1 SAMUEL 12:12 - ASII LAKDAP Bible (BSI)

¹² Shatmaq namshiq raq Ammonnok hokhamwe Nahash raq namshiq khatwa kra chhi lanta, namshiq raq Tatiwe ka, namshiq hokham riimak nguta shipoq lan. Lanta ngi nangnga, ‘Naishiq rümti hokham weshi shongke ratlo,’ nguta ngulan.

Hawa Naga Bible 2001

¹² Yuq muinz nuimshiq khvt dvnc yaq Ammon Hokhvmx waz Nahash kuex nuimshiq rueq khiz tuit nuex, nuimshiq hokhvmx rvtueq Yehowa kuex tvdux gay ruiux ngaz muex ngoc, ‘Nuiyshiq kuex guimz lawc hokhvmx washiz roc vshix,’ ngoz tueq kvbot wuez tuit.

1 SAMUEL 12:12 Referencias Cruzadas

RAPHA HIQWA LAK 17:7

“Ngi raq ümniirai ikiq kham tiikang ka ümniirai kiimaq rawiichii pat achat na ümlai ümla thun rai min pattup pat-sa tongshong ma mitiijaha. Ngi ka üm Shiikeawe she kiimaq ümlai ümla thun Shiikeawe she.

Tvtsvmc 74:12

Shatmaq ümniika aphaji miiphü naishiq hokhamwe riilaü, O Shiikeawe lei; ümniiraq naishiq ka jang pahea tiichhiikuq laü ihata.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

JEREMIA 40:11

Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

Hosea 13:10

Namshiq tiichhiiti namhokham ümbano? Chela thun pengti mungtubi thun ha? “Naishiq ma hokham shongkuq laq, kiimaq mungtubi shongkuq laq,” nguta jaü wan lan ihata.

WEAWEA 23:21

Ngi raq Israilnok rawiichii rilung chhikang she Apaiq miitu kaükhea la-nyea ahü, riimakla chamchao ahü miraq. Tatiwe tsangshiq Shiikeawe ka tsangshiq rai; Tsangshiq raq lachong dok dok apaiq ka tsangshiq Shiikeawe ngutlo.

PHOWEBI 8:23

Kiijiishe Gideon raq treto, “Ngi ka namshiq pengti ma jamang, kiimaq ise kiimin jamak. Tatiwe kli namshiq pengti miraq.”

PHOWEBI 9:18

Shatmaq ümchaü ranaiq, namshiq ka iwe ma ata awii thun kra namshiq raq wesang ralii miishe tiija wan lan. Namshiq raq asetiim kongnyung kaüshi weroqmiishi ka longkaü ashi thaq na tsatbaiqlan. Kiimaq iwe jaqshi nyungse Abimelekh kra, namshiq ma tanyang seno lam nguta, namshiq raq apaiq ka Shekhem chela hokham miishe shong lan.

1 SAMUEL 10:19

Ngi ka namshiq Shiikeawe, phanrap litkot chamchao sangrai mong wa dokdake wanti. Shatmaq ümchaü ranaiq namshiq raq ngi ka shishebaiq lan. Lanta ngi la na, hokham weshi shongkuq laq nguta ijaq wa jaü lan. Ikhiijiika ahea. Ümchaü min, namshiq ka maiq aphan aphan maq kiimaq ata ata maq Tatiwe man na thung rong laq.’”

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.