1 SAMUEL 11:1 - ASII LAKDAP Bible (BSI)

¹ Arjai maq jipi lüshitin sijai na, Ammon mungti Hokhamwe Nahash raq asengi sreabi shea raüta Gilead wang wa Jabesh chela kra akhat ma trotam maq komto. Kriikha niishe Jabesh chelati Nahash ma nguto, “Naishiq ka ümtongshong maq tiihamlaq. Laüta ümniika naitijongwe ma jalaq. Laüta naishiq ka penglaq.”

Hawa Naga Bible 2001

¹ Yapix lex shiz htvmx yix maq Ammon Hokhvmx Nahash kuex piq nolaungx bix htenc shvlx laq ruiux, Gilead mungx Jabesh nuex kaz vtueq miqghaq kuex tuimx wvnc tueq. Jabesh ghaq wuinz rueq Nahash muex ngoc, “Nuiyshiq rulc rungx raz bomc tvhungx taq ix, kvkaq nuimshiq kuex nuiyshiq guimz lawc jix rvtuinx, nuiyshiq rueq tay kuq phix,” ngoz tueq tvtay jungx tueq.

1 SAMUEL 11:1 Referencias Cruzadas

RAPHA HIQWA LAK 26:28

Kiijiishe tsangshiq raq treto, “Ümchaü ka naishiq raq sapkai she. Tatiwe ka ümniirai asi. Kiimaq naishiq raq tiima tiikai nashiq liipan na sinkham tongshong raükha sichang. Ümniiraq naishiq ma kiqkham kechang nguta tiima tiikai.

2 SAMUEL 10:1

Kriijai maq ashaqpuq sijai, Ammon Hokhamwe Nahash ka tsaikito. Kiimaq ase Hanun kriishe hokham ma shongto.

2 SAMUEL 10:2

Hokhamwe Dawit raq akha nguto. “Ngi raq Hanun ma silu lamphan ka tsapkapkap tiichhike ratlo, awe Nahash raq ngi ma tiichhi kuqtaq kiikha.” Krai mren, Dawit raq majo tsasoqtibi apaiq phana tiikito. Kiimaq tsangshiq ka Ammon mung niishe saükito.

2 SAMUEL 17:27

Kiimaq Dawit ka Mahanaim chela niishe saüwan kiita, Nahash ka apaiq rai riihumto. Nahash ka Shobi se. Apaiq ka Ammon wang na Rabba chela na siti. Kiimaq Lodebar chelati Ammiel se Machir kriimin Dawit rai riihumkai saükito. Kiimaq Gilead wang na Rogelim chela na siti Bajillai kriimin Dawit rai riihumkai kito.

2 SAMUEL 2:5

Krai mren, apaiq raq maiq tsasoqti wiijam ka kiina akha tsütsa tiichongkito: “Namshiq raq shreng lanta nam hokhamwe maa ka saiqsam lan kra miitu, Tatiwe riitiq namshiq ma achu mishman kuq.

1 HOKHVMX 20:34

Kiijiishe Benhadad raq apaiq ma nguto, “Iwe raq ümwe jaq wa chela thun ümchuwa nyeahotaq kriithun ka ngi raq ümniimiishe mipai kuqkang. Kiimaq iwe raq Samaria chela na laopan jachang kat thun phoqtaq kiikhiisii ümchaü ümniiriimin Damaskas chela na piikii miitu kat thun pahea phoq wan mimai.” Ahab raq treto, “Ikhla arthun chonglaü arjaq seng lata, ümkharü ka ngi raq diibaiq tiikang.” Krai mren, Ahab raq Benhadad rai wehea riija tongshongto. Raüta apaiq ka tiiwa baiqto.

1 KAÜWA WERAÜ 10:11

Riita Philistainnok raq Saul maa ka jamkho riita kra tsütsa ka Gilead wang na siti Jabesh chelai raq taito.

1 KAÜWA WERAÜ 10:12

Kiijiishe tsangshiq phong wa nola pinthumti ka kiina kiho raüta, Saul nai asetiim maa kra lamkito. Raüta Jabesh chela na piwanto. Raüta tsangshiq raq maiqmaa thun ka Ok pechongji na lapto. Raüta tsangshiq ka ramiishi amang ma majo sito.

YOBA 41:4

Apaiq raq ümniirai kiq ri raüta, pattup ümjaqshi ma mija kang nguta kiq mikhamkuq shea?

DUNGWVNC 23:32

Tsangshiq rai jamphan niimin naq pong damkiq. Riimakla tsangshiq phra thun rai min naq pong damkiq.

ISAIA 36:16

Hejekia bom ka naqtai rongkiq! Asiria hokham ajongwe raq namshiq ka chela mong wa dongho lantea apaiq puk na nyap ronglaq nguta aming kuqtlo. Apaiq raq namshiq tarü ma maiqmiimii spiqro kiiwa pansea miitu kiimaq maiqmiimii phupmuptsiro kiiwa pansea miitu aming mikuq. Kiimaq namshiq raq maiqmii khappong kiiwa kham nyang miitu aming mikuq.

JEREMIA 40:11

Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

JEREMIA 40:14

Raüta tsangshiq raq apaiq ma akha nguto, “Ammon mung hokhamwe Baalis raq Ishmael ka ümnaq tiitsea wa tiiwato ngo ka saptlaü sha?” Shatmaq Gedalia riika lam mak dea.

EJEKIEL 17:13

Apaiq raq hokhamwe jamti phong wa weshi rai tongshongto. Raüta apaiq ma tongshong tumkham tiinyang raüta, apaiq wokhong na misiha nguta tiitumto. Kiimaq apaiq raq ajong alabi aki miikiimbi ka shumwikong ma tsuq wanto.

TRI CHONGKE 23:3

“Amonnok phan riimakla Mobnok phan wa riimakla tsangshiq lai ala phan wa, maiq ka maiq pat pat roqshi na saüli, Tatiwe sengi phungtu na tlomdam maimak.

PHOWEBI 10:7

Kra ningkhan Tatiwe ka Israilnok ma atsankhiq riito. Kra kha niishe tsangshiq ka Philistainnok nai Ammonnok ma tlong raüta tiitangto.

PHOWEBI 11:4

Kra jai maq ashaqpuq sijai na Ammonaiqnok ka Israilnok khatkai kito.

PHOWEBI 21:8

Ümtiikiiwa tsangshiq raq, Mijpa chela na Israilnok mungmaiqse ngongthuntaq kiijaq maiq phan nokshi ra lomki dammak dea asi shea nguta, bom konchon kiita, tsangshiq raq Gilead wangti wa Jabesh chelati ka lomki dammak dea nguta sapto.

1 SAMUEL 12:12

Shatmaq namshiq raq Ammonnok hokhamwe Nahash raq namshiq khatwa kra chhi lanta, namshiq raq Tatiwe ka, namshiq hokham riimak nguta shipoq lan. Lanta ngi nangnga, ‘Naishiq rümti hokham weshi shongke ratlo,’ nguta ngulan.

1 SAMUEL 14:47

Saul ka Israil mung hokham ma jawan jai maq, apaiq raq chiqse rewe thun ka barap binrii wa khat wanto: Mob mungti, Ammon mungti, kiimaq Edom mungti, kiimaq Joba mungti hokham rai, kiimaq Philistain mungti rai riikhatto. Apaiq raq ümriibati wa khatki tlaq kra tang wan ruq riito.