1 SAMUEL 15:12 - ASII LAKDAP Bible (BSI)

¹² Kriimaq napjai ranap she, ranap chu maq, apaiq ka Saul ritkai kihoto. Apaiq raq Saul ka Karmel chela niishe kihoto nguta taito. Kiijaq Saul raq apaiq mang na longkham kongmong chong ashi shongthü raüta apaiq ka Gilgal chela niishe kihoto nguta taito.

Hawa Naga Bible 2001

¹² Piq kuex raungnvp samaq Sholu thuiyc kay kaz wvnc tueq. Sholu kuex Karmel ghaq nuex httuiuc kaz vtueq kvyuq piq tvkoc tvtsuingc juing mvhttarc lung vshiz shungc shec ruiux Gilgal ghaq nuex kaz wvnc tueq kuex piq rueq tay tueq.

1 SAMUEL 15:12 Referencias Cruzadas

RAPHA HIQWA LAK 21:14

Kriimaq napjai ranap chu maq Abraham raq Hagar ma phaq nai sea wiijam kuqto. Kiimaq kham ka ngamkhii tsabum shi kuqto. Raüta apaiq raq no ka anyung raikhü na tiiboqto. Raüta apaiq ka jamwa tiiki baiqto. Kriinyung ka kihoto. Raütiishe Beersheba kumtsaiphii wang binjü niishe momiihoto.

2 SAMUEL 18:18

Absalom raq arilung na apaiq mangchong miitu Hokhamwe Jüwii Tan na kongmong chong ashi haito. Jamkhano ngukla apaiq pumsongti ase maiqwese ka ahü. Kriikha na apaiq raq kra kongmong chong ka apaiq mang na haithüto. Krai mren, ümchaü akhing na saüli, kra kongmong chong mang ka Absalom Kongmong Chong nguta ngutlo.

1 HOKHVMX 18:42

Ahab ka dungsea washe wawanto. Kiimaq Elija ka Karmel pum khupo kiiniishe düwato. Raüta kiijaq apaiq ka hiq na akhupo ka alakü wiinai, heawea na bumki saq riito.

2 KAÜWA WERAÜ 26:10

Kiimaq apaiq riika hiqbinbin ba thun na rekhe chang kongmong chong pahea haito. Kiimaq khappong barap se na pahea thuto. Jamkhano ngukla apaiq nyamsekong ka shenyap nü mung na ku-akin thun baba na kiimaq hiq thungtan thun baba na pahea riimto. Apaiq raq wak shamsea ka kai lungwiito. Krai mren, apaiq raq mungmaiqse ma spiqro ka kinjiji wang thun na klo ronglaq kiimaq hiq awin win ba thun na wak shamsiq rong laq nguta chongkuqto.

JOSHUA 15:55

Kiimahali, Maon, Karmel, Jiph, Jutta,

1 SAMUEL 13:12

Kriikha niishe ngi raq akha tiima kang, ‘Philistainnok raq ngi ka Gilgal chela na mikhat wan she. Shatmaq ngi raq ümchaü niitaq Tatiwe khrum lap miitu honglu ka kuq mangshaqli.’ Kriikha niishe ngi raq ara honglu ara takuq kang.”

1 SAMUEL 13:15

Krai mren, Samuel ka Gilgal chela maq ahin nü niishe wawanto. Kiimaq mungmaiqse phong riika Saul jai phanphan Saul phenlabi rai pongwan damto. Tsangshiq ka Gilgal chela maq tiido wan raüta Benjamin wang na Gibea chela kiiniishe wawanto. Saul raq asengi phenlabi hingtrok tin asi kriishe konchon liito.

1 SAMUEL 17:20

Dawit ka kriimaq napjai ranaiq na, ranapchu miili, skukong ka maiq ahinti ma trüm thü raüta, phaq nai sea thun kra horaüta, Jesi raq jamkho chongkuqtaq kra phanphan she kihoto. Raüta apaiq ka piitiip na Israilnok ka rekhat kai rechap wan arü, ariiq watrang la tiime phaho raü kiijaq saükito.

1 SAMUEL 25:2

Kiijaq Kaleb weraü phan wa maiq weshi amang min Nabal nguta asi riito. Apaiq ka Maon chelati. Kiimaq apaiq wak ram ka Karmel chela tho na riito. Apaiq ka pinthum chiithe riito. Apaiq skukong ka hingtsam. Kiimaq chhechhi kong ka hingshi riito. Tsangnyung mang ka Abigail. Apaiq ka shamhea shamjü kiimaq atsiiwiq nyung riito. Shatmaq apaiq ka khannyan hea we kiimaq maiqjiq mokhiqriq kai li. Nabal ka Karmel chela na apaiq skukong bin riichomsirea riito.

1 SAMUEL 7:12

Raütiishe Samuel raq longkaü ashi do raüta, Mijpa chela nai Shen chela liipan na shongto. Raüta akha nguto, “Tatiwe raq namshiq ka lam wiilülü khrum kuqto.” Raüta kra apaiq raq, “Kra longkaü ka Khrum Longkaü,” nguta mangto.