1 SAMUEL 13:3 - ASII LAKDAP Bible (BSI)

³ Krai mren Jonathan raq Philistainnok phentu ajongwe ka Geba chela wa tsatto. Kra tsütsa ka Philistainnok tarü raq taito. Kiijiishe Saul raq Hibrunok ka rekhat kai miitu lerong tsü raüta Israil mung tlotli na tsasoqti thun tiiwato.

Hawa Naga Bible 2001

³ Yonathan rueq Gibea ghaq wawc Philistin nolaungx yungx waz thvt gay tueq thaungc kuex Philistin miqsaz lotlaz rueq tay tueq. Kvkaq Sholu rueq muinz Hebre miqsaz htenc ralx lungc kay tvkoc wvmungx tuimx bolic tuimc jix thaungc jungc jix htenc kuex tvkaz tueq.

1 SAMUEL 13:3 Referencias Cruzadas

2 SAMUEL 2:28

Krai mren, Joab raq asengi ma Israilnok ka naqjo rongkiq she nguta bom chongke alerong kriishe tsüto. Krai mren, re-riikhat ka atsaq she riito.

2 SAMUEL 20:1

Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”

2 SAMUEL 23:14

Kra akhing bala Dawit ka hiqlam ashi na atiipaü ma aheawiq ba na sitlo. Kiimaq Philistainnok kongshi ka wa raüta Bethlehem chela kra khat raüta jiiwanto.

ISAIA 10:29

Tsangshiq raq kinchit ka jinwanto she! Raüta athi rawa ka Geba hiq na japtlo! Rama chelati ka phiip riishe tsai wanto. Kiimaq Hokhamwe Saul sichang Gibea chelati ka wiitashe pinto.

JEKERIA 14:10

Kra mung tlotli ka shekhu nü na Geba hiqshong maq phaho, raüta shemai nü ka Rimmon hiqshong na saüli, hiq thung miishe miitiija baiq. Jerusalem ka kra tro na maiqhiq thun thaq na diilu hiqlam miishe mija. Chela jonglu ka Benjamin Kilamchong maq phawan raüta, man na kongkhu na kilamchong asi dongdii riitaq, kriiba kiijaq saüli she miraq. Kiimaq riita Hananel kongmong chong ba kiina saüli raüta, hokhamwe spiqtsitai tiikitchang longtham ba kiijaq saüli she miraq.

JOSHUA 18:24

Chepharammoni, Ophni, kiimaq Geba chela riito: chela roqshiri anai kra tro binjü wa chela aransetiim romshaq.

JOSHUA 21:17

Kiimaq Benjamin phan rii hiqshong binjü wiika chela blai pheakuqto. Kra chela thun ka: Gibeon, Geba,

PHOWEBI 3:27

Raüta apaiq ka ku akin tonglong hiq Ephraim wang kiiniishe saüto. Raüta apaiq raq reshun Israilnok hea lerong tsüto. Raüta apaiq raq tsangshiq ka kin thun kiimaq lamhong nü kiiniishe sheahoto.

PHOWEBI 6:34

Kiitiika Tatiwe wenyi raq Gideon ka kunli rom wanto. Krai mren, apaiq raq rekhat kai miitu Abiejar weraü phan maiq thun ka apaiq jai phan kirong ra nguta tsangshiq hea boli tsüto.

1 SAMUEL 10:5

Kra laütiishe ümniika Gibea chela na Shiikeawe Hiqlam kiiniishe miwa haü. Kriijiika Philistainnok phenlabi piitiip asi miraq. Kra chela kilamchong na saü wan nini niishe, hiqlam na berong-wacha kiimaq aki, shammibi kongshi, phaqlamtoro, nong, paimin, kiimaq torokong thun kra tsüwa trang lam maq asatkai akai rai mirhum haü. Tsangshiq ka wiinum shewa, agi asiiwa trang la miraq.

1 SAMUEL 13:16

Kiimaq Saul nai ase Jonathan kiimaq tsangshiq sengi phenlabi thun ka Benjamin wang na Giba chela na piitiip tei raüta sito. Kiimaq Philistainnok piitiip ka Mikmash kinchit na riito.