1 SAMUEL 1:8 - ASII LAKDAP Bible (BSI)

⁸ Kiijiishe tsangwe Elkana raq waitlo, “Hanna, ümniika jam nguto hoqtlaü? Jam nguto dung min phaqsiq maü? Jangwiirap she ümniika jam nguto tsanbi wokti miili sitlaü? Ngi ka ümniima ümsetiim weroqshi khan riimang shea?”

Hawa Naga Bible 2001

⁸ Vtaungx waz Elkana rueq piq muex, “Hanna lex, mnoz kuex yvmx ngoz tueq lac khoar kaz tuiux? Yvmx rvtueq lac phauk saq muq rvlaq shuiux? Mnoz kuex mkaq muinz yvmx ngoz tueq lac mthuinz bac yaq nguinx? Mnoz rueq msaz waz rokshiz lvp shuiux htauk nuex muinz mtvkoc ngaz kuex pinhtumc vjux httax yaq rvmuq haz?” ngoz tueq wiz tueq.

1 SAMUEL 1:8 Referencias Cruzadas

2 HOKHVMX 8:12

Kra chhi raüta, “Shiilangwe lei, ümniika jam nguto hoq tlaü?” nguta Hajael raq waito. “Jamkhano ngukla ümniiraq Israilnok ka phiiptsi jiiptsi mitiichamchao haü kra sap lata hoqtiikang,” nguta Elisha raq treto. “Ümniiraq tsangshiq chela thun trotam maq kiitelong maq rukje thun kra wa maq michaq baiqhaü. Laüta tsangshiqnok jerobi shamhea shamjü thun kra wiita mijiip baiq haü. Kiimaq tsangsetiim nosere thun ka hiq na tiinam miitok mitiiq baiq haü. Kiimaq jechakre wiisewok nyungre thun ka nepjasai maq kholam kholiiq tsangshiq wok ka miriip baiq haü.”

YOBA 6:14

Akha chamchao ranaiq ngi ma tsapkapkap kongtibi ratlo- ngi raq Shiikeawe laqbaiq kang lo, laqbaiq mang lo.

Tvtsvmc 43:4

Kra ngu raütiq ngi ka üm berong-wacha na miwaha, O, Shiikeawe lei; ümniika ngi ma peo khamrai kuk. Ngi raq hünongtoro tsü lata ümnaq tiitsam mishiha, O Shiikeawe lei, i Shiikeawe lei.

ISAIA 54:1

Jerusalem lei, ümniika sehü nyung ikha silaü, shatmaq ümchaü ka agi asii ashi ange she chochilaq. Ümchaü ümsetiim ka awese raq heashise min tlea mak nyung thaq niimin ümsetiim ka pahea she miraq!

ISAIA 54:6

Israil lei, ümniika awese ma wapha jetu nyung ikha, awese raq miimbaiq thü jai litraitlaq ikha. Shatmaq Tatiwe raq ümniika apaiq pha na hali tiijang heanongtlo raüta ngutlo.

John 20:13

“Maiqnyung loi, ümniika jam nguto shiri rai tlaü?” nguta rasenai raq apaiq ma waito. Kiijiishe, “Tsangshiq raq i Tatiwe maa ka ahin niishe tiijin hoto. Tsangshiq raq apaiq maa ka ümbaniiwa saiqsam hotaq kra ngi raq sapmang!” nguta apaiq raq tsangnai bom ka treto.

John 20:15

“Maiqnyung, ümniika jawa shiri rai tlaü? Ümniiraq juwa rit tlaü?” nguta Jesuq raq apaiq ma waito. Apaiq raq tiima ka Olip pero kra kheti we sham nguta tiimato. Kriikha maq, apaiq ma bom ka akha waito, “Shiilang we, ümniiraq apaiq maa ka ahin na tiisot holaü jiila, ngi ma chong laq, ümbano thülaü. Ngi kilata lamki pha.”

1 Thessalonians 5:14

Naphu nanotiim lei, roknin riishinti ka, ason ango riilanta, trantsii ronglaq. Wepuq weseti miika, bomnin se maq tru chongkuq ronglaq. Ningkun ajomti ka khrum kuq ronglaq. Wiitarü rai anin riilanta si ronglaq.

RUTHA 4:15

Ümnam nyung raq ümniika pinthum lungwiitlo. Riita, ümchaü sanha, apaiq ka ümniima ümsetiim wemiishi khuthaq niimin, achan she. Ümchaü sanha apaiq raq ümniima ümsaü ashi she tiihum kuqto. Ümsaü raq ümniima rilung anye she mikuq wan. Kiimaq ümnaq dunghea wanti she hum wan laü,” nguta nguto.

1 SAMUEL 1:7

Rawiitek ka akhli leawan lili riitlo. Ümtiikiiwa tsangshiq ka Tatiwe jam na kitlaq, Peninna raq Hanna tsan ka pinthum tiibitlo. Kriikha na apaiq ka kai aho anyi jümii lili riitlo. Kiimaq tü adung jammin phaqsiq mak miili sitlo.