1 SAMUEL 15:1 - ASII LAKDAP Bible (BSI)

¹ Samuel raq Saul ma nguto, “Tatiwe raq ngi nangnga ümniika asengi Israilnok khuthaq na hokham ma shongkikiq nguta phumram kham maq tiibatkai tiikito. Riita ümchaü min, Ajong Pinthum Tatiwe raq ümniima jamlai aming wa kuq tlaq tiitsang tailaq.

Hawa Naga Bible 2001

¹ Samuel rueq Sholu muex ngoc, “Ngaz kuex vpiq miqsaz Israel muex hokhvmx yaungc tvkoc mnoz muex ruimruimc puiz tix shvy kuy tvkoc Yehowa rueq tvkaz phuex. Majuiuc muinz Tvphaungc Tvsuip Yehowa rueq yvmx khoc lac jungx phvnx tay shuiuz.

1 SAMUEL 15:1 Referencias Cruzadas

2 HOKHVMX 7:1

Kiijiishe Elisha raq treto, “Tatiwe raq jamlai wa ngutlaq kra tai laq! Anap ranaiq na ara akhing na namshiq raq Samaria chela na pinthum ahea bunwong win ka kilogram atsam kiimaq ahea pinthum jaili wongwin kilogram trok ka kampho ngam kamsii siishi miili mirihan.”

1 SAMUEL 10:1

Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan:

1 SAMUEL 12:14

Namshiq raq, namshiq Tatiwe, namshiq Shiikeawe ka shreng lanta, shiili hanjiila, apaiq bom taihan jiila, kiimaq apaiq aming thun kra lang han la, kiimaq namshiq nai nam hokhamwe raq apaiq wokhong na shongnga han jiila, namshiq ka ahea hansang maq misihan.

1 SAMUEL 13:13

Kiijiishe Samuel raq, “Ümniiraq ashut pinthum klo laü,” nguta treto. “Ümniiraq, Tatiwe üm Shiikeawe raq akuq aming lang maüdea riilaü. Ümniiraq aming ka lang haüjaq, apaiq raq ümniima nai ümsaü ümsetiim ma pattup pat-sa miitu Israil mung ka mitlang wan chang wa.

1 SAMUEL 9:15

Riita, kriimaq kongkhu ranaiq na Tatiwe raq Samuel ma akha achongke wishe riito,

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”