1 SAMUEL 11:6 - ASII LAKDAP Bible (BSI)

⁶ Ümtiikiiwa Saul raq kra tsütsa ka taitaq, Shiikeawe wenyi raq apaiq ka romwanto. Krai mren, apaiq ka pinthum walüwa ikhiishe khiqkito.

Hawa Naga Bible 2001

⁶ Kvruex thaungc kuex Sholu rueq tay tueq, kvkaq Tishox siyac rueq piq kuex romz wvnc vtueq, piq kuex pinhtumc khaq tueq.

1 SAMUEL 11:6 Referencias Cruzadas

DUNGWVNC 32:19

Ümtiikiiwa Mosheq ka piitiip tho na aje niishe saüho raüta liikiita kra saüla pongse sumla kra chhito. Kiimaq mungmaiqse ka kiijaq awiinum sea chhito. Kra chhi raüta apaiq ka pinthum amokdung dung she khiqto. Kiijaq pumji chong na apaiq raq pitlaq longpen wiinai ka hiq na riiwak baiqto. Raüta kra longpen wiinai ka tiibun baiqto.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

PHOWEBI 11:29

Kiijiishe Tatiwe wenyi raq Jephtha ka rom wanto. Krai mren, apaiq ka Gilead wang hamli na kiimaq Manase wang hamli na wawanto. Raüta apaiq ka Gilead wang na Mijpa chela na jangkito. Raüta Ammon mung khatkai she kihoto.

PHOWEBI 13:25

Kiimaq apaiq ka Jora chela nai Eshtaol chela liipan na Dan phan Piitiip na si bala niili, Tatiwe ningkun ka apaiq khum na shoqkuq wanto.

PHOWEBI 14:6

Tiihanghiiq miili, Tatiwe ningkun raq apaiq ka rom wanto. Raüta aningkun ka henghea riito. Krai mren, apaiq raq hangsi kaü ka chhechhise ikha ajaq maq lapho raüta kholam kholiiq panbaiqto. Shatmaq apaiq raq kra klotaq bom ka anyungwe ma chongmak dea riito.

PHOWEBI 15:14

Apaiq ka Lehi chela na saüwa kiitiishe, Philistainnok ka agilülü aju trang la apaiq phanü na jutrangto. Shatmaq tiihanghiiq miili Tatiwe ningkun raq ka rom wan raüta, apaiq ningkun ka henghea she riito. Krai mren, apaiq raq adü na ajaq nai akhum na akha raü thun ka wa na achaq railo ikhli panthit panbaiqto.

PHOWEBI 3:10

Tatiwe wenyi ka apaiq khum na kito, krai mren apaiq ka Israilnok khuthaq na wela ma jato. Othniel ka rekhatkai kito. Kiimaq Tatiwe raq apaiq ma Mesapotamia hokhamwe ka khat raüta tiitang kuqto.

PHOWEBI 6:34

Kiitiika Tatiwe wenyi raq Gideon ka kunli rom wanto. Krai mren, apaiq raq rekhat kai miitu Abiejar weraü phan maiq thun ka apaiq jai phan kirong ra nguta tsangshiq hea boli tsüto.

1 SAMUEL 10:10

Krai mren, Saul nai ajaqshi se ka kra ranaiq niili Gibea chela niishe saü wanto. Kra akhing na shammibi kongshi raq Saul rai riihumto. Krai mren, tiihanghiiq miili she Shiikeawe asii wenyi raq Saul ka kun li rom wanto. Kiimaq Saul kiimin shammibi kong kra rai, adoq haha she, wiinum wiinea she, agilülü maq Shiikeawe shomnoq shammibi kong krai she doqsiq wandamto.

1 SAMUEL 10:6

Tiidongchhaq miili Tatiwe wenyi raq ümniika arom mirwan. Kiimaq ümnii riimin tsangshiq rai Shiikeawe shomnoq wiinum wiinea she agi asii watrang liishe mipong wan dam haü. Kiimaq ümniika pong miishe mijaki haü.

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.

1 SAMUEL 16:14

Tatiwe wenyi raq Saul ka baiqthüto. Raüta Tatiwe raq abi wenyi tiikito. Kriiraq apaiq apaiq ka tiichamchao wanto.