1 SAMUEL 11:11 - ASII LAKDAP Bible (BSI)

¹¹ Kra rawa liipan niili, Saul raq asengi sreabi ka kongtsam na triipheato. Raüta ranap rawüho niishe, tsangshiq raq rewe Ammonnok piitiip kra bok wanto, raüta khatto. Kra ranaiq shethung shekham tin khan na sanha, tsangshiq raq rewe piitiip ka tiithumpak she jiipbaiqto. Kiiwa abung akhü tiichongtaq thun ka maiqmii lampu rit she pongpin riipin jutrangto.

Hawa Naga Bible 2001

¹¹ Kvruex raungyac Sholu rueq piq miq htenc kuex phungc thuimx muex tv-phvlc ruiux, raungnvp saz maq ralx nuk jerak kuex lung wvnc vtueq, Ammon miqsaz htenc kuex khvt gay tueq. Tsuinghez kuex raungnuiyq shalhtungx nuex yap gay tsuiyc tueq. Kvjungx yaq miq htenc kuex pungpanc rvpanc sawx poalx maq yuz wvnc wuez tueq.

1 SAMUEL 11:11 Referencias Cruzadas

RAPHA HIQWA LAK 22:14

Abraham raq kriiba ka “Tatiwe raq kuqtlo” nguta mangto. Kiimaq ümchaü niitaq maiq raq, “Tatiwe pum niika apaiq raq kuqtlo,” nguta ngutlo.

2 SAMUEL 18:2

Raüta tsangshiq kongtsam niishe triipheato. Raüta Joab nai ano Abishai kiimaq Gath chelati Itai, tsangtsam wokhong na, weshi ka kongshi thaq na phentu ma shongto. Raüta apaiq raq tsangshiq ka tiikito. Raüta hokhamwe raq asengi ma nguto, “Ngi min namshiq rai nongshnong miki kang.”

Tvtsvmc 46:1

Shiikeawe ka nashiq tiiwongti kiimaq nashiq ningkun, chamchao akhing na khrumke miitu wranaiqshe khekham sitlo.

DUNGWVNC 14:24

Ranap rawiiho nini niishe Tatiwe raq watu khamchong kaü nai phum khamchong kaü mong maq Ejip mungti phenlabi kra hiq nü na ku raüta liito. Raüta tsangshiq ka phiip ajiip miishe tiitsaito.

Matthew 7:2

Namshiq raq nanok ka jamkho shrongra wan tlan, kiikhiisii Shiikeawe raq namshiq min mishra wan. Namshiq raq nanok ka jamlai tri mo shin wan tlan, kra tri maq namshiq kiimin Shiikeawe raq mishin wan.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

PHOWEBI 1:7

Adonibejek raq nguto, “Hokham weroqmiishi tsang jaqshi shilawe thun kra nai tsangshiq hokshi shilawe thun kra ngi raq tapbaiq kang. Tsangshiq raq inüchho seaphan hiq na atrok ha kra riichom tsunsiq raüta sito. Ngi raq tsangshiq jamkho haihü kang kriishe Shiikeawe raq ngi ka haihiito.” Apaiq ka Jerusalem na shea wanto. Kiijaq apaiq ka tsaito.

PHOWEBI 4:16

Barak raq kumrang leng thun nai phenlabi thun ka pongnok phan hiqshong Harosheth chela kiina saüli jowanto. Raüta Sisera sengi phenlabi thun ka wiita tiithumpak jiipbaiqto. Maiq ka weshi dongdii min tiichong mak jiipbaiqto.

PHOWEBI 7:16

Raüta apaiq raq asengi shitsam ka kongtsam na triipheato. Raüta maiq khumtek ma lerong ka achhuqchhuq kuqto. Kiimaq hamlii tsabum mong na waniitu kra tiinyaije achhuqchhuq kuqto.

PHOWEBI 7:20

Kiimaq ahinti kongnai kra riimin kiikhiisii riito. Tsangshiq tarü raq jaq pha nü na waniitu ka doraq chhaq riito, kiimaq jaqtsi nü na lerong kra doraq chhaq riito. Raüta tiihong raüta, “Tatiwe miitu nepjasai kiimaq Gideon miitu nepjasai!” nguta gitrangto.

PHOWEBI 9:43

Krai mren apaiq raq asenginok kra shea raüta, kongtsam na triipheato. Raüta rum na bom hai raüta kheto. Krai mren, Apaiq raq nokmaiqse ka chela mong wa kinphai na dongho kra chhi raüta, apaiq ka bom mong kiiwa dongchhaq raüta tsangshiq ka khatto.

1 SAMUEL 11:2

Shatmaq Nahash raq treto, “Ngi raq namshiq ka itongshong maq tiiham hala tri ka akha mithüha: Ngi raq namshiq loweatek makpo maktsi nü ka atiiphok mirbaiqha. Lata Israil mung tlotli khushü ka mitiijamha.”

1 SAMUEL 14:47

Saul ka Israil mung hokham ma jawan jai maq, apaiq raq chiqse rewe thun ka barap binrii wa khat wanto: Mob mungti, Ammon mungti, kiimaq Edom mungti, kiimaq Joba mungti hokham rai, kiimaq Philistain mungti rai riikhatto. Apaiq raq ümriibati wa khatki tlaq kra tang wan ruq riito.