1 SAMUEL 13:11 - ASII LAKDAP Bible (BSI)

¹¹ Shatmaq Samuel raq, “Ümniiraq ara jamlai she wa riilaü?” nguta nguto. Kiijiishe Saul raq treto, “Mungmaiqse raq ngi ka atiishaübaiq wan miiqmiiq she riito. Kiimaq ümniika misaüha ngulaü shatmaq saü maü dea. Kiimaq Philistainnok ka Mikmash hiq niishe thungwanto.

Hawa Naga Bible 2001

¹¹ yuq muinz Samuel rueq, “Mnoz rueq yvmx lac rvtonx?” ngoz tueq wiz tueq. Sholu rueq, “Miq htenc kuex ngvy kox wawc vyuz wvnc jvnc nuiyc mnoz muinz htvp htaz shec toq vkhing nuex httuiuc waung muq rvtueq muinz; kvruex dvyx muinz rvmuq, Philistin miqsaz htenc kuex Mikmash nuex rvtuimx wuez yaq ningkhvnc nuex rvtueq.

1 SAMUEL 13:11 Referencias Cruzadas

RAPHA HIQWA LAK 3:13

Kiijiishe Tati Shiikeawe raq jechak nyung kiima waito, “Ümniiraq ara jamlai wa riilaü?” Kriinyung raq treto, “Paü raq ngi lao raüta tiisiqto.”

RAPHA HIQWA LAK 4:10

Kiijiishe Tatiwe raq nguto, “Ümniiraq atinkhan tiibitaq abi ka jam nguto klolaü? Ümno tiijai ka hiq mong maq ngi ma maiq raq aphuk lam kuqlaq nguta hoqtlaq ikha hoqtlo.

2 SAMUEL 3:24

Kra ningkhan Joab ka hokhamwe phana wato. Raüta apaiq ma akha chongto, “Ümniiraq jamlai wa riilaü? Abnar ka ümniipha na kito. Ümthongkhiiq mong wiika jaram wa tiidong baiq laü?

2 HOKHVMX 5:25

Raüta apaiq ka jam niishe jang wan nongto. Kiijiishe Elisha raq apaiq ma waito, “Ümniika ümbano kilaü?” “O, shiilangwe lei, ngi ka ümba niimin kimang lea” nguta apaiq raq treto.

ISAIA 10:28

Rewe phenlabi raq Ai chela ka khat raüta jiiwanto! Tsangshiq ka Maigron hiq lam maq leawanto! Tsangshiq raq tsangshiq hupsam thun ka Mikmash chela na phong thüto!

JOSHUA 7:19

Kiijiishe, Joshua raq Achan ma, “Ise Achan lei, ümchaü min chonglaq, Tatiwe, Israilnok Shiikeawe man na, tengteng chonglaq. Kiimaq üm mra ka tiidii laq. Ümchaü ngi ma chonglaq, ümniiraq jamlai wa riilaü? Ümniiraq ngi ma naq paükiq,” nguta waito.

1 SAMUEL 13:12

Kriikha niishe ngi raq akha tiima kang, ‘Philistainnok raq ngi ka Gilgal chela na mikhat wan she. Shatmaq ngi raq ümchaü niitaq Tatiwe khrum lap miitu honglu ka kuq mangshaqli.’ Kriikha niishe ngi raq ara honglu ara takuq kang.”

1 SAMUEL 13:16

Kiimaq Saul nai ase Jonathan kiimaq tsangshiq sengi phenlabi thun ka Benjamin wang na Giba chela na piitiip tei raüta sito. Kiimaq Philistainnok piitiip ka Mikmash kinchit na riito.

1 SAMUEL 13:2

Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto.

1 SAMUEL 13:23

Philistainnok raq phenlabi kongshi ka Mikmash kinchit lam kra tiikhe wan nai Israilnok tiikhat wa tiiwato.

1 SAMUEL 13:5

Kiimaq Philistainnok kiimin Israilnok rai riikhat ma rechap thungto. Tsangshiq jaq niika rekhat chang kumrang leng hingroqtsam, kumrang thaq na chaoti phenlabi ka hingtrok, kiimaq kriithaq na rekhatkaiti rewe ka kumtsaiphii na kumtsai riiphong tlaq ikha awealot mai khunyaq khukhi riito. Tsangshiq ka Bethawen chela maq shedong nünü na Mikmash kinchit na thungto. Raüta tsangshiq piitiip ka teito.

1 SAMUEL 14:5

Kaüshi ka kra kinchit maq shekhu nü nü na, Mikmash kinchit kriimaq khariire na riito. Kiimaq kaüshi riiwe ka shemai nünü na Giba chela maq khariire nü na riito.