1 SAMUEL 14:7 - ASII LAKDAP Bible (BSI)

⁷ Kiijiishe jerowe raq treto, “Ümniiraq jamlai wa thapthi tlaü, ngi ka ümniirai nongnong mirkang.”

Hawa Naga Bible 2001

⁷ Yalx rox waz rueq, “Mnoz rueq vroc shuimx shuiuz, ngaz kuex mnoz rulc vdvmz httax taungx,” ngoz tueq.

1 SAMUEL 14:7 Referencias Cruzadas

2 SAMUEL 15:15

“Chaü lei, tengto,” nguta tsangshiq raq treto. “Naishiq ka tiijeshat ümniiraq achong chong, ümbom taitaili,”

2 SAMUEL 7:3

Kiijiishe, Nathan raq, “Ümtsan na jamlai wa tiima tlaü kra klo liina. Jamkhano ngukla Tatiwe ri ümniirai asi,” nguta treto.

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

PHOWEBI 9:54

Kiijiishe, apaiq raq apaiq liiq nai ja wiketiwe kra jaqlo thit heato. Raüta apaiq ma aming akha kuqto, “Ümnep ja ka chat laq. Laüta ngi ara tsatbaiq laq. Ngi ka jechak nyung jaq na tsaito nguta ikhushü tiijam ka romang.” Krai mren, jerowe riimin anepja ka chat-hit raüta, Abimelekh dü na tlatchhat shukbaiqto. Kiimaq apaiq ka tsaito.

1 SAMUEL 10:7

Riita, arthun bom arshe kuwan raüla, Shiikeawe raq ümniima jamlai jaqsham wa thaütlaq, kra asham nguli riilaq.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”

1 SAMUEL 14:8

“Ahea, riikhaqli,” nguta Jonathan raq treto. “Nanai ka ara kinchit ara jin laita miki i, Laita Philistainnok raq nanai ka michhilaq.