti jongheawe kaü alu nü na mitar nai wekaü kriimin, ajaq na piqkaü jonghea sham raüwe kra tsat baiqto. Benaia raq apaiq ka riiwung maq bukhoto. Raüta apaiq raq Ejip mungti we jaq wa piqkaü kra nyeawat raüta, apiq kriimiili apaiq ka shukbaiqto.

AMO LUIK DVP (AMOS) 2:9

Shatmaq Tatiwe raq asengi Israilnok ma akha ngutlo, “Li jiimin, isenginok lei, ngi raq namshiq tiikhup wongke wan, namshiq thaq na Sidar pero ikha ajong alanok, kiimaq namshiq thaq na ok pero ikha, ahong ala, srea nolanok Ammoraiqnok, ngi raq re na, arangchong maq babaiq wan tlii khat wan kang.

TRI CHONGKE 3:11

(Hokhamwe Og ka Rephaim phan wa atiithum hokhamwe riito. Apaiq maa thü chang ka longtek kaü riito. Kriika alu nü na mitar blai kiimaq ajong nü na mitar nai riito. Arka kriipat na langtlaq shinchang maq chongtlo. Kriika ümchaü min Ammoraiqnok hiq Rabba chela na sishat li.)

JOSHUA 11:22

Israil mung na Anakimnok phan ka ashi ra min atra tiichong mak, thumthum jiipbaiqto. Shatmaq, Gaja chela wa, Gath chela wa, kiimaq Ashdod chela wiita, tsatlap mak dea, abung atsapseli tiichong kito.

1 SAMUEL 17:23

Apaiq ka tsangshiq rai riibom rai tlaq bala niili, Goliath ka kongkhuji na kitlaq kiikha khaki na dongchhaq raüta, Israilnok ka shiikeng miileng hokhiiq wanto. Kiimaq apaiq hokhiiq tlaq kra Dawit raq taito.

1 SAMUEL 17:3

Philistainnok ka kinlase ashi na thungto kiimaq Israilnok ka kinlase ashi na thungto. Tsangshiqnok nai ri heawea niika hiq thung tan ashi raq traishat riito.

1 SAMUEL 17:5

Kiimaq akhum na samtlaq miiki samtong miirii ka kilo roqbiingi ri kilo miishi. Kiimaq akhuphok kiimin miiki khuphok riito.

1 SAMUEL 27:4

Riita Saul raq Dawit ka Gath chela niishe juhoto nguta tsütsa ka taito. Raüta apaiq raq Dawit jai ka jomak she riito.