1 SAMUEL 10:1 - ASII LAKDAP Bible (BSI)

¹ Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan:

Hawa Naga Bible 2001

¹ Kvruex yimaq Samuel rueq olip puiz khvp kuex lvmz vtueq Sholu khux poz nuex shvy ruiux raz tueq, piq kuex shup vtueq, “Vpiq miqsaz Israel kuex guimz lawc jix yaungc tvkoc Yehowa rueq mnoz muex ruimruimc puiz tix maq shvy kuq kv-phux. Vpiq miqsaz htenc kuex mnoz rueq guimz lawc vtueq, tsuingshiq muex ralx lotlaz yauk wawc tsuingshiq kuex tvkhup wungx kuq shuiuz. Vruex kuex Yehowa rueq mnoz kuex thvl wvnc vtueq vpiq miqsaz guimz lawc jix waz muex tvyaungc kv-phux lvmz hakhix rvtueq:

1 SAMUEL 10:1 Referencias Cruzadas

2 SAMUEL 1:14

Dawit raq apaiq ma waito, “Riita ümniiraq Tatiwe raq ashong hokhamwe ka jam jaq mo tsat laü?”

2 SAMUEL 19:39

Kra riibom lot raütiishe, Dawit nai asengi mungmaiqse kong raq Jordan rai ka jin wanto. Apaiq raq Barjillai theaphi na kiimriiphea lungwii shupto. Raüta apaiq ma ramram kuqto. Kiimaq Barjillai kiimin ajam niishe wawanto.

2 SAMUEL 20:19

Naishiq chela ka chela wiitarü thaq na ajong pinthum. Kiimaq wiitarü thaq na khusang maq shongati. Kiimaq Israilnok mung na hokhamwe wokhong na tsapkapkap maq siwanti. Riita ümniiraq ara chela ka jaram shiithen baiq wa tan tlaü? Ümniiraq Tatiwe sengi ka ashthen baiq shea tiima tlaü?”

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

1 HOKHVMX 1:34

Lantea kriijaq Jadok nai Nathan raq apaiq ka Israil mung thaq na hokham ma tel maq minyuk laq. Kra lantiishe lerong ka tsü rong laq. Lantea, ‘Hokhamwe Solomon ka rilung alu misilaq!’ nguta rütrang ronglaq.

1 HOKHVMX 19:18

Artaü maq dongdii min, Ngi raq Israil mung na Ngi shomnoqti maiq ka hingmiishe atra sishat li mithüha. Tsangshiq raq Ngi ka tsapkapkap maq shomnoq wantlo. Kiimaq tsangshiq raq Baal phra ka shomnoq mak. Kiimaq Baal samla ka tsangshiq raq nü maq shupki mak.”

2 HOKHVMX 20:5

Hejekia, Tatiwe sengi pengti phana walaq, laüta apaiq ma akha chongwakiq nguta tiiwato, “Ngi, Tatiwe, ümti Dawit Shiikeawe raq, ümnaq achu jaü ka taikang. Kiimaq ümmak phai satlaq kriimin chhikang she. Ngi raq ümthatsi ka mitiihea kuq kang. Kiimaq ranaiq tsam sijai na ümniika Shomjam na miki haü.

2 HOKHVMX 9:1

Anü na shammiwe Elisha raq jerobi shammibi phong wa weshi ka heato. Raüta apaiq ma chongto, “Ümniika Gilead wang na Ramoth chela na kai miitu tiije laq. Kiimaq ara olip tai tsabum chü ara lamho laq.

2 HOKHVMX 9:12

“Ahüla, naishiq raq sapmai la!” nguta tsangshiq raq treto. “Naishiq ma chonglaq, apaiq raq jamlai wa nguta!” “Apaiq raq ngi ma Tatiwe raq: ‘Ngi raq ümniika Israil mung hokhamwe miishe tel maq nyuklata shongtiikang,’ nguta chongto.’’

Tvtsvmc 135:4

Apaiq raq Jakob ka apaiq rii nguta tseato, Israilnok ka apaiq rii nguta tseato.

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 78:71

kiijaq apaiq ka asku kong rümrea riito, raütiishe apaiq raq Dawit ka Israil mung hokham miishe shongto, Shiikeawe sengi sku kong rümti miishe shongto.

DUNGWVNC 30:23

“Ahea pinthum süse tapan homseng kham ka kilogram trok, kiimaq ahomwiq phan tsangkürang tsai ka kilogram atsam lam laq, kiimaq ahomwiq phan homkii tsai ka kilogram atsam lamlaq,

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

EJEKIEL 16:13

Ümniima chaq nai kampho laktum thun kuq kang. Kiimaq ümniiraq wranaiqshe aheawiq awaiq angon raihi-nairai nai nairai maq ataq khea samtlaü. Kiimaq ümniika ahea pinthum bunwong wongwin maq alum winsii kli phaqsiq wan laü. Kiimaq ngiq ngu nai olip tai maq ashong lum phaq asea kli phaqsiq wan laü. Ümsham hea wa ka makse chathit achhai anyii wali riiliip riiliip silaü. Kiimaq ümniika hokham nyung miishe jawan laü.

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Acts 13:21

Kiimaq kra jai miishe, tsangshiq raq mung peng wan miitu hokham shongke raa tlo ngutiishe, Shiikeawe jaq wa jaü wanto. Krai mren, Shiikeawe raq tsangshiq ma Kush se Saul, Benjamin weraü wa kriishe mung peng wan miitu tsangshiq hokham we miishe shongkuqto. Apaiq raq munglang wan hokham jaqsham wan ka wiiroqblai sham wanto.

TRI CHONGKE 32:9

Shatmaq Jakob saüsetiim ka apaiq rii she tsea wanto.

1 Thessalonians 5:26

Kamasham maiqsetiim tlotli rai phunaino lungwii thea riishup lanta tao ronglaq.

Hebrews 2:10

Riita, arka riikhaqli dea. Shiikeawe ka nashiq Tiiqtiwe. Kiimaq phanrap rümtiwe. Apaiq raq Jesuq ka, chamchao walü mong maq chen wanto. Raüta apaiq puk na nyap wantibi maiqse pahea ma, tiichhii wan lam tanketi we miishe tiijato. Arka Shiikeawe raq, Jesuq pum lümaq, maiqse angu thun tarü ma, apaiq achhai anyii khushü rilung ngao kra, triishake wan miitu tiikuri kuqto. Ara jamkhano chongtiikai ngukla, Jesuq ka tsangshiq tiichhiiketi we miishe tiijato.

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 13:14

Shatmaq ümchaü sanha, ümniika Israil mung na hokham jaqsham ka shamlu maü she mirhaü. Jamkhano ngukla, ümniiraq apaiq aming jin laü. Ümchaü sanha Tatiwe raq apaiq raq lungwii tlaq, kra phan phan apaiq bomtaiti maiq ahinti weshi she mitsea. Raüta kriiwe kriishe asenginok pengti ma mishong wan.”

1 SAMUEL 15:1

Samuel raq Saul ma nguto, “Tatiwe raq ngi nangnga ümniika asengi Israilnok khuthaq na hokham ma shongkikiq nguta phumram kham maq tiibatkai tiikito. Riita ümchaü min, Ajong Pinthum Tatiwe raq ümniima jamlai aming wa kuq tlaq tiitsang tailaq.

1 SAMUEL 15:17

Kiijiishe Samuel raq treto, “Ümniiraq ümniika aki miikiimwe riimak ikhli tiima wan haü jiimin, ümniika Israilnok maiqphan thung khuthaq na tuwejong. Tatiwe raq ümniika Israilnok mung thaq na hokham ma ramkham maq ramram raüta shongto.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.

1 SAMUEL 2:10

Tatiwe jaqtibi thun ka mitiithen baiq; apaiq raq ramungtan maq tsangshiq khuthaq na ra mitiimok. Tatiwe raq mangjong tlotli kha mipho; apaiq raq ahokhamwe ma ningkun mikuq, apaiq raq atsea wan hokhamwe ma rekhat mitiitang kuq wan.”

1 SAMUEL 24:6

Kra ningkhan apaiq raq asengi ma akha chongto, “Tatiwe raq ngi ka itijongwe, Israil mung na hokham ma shongtiiwe dü na, ijaq miiq mang chang miitu mitiiwong kuq laq! Ngi raq apaiq dü na ijaq miika miiq mang, Jamkhano ngukla, Tatiwe raq apaiq ka Israil mung na hokham ma shongto.”

1 SAMUEL 26:11

Tatiwe riili naq ümtaikiq. Ngi raq ijaq maq Tatiwe raq ashong wan hokhamwe miisaq kriika tiithum mang! Nanai riika apiqkii nai akham tsabum chü kriili lam wan laita wawan pha.”

1 SAMUEL 26:9

Shatmaq Dawit raq nguto, “Ümniiraq apaiq miisaq ka naqtankiq! Tatiwe raq, apaiq atsea raüta ashong hokhamwe tseati miika apaiq mo ka mitiiho dongdii.”

1 SAMUEL 8:19

Shamtaq mungmaiqse raq Samuel bom ka taimak she riito. Raüta akha nguto, “Riimak! Naishiq ma hokham ka akhek ratlo.

1 SAMUEL 8:9

Kra ningkhan tsangshiq bom ka taikuq laq, shatmiitiina, hokham raq tsangshiq ka jamkho mijamsha wan kra bomtsi ka atsidada maq chongkuqlaq.”

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”

1 SAMUEL 9:27

Riita tsangshiq ka chela phai kiiniishe saüho raüta, Samuel raq Saul ma chongto, “Ümjaqshi se ka nanai ma sinkhu na tiiwali laq.” Krai mren, ajaqshi se ka kongkhu na kihoto. Kiimaq Samuel raq akha nguto, “Ümniika arjaq heashise chap liishaq. Shiikeawe raq ngi ma jamlai bom wa chongtaq kra ümniima chongkuq pha.”