1 SAMUEL 10:3 - ASII LAKDAP Bible (BSI)

³ Ümniika kriimaq wawan laüta, Tabor hiq na asii pechong ba kiiniishe misaü wan haü. Kiijaq ümniiraq maiq wetsam, Bethel chela na Shiikeawe ma honglukekai akairai mirhum haü. Tsangtsam phongwa weshi riika chhechhi chheresetiim kaütsam hit raü miraq, kiimaq weshi riika winsii thoptsam horaü, kiimaq wetsam ngojawe riika ngamkhü tsabum na spiqtai ka ama tuptup horaü mirhum haü.

Hawa Naga Bible 2001

³ Mnoz kuex Bethel nuex Tishox tvkoc shomc nawk juing shomc kuy kay jix miq wathuimx rulc rvhumc vtueq, Tabor wawc vsawc pulx kemz yaq baung nuex mnoz httuiuc kaz tuiux nuex httuiuc laz, kvruex maq waung wvnc tuiux. Tsuingthuimx kvwawc washiz rueq khelkhix saz vthuimx tulx ruiux, vganc washiz rueq wanx khonz thuimx gurx tueq, vthuimx ngoc yaungc waz rueq svpiq tix vmvrx httax yaq ngvmx khuix tsongbumx kuex gurx tueq.

1 SAMUEL 10:3 Referencias Cruzadas

RAPHA HIQWA LAK 28:19

Raüta apaiq raq kra hiq ba ka Bethel nguta mangto. (Kiijaq sitlaq chela ka man na Luj nguta ngutlo.)

RAPHA HIQWA LAK 28:22

Krai mren ara tsan na tiitsang chang miithii longkaü shong tiikang arba arka ümnaq shomnoq chang hiq ba miraq. Kiimaq ümniiraq ngi ma phanrap kuqtlaü kriiwa wiita, roqshi khu wa manshi ka ümniima mikuqha.”

RAPHA HIQWA LAK 35:1

Shiikeawe raq Jakob ka thaüto, “Bethel hiq na jaqlo kilaq. Laüta kiijaq silaq. Kiimaq kiijaq Ngi miitu berong-wacha ashi hailaq, ümniika ümphu Esau ma hai ma juwan tlaü akhing na ümniirai riihumtaq Shiikeawe irma.”

RAPHA HIQWA LAK 35:3

Nashiq ka armaq alaü she mirho rong i. Laita Bethel hiq niishe mikiho rong i. Kiijaq ngi raq ngi khrum keti Shiikeawe, ngi ma litkot chamchao ranaiq khrum ketiwe kiimaq ngi ümriiba niiwa khum wan kang kiijaq ngi rai nong nong maq siwantiwe ma berong-wacha ashi mihaiha.”

Tvtsvmc 89:12

Ümniiraq mangjong raikhü shekhu nü nai shemai nü kra tiiqlaü; Tabor Pum nai Harmon Pum raq ümniima chochi raüta shitlo.

JEREMIA 32:8

Kiijiishe, Tatiwe raq ngi ma chongtaq kra tiiphanphan, Hanamel ka kiijaq rungkhok na ngi sichang kiijaq saükito. Raüta ngi nangnga wakphu bashi kra rithü laq nguta chongto. Krai mren, ngi riimin taksaqli she riikang arka Tatiwe riidea ngi miitu tiihong thatlo nguta sapkang.

LEWI 1:10

Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

LEWI 23:13

Kriirai namshiq raq kilogram anai bunwong win ka olip tai maq shot lanta phaqsea-honglu na kuq ronglaq. Ara honglu Khiimtsang ka Tatiwe ma tsan tiiheali miraq. Kiimaq namshiq raq kriirai litar shi spiqtai kiimin honglu na kuq ronglaq.

LEWI 3:12

Kiimaq maiq weshi ra raq chhechhi ashi ka alu na kuq raüla,

LEWI 3:6

Kiimaq sku ashi riimakla chhechhi ashi ka rintii-honglu na kuq raüla, kriika apongwe lo riimakla akaü kechang. Shatmaq kriika akhum nyeajokjok ami atsi jam min ahü riichang.

LEWI 7:13

Ara tiitsuq ma, apaiq raq winsii pi maq shoje alum kriimin honglu na kechang.

JOSHUA 19:12

Kiimahali Sarid chela maq siimko nü miishe ka Chisloth Tabor chela maq shedong nünü binjü kriimiishe raiwanto. Raüta Daberath chela kiina raiwanto. Raüta Japhia chela kiina raiwanto.

JOSHUA 19:22

Kra hiqtrai riika Tabor, Shahajuma, kiimaq Beth Shemesh chela thun min lomdamto. Raüta Jordan rai na supto. Kra hiqtrai mong niika chela roqshi ri trok kiimaq kriithun tro binjü wa chela aransetiim kra romshaq riito.

PHOWEBI 20:18

Israilnok ka noqku jam na Bethel chela na kito raüta tsangshiq raq Shiikeawe ma akha waito, “Ümriiti phan riiwa atiipha na lamshea raüta Benjaminnok ka mikhatki?” Tatiwe raq treto, “Juda phan raq.”

PHOWEBI 20:27

Kra akhing bala Shiikeawe Tongshong Tek ka Bethel chela na riito. Kiimaq ramwe jaqshamti ka Eleajar se Phinehas, Aron ma asaü asi riito. Mungmaiqse raq Tatiwe ma waito, “Naiphu naino Benjaminnok khatkai mikinong hai shea? Shea, khatki maishe wa mithaq baiq hai?” Tatiwe raq treto, “Khatki rongkiq. Anap ranaiq ngi raq tsangshiq ka namshiq ma mitiitang kuqkang.”

PHOWEBI 4:12

Riita Sisera raq Barak ka Tabo Pum niishe wawanto nguta tsütsa ka taito.

PHOWEBI 4:6

Ranaiqshi apaiq raq Abinoam se Barak, Naphtali wang na Kedesh chela na sitiwe ka apaiq phana tiiheakito. Raüta apaiq raq Barak ma akha chongto, “Tatiwe, Israilnok Shiikeawe raq ümniima ara aming kuqto, ‘Naphtali phan nai Jebulun phan wa rewe hingroqshi sheaho laüta, Tabor Pum kiina walaq.

PHOWEBI 8:18

Raütiishe Gideon raq Jeba nai Jalmunna ma waito, “Namnai raq Tabor chela maq tsatbaiq lan maiq thun ira jamkhiiwa chhilan?” Tsangshiq raq treto, “Tsangshiq kiimin ümsham ümri kiikhiisii riito. Tsangshiq ka loweatek hokhamwe setiim ikha siisaq riito.”

1 SAMUEL 10:4

Tsangtsam raq ümniika mitao raüta winsii thop nai ka ümniima mikuq. Kriika ümniiraq mitao haü.