1 SAMUEL 10:16 - ASII LAKDAP Bible (BSI)

¹⁶ “Apaiq raq nainai ma kumtoq kong kriika humkai she nguta chongto,” ngutli Saul raq awa bom ka treto. Shatmaq Samuel raq apaiq ka Israil mung khuthaq na hokham miishe shong wantaq kra bomtsi riiwe ka awa ma chongkuq mak dea adamli riito.

Hawa Naga Bible 2001

¹⁶ Sholu rueq, “Nyvmx saz htenc humc yek tueq shex ngoz tueq jungx kuq phuex,” ngoz tueq tvralc tueq. Yuq muinz piq hokhvmx yaungx wvnc tuex lvmz Samuel rueq jungx tueq kvjaz kuex piq rueq jungx muq.

1 SAMUEL 10:16 Referencias Cruzadas

DUNGWVNC 4:18

Raütiishe Mosheq ka ahuchhiwe Jethro phaniishe hali jang wan nongto. Raüta apaiq ma akha nguto, “Mangchan laüta ngi ka Ejip mung na, iphu inotiim phana tiikilaq. Tsangshiq ka ahea sha jamkhiiwa sitla liiki pha.” Kiimaq Jethro riimin ahea na nguta treto. Raüta khusang maq sikikiq nguta apaiq ma kiim riiphea bomto.

TAKSU LAK 12:23

Maiqshaqti riika mobom bom mak. Shatmaq maiqjiqti riika, maiqmii ngokngi kli tiitsakisiq tlo.

TAKSU LAK 29:11

Maiqjiqti riika atsankhiq raüla, abom nguli bomtlo. Shatmaq atsii asiti riika, anin raüta kaiqshak sitlo.

THARC TVLUINGC 3:7

Achaibaiq akhing min tiihongto, achhang akhing min tiihongto. Kaiqshakshak maq si akhing min tiihongto, abom chang akhing min tiihongto.

PHOWEBI 14:6

Tiihanghiiq miili, Tatiwe ningkun raq apaiq ka rom wanto. Raüta aningkun ka henghea riito. Krai mren, apaiq raq hangsi kaü ka chhechhise ikha ajaq maq lapho raüta kholam kholiiq panbaiqto. Shatmaq apaiq raq kra klotaq bom ka anyungwe ma chongmak dea riito.

PHOWEBI 14:9

Apaiq raq ngiq ngu ka ajaq na hut ho raüta akhum lam maq siqto. Raüta apaiq ka awe nai anyung phana wawanto. Raüta tsangnai miimin wiijam kuqto. Kiimaq tsangnai riimin siqto. Shatmaq Samson raq tsangnai ma ngiq ngu ka hangsi maa na atu wa lam wan kang ngutiika chongmak dea riito.

1 SAMUEL 10:15

“Riita, apaiq raq namnai ma jamlai wa chongkuq ta?” nguta hali awa raq apaiq ma wainongto.

1 SAMUEL 9:20

Riita, ümchaü ranaiq maq ranaiqtsam kongkhu na mokitaq kumtoq kong kra miitu ka naq chapa kiq she. Kra kumtoq kong ka ahum kun she. Shatmaq Israilnok mungmaiqse raq tsan na atsi maq ju wa rit tla? Kriiwe ka ümnaq kata. Ümnaq nai ümwe jamtitiim ka rit tlo.”

1 SAMUEL 9:27

Riita tsangshiq ka chela phai kiiniishe saüho raüta, Samuel raq Saul ma chongto, “Ümjaqshi se ka nanai ma sinkhu na tiiwali laq.” Krai mren, ajaqshi se ka kongkhu na kihoto. Kiimaq Samuel raq akha nguto, “Ümniika arjaq heashise chap liishaq. Shiikeawe raq ngi ma jamlai bom wa chongtaq kra ümniima chongkuq pha.”