1 SAMUEL 16:7 - ASII LAKDAP Bible (BSI)

⁷ Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”

Hawa Naga Bible 2001

⁷ Yuq muinz Yehowa rueq piq muex ngoc, “Piq shauk vgvnz wvyungc wvloayc svp rvp hvlc ngoz ruiux muinz, thuinz nuex nauk taq kaz. Ngaz rueq miq muex htvp htaz kuq shaungx ikhoc htvp htaz kuq mauk doc ningkhvnc nuex, ngaz rueq piq kuex lvmz mauk. Miqsaz rueq kuex gvnngvmx svp rvp dvyx lawc thenc yaq, yuq muinz ngaz rueq thuinz vmungx lawc vshaungx,” ngoz tueq jungx tueq.

1 SAMUEL 16:7 Referencias Cruzadas

RAPHA HIQWA LAK 4:5

Shatmaq apaiq raq Kain nai ahonglu ka tao mak riito. Kiimaq Kain ka atsan khiqtsi ma ashiila anyaqlii she riito.

2 SAMUEL 14:25

Israil mung na Absalom ka pinthum shamhea pinthum. Apaiq shamhea khan maiq ahinti ka jumin ahü. Apaiq khum ka akhupo maq riita ahokphi na tiisaüli nyeajokjok hea. Jamlai ami phan min ahü.

2 SAMUEL 7:20

Arthun arthaq na chan raüta, ngi raq ümniima jam lai she wa michongha! Ümniiraq ngi ümdise kri asap-haü.

1 HOKHVMX 8:39

tsangshiq achujaü ka tre kuq laq. Ümniiraq ramungtan na ümjam mong maq, tsangshiq achujaü ka trekuq laq. Tsangshiq mra ka diikuq laq. Laüta tsangshiq ka khrum kuq laq. Maiqse tiima tsantsii khonti ka ümniili. Maiqse loweatek ma apaiq raq klotlaq kra phan phan thamsong kuqlaq.

1 KAÜWA WERAÜ 17:18

Arthaq na ngi raq ümniima achan bomchang ka ahü she! Ümniiraq ngi ka juwa kra aheawiq asap haü. Kra taü maq dongdii min, ümniiraq ngi ümjaqshise ka kai shreng tlaü.

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

2 KAÜWA WERAÜ 16:9

Tatiwe raq mangjong tlotli ka tro tri raüta kheshat liitlo. Raüta ju tsantsii wa apaiq rai riipona tlii maq sitlaq kriiti ma ningkun shoqke miitu khekham maq sitlo. Shatmaq ümniiraq ashut angi jaq sham klo laü. Kra ningkhan ümchaü sanha ümniika chiq are rai li she mirkhat siq haü.”

2 KAÜWA WERAÜ 6:30

tsangshiq achu jaü ka tai laq. Tsangshiq achu jaü ka ümjamjong ramungtan maq tailaq. Laüta tsangshiq ngarai ka dü kuq laq. Maiqse tiima tsantsii khontiwe ka ümniili. Maiqse loweatek ma apaiq raq jamlai laplu chang thek tlaq kra phan phan klo kuq laq.

YOBA 10:4

Phanrap ka naishiq raq chhitiikai kiikhii shea chhitlaü?

YOBA 35:5

Ra nü na lii liita! phum thun sitlaq ka ümloq dii niiwa!

Tvtsvmc 139:2

Ngi raq jaq shamtiikang ka kunkun ümniiraq asaphaü; luhea miili ümniiraq ngi tiima tsantsii tlotli asaphaü.

Tvtsvmc 7:9

Ümniika tingting Shiikeawe kiimaq naishiq tiima nai naishiq raq jamlai wa rotiikai kra shintlaü. Abi ati maiqse kong raq ashut kiimung tlaq kra tiitsaqlaq laüta maiqshaqti thun ma poksi kuq laq.

TAKSU LAK 15:11

Wulum mung na jamlai wa sitla kra, Tatiwe maklii wa paülot mak. Ikhiijiika maiqse tsan mong na, jamlai wa tiima tlaq kra, mipaü lot shea?

TAKSU LAK 16:2

Ümniiriika phanrap ka, riikhaqli shamtiikang nguta mitiima haü, shatmaq Tatiwe riika, jamlai tiima laüto shamtlaü, kra kappe maq shintlo.

TAKSU LAK 24:12

Arka naishiq ri sapmai nguta mongo mirhan. Shatmaq Shiikeawe raq namshiq tiima nai tsantsii ka asap, kiimaq namshiq tiima tsantsii ka shintlo, Apaiq raq namshiq ka liishat kiimaq asap. Namshiq jaq shamtlan kra phan phan Apaiq raq namshiq jaqshamtlan kra phan phan poksi mikuq.

TAKSU LAK 31:30

Atsomhea ka maiqlaoti, ashamhea ka amut kaichang. Shatmaq jechakre jurwa, Tatiwe shrengtlaq, kriiti ka tiitsam kamchang.

JEREMIA 11:20

Kiijiishe ngi raq akha achu jaükang, “Ajong Pinthum Tatiwe lei, ümniika tingting tri maq khaphoketi phowe; ümniiraq maiqse tiima tsantsii ka shintlaü kiimaq maiqse tsan mong na jamkhiiwa tsitlaq kriimin asap haü. Ngi raq ikha ka ümjaqkhon niishe kiinong kuq tiikang. Krai mren, ngi riika ümniiraq ngi ngengsengti khuthaq na iphuk ka jamkhiiwa lamkuq tlaü kriili she miliiha.”

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

JEREMIA 20:12

Shatmaq Ningkun Ajong Tatiwe lei, ümniiraq maiqse ka tingting kappe maq shintlaü; ümniiraq tsangshiq tsan mong na nai tsangshiq khutsai na jamlai wa tiimatlaq kra asap haü. Kra ningkhan ümniiraq ijaqtinok khuthaq na iphuk lamkuqtlaü kra liipha, jamkhano ngukla ngi raq ikha ka ümjaq na akiinongke kun she.

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

John 7:24

Riita namshiq raq phanrap ka rakhütsiri tri miili ka naq shin rongkiq. Shatmaq, tingting kappe maq shin rong laq.”

John 8:15

Namshiq riika maiqse han-ngam tri miili phanrap ka shin tlan. Shatmaq, ngi riika jumin maiqse han-ngam tri maq shin mang.

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

2 Corinthians 10:10

Ara chhi lanta, maiq wiijamti riika, “Ai Paul raq alak niika, asiq areng bomtsi waiq wan lili riitlo. Shatmaq, apaiq ka ümtiikiiwa nashiq rai mantut niishe nga wan jiiq, kiitiikaq, apaiq ka hüjom hanjom she jaki tlo. Kiimaq apaiq ka tsüwe tsitwe ikha riimak she!” nguta ngi ka mishipoq siq wan.

2 Corinthians 10:7

Namshiq raq maiq ka, rakhütsiri miili liirat tlan. Kiijaq namshiq phong na, maiq ashira raq, apaiq ka Khristo kiimwe dea nguta, tiitsaki raitlo. Ikhiila kriiwe raq, samhea atiima mirlaq. Raüta, apaiq kiikhiisii hali, ngi armin Khristo kiimwe nguta, tolonglong maq ngalata sitiikang, apaiq raq misap laq.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

1 Peter 2:4

Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

1 SAMUEL 2:3

Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.

1 SAMUEL 9:2

Apaiq ma ase ka weshi, amang ka Saul. Apaiq ka shamhea shamjü, jero jong riito. Saul ka Israil mung na tarü thaq na alu kiimaq anok thaq na atsom lin riito.