1 SAMUEL 12:2 - ASII LAKDAP Bible (BSI)

² Riita ümchaü sanha namshiq ka apaiq riishe mishunshea. Kiimaq ngi riiwe kla kaüja kiija she. Kiimaq isetiim riiwe kla namshiq rai adam na asi. Ngi ka jeroji miiphü ümchaü niitaq saüli, namshiq sheati tuwe jawan kang.

Hawa Naga Bible 2001

² majuiuc kuex nuimshiq shunshvlc tvkoc piq shex lvp tuit. Ngaz kuex rullungx nyuiuz waz khux vpuix shex, isaz hez muinz nuimshiq rulc vdvmz nuex httax yaq. Ngaz kuex yalxrox pat maq raz tueq majuiuc nuex httuiuc laz nuimshiq shunshvlc jix vyungx muex yaungx wvnc tauk.

1 SAMUEL 12:2 Referencias Cruzadas

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

WEAWEA 27:17

Kiimaq tsangshiq ka rekhat akhing na mipenglottiwe shonglaq, ümsenginok ka skusekong arümti ahü ikha simak chang.”

2 Timothy 4:6

Riita, ümchaü ka, i rilung ara ramram chang chekok ikha, honglu na raüke wan miitu akhing ka saü wato she. Ara mangjong hiq ara baiqthü miitu, ngi ningthoi ranaiq ka saü wato she.

JOSHUA 23:1

Luhea sijai miishe, Tatiwe raq Israilnok ka tsangshiq tro na siti chiqse rewe jaq wa kunkun she tiiwong kuqto. Kra akhing na Joshua ka tikii kiikaiq she riito.

JOSHUA 23:2

Kra ningkhan apaiq raq Israilnok tlotli, phukhu welabi, ashun asheatibi, phowebi, kiimaq mung liiti siihiipbi thun ka adam na ngongthun nga miitu tiiheato. Raüta akha nguto, “Ngi ka ümchaü sanha kaüja kiija she.

2 Peter 1:14

Nashiq Tatiwe Jesuq Khristo raq, ngi ma atiichhike wishe, ngi ka ara mangjong hiq na alu ka nga mang she miraq.

1 SAMUEL 2:22

Eli ka tikii kiikaiq she. Asenai raq Israilnok ma jamlai wa ashut kiimung tlaq thun bom ka tairuqli taitlo, kiimaq tsangnai raq Tatiwe sichang jam, kilamchong na jaqshamti jechakre sitlaq krai min kiichamtlo nguta taitlo.

1 SAMUEL 2:29

Riita, jam nguto, ngi ma isenginok raq nyamse honglu takuq tlaq thun kra nai honglu kuqtlaq thun kra, ümniiraq kiitin khan süram laüta liiwan min shea maita? Riita, Eli ümniiraq ümsenai ka, isenginok raq ngi ma honglu takuq tlaq kiiwa ahea pinthum ngamrea thun ka tsangshiq ma tiiphesiq lili laüta, tsangshiq ka ngi thaq na achan jam nguto shreng tlaü?

1 SAMUEL 3:10

Tatiwe ka saükito raüta kiijaq chapto. Raüta, apaiq raq kongkhu lak na heataq kiikha, “Samuel! Samuel!” nguta heato. Samuel raq treto, “Chonglaq; Ümjaqshi se raq taitlo.”

1 SAMUEL 3:13

Ngi raq apaiq ma apaiq jamkunti ka pattup pat-sa miitu mo mitiihoha nguta achongke wishe. Jamkhano ngukla asetiim raq ngi ma bom abi bomto. Tsangshiq raq kriithun ka klotlo dea nguta Eli riimin asap. Shatmaq apaiq raq tsangshiq ka tiitsaq mak riito.

1 SAMUEL 3:16

Eli raq apaiq ka heato, “Ise Samuel lei!” “Oi. Ngi arjaq lii,” nguta Samuel raq treto.

1 SAMUEL 8:1

Ümtiikiiwa Samuel ka tikiishe jawantaq, apaiq raq ase nai ka phowebi ma shongto.

1 SAMUEL 8:20

Kra riihaila nashiqnok min, nanok mung ahinti thun kiikha, na hokhamwe wokhong niishe misi rong i. Raüta nashiq ka rekhat kai misheaho raüta re ka mikhat kuq wan.”

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.

1 SAMUEL 8:5

Raüta apaiq ma akha chongto, “Liilaq, ümniika tikiishe. Kiimaq ümsenai riika, ümniiraq sham laü kra phan phan sham mak. Arningkhan naishiq peng wanti hokham weshi shonglaq, raüla maiq mung ahinti thun khuthaq na hokhambi sitlaq kiikha, naishiq miimin hokham asi miraq.”