1 SAMUEL 1:26 - ASII LAKDAP Bible (BSI)

²⁶ Hanna raq apaiq ma chongto, “Shiilangwe lei, ümniiraq ngi ka atiitsang haü khata? Ümniiraq arjaq chap raü, Tatiwe jaq wa achu jaü rea chhi laü nyung irka ngi ahata.

Hawa Naga Bible 2001

²⁶ Hanna rueq piq muex ngoc, “Jiyungx waz lex, ngaz muex mvrax nauk tvgurc vkueq, mnoz rueq ngaz kuex rvwvl lvp vphux haz? Yehowa kox wawc vjux thoz ngoz tueq vruex baung vyuq ngaz jvp yaq nuex mnoz rueq khiz toq nyuiuz iruex rvtauk.

1 SAMUEL 1:26 Referencias Cruzadas

RAPHA HIQWA LAK 42:15

Namshiq ka amaitai mirha: Ngi ka hokhamwe mang chong lata tiitum tiikang, namno nobungwe ka ana kimak wiiwii, namshiq ka arwa walot man she.

2 SAMUEL 11:11

Uria raq treto, “Israilnok mungti nai Juda mungti thun ka maiqhiq na rekhat sitlo. Kiimaq Tongshong Tek kriimin tsangshiq rai. Ngi ma awejong phentuwe Joab nai asengi ajong alabi thun ka rum na piitiip tei raüta sitlo. Riita ngi ka ijam na kilata, chenyang dungsea, wok phetaktak maq, ijamti nyung rai ka jamkho mikonkiha? Asii phan ümchuwa kra mang na, ngi ka atiitum lata chongtiikang, ngi raq akhiikla klo lot mang!”

2 SAMUEL 14:19

“Ümniima ara bom tiichongkaiti ka Joab riishea tiikita?” nguta apaiq raq kriinyung ma waito. Kriinyung raq treto, “Ngi raq asii tri raütu sham lata tiitum tiikang, Chaü lei, ümbom tre hümiika hang lot mang. Riikhaqli tengto, kriika ümjaqshise siihiipwe Joab raq jamlai riichang wa kiimaq jamlai chong chang wa kra ngi ma achongkuq.

2 HOKHVMX 2:2

Kiimaq lam miishe Elija raq Elisha ma nguto, “Ümchaü ümniika ajiili khingkikiq. Tatiwe raq ngi ka Bethel na kilaq nguta aming kuqto.” Shatmaq Elisha raq treto, “Ngi ka atra Tatiwe wokhong na nai ümwokhong na si ka thaq mang.” Krai mren tsangnai ka Bethel hiq na wawanto.

2 HOKHVMX 2:4

Kiijiishe Elija raq Elisha ma, “Ümchaü ümniika ajiili khingkikiq. Tatiwe raq ngi ka Jeriko na saüli walaq nguta aming kuqto.” Shatmaq Elisha raq treto, “Ngi ka atra Tatiwe wokhong na nai ümwokhong na si ka thaq mang.” Krai mren tsangnai ka Jeriko chela na wawanto.

2 HOKHVMX 2:6

Kiijiishe Elija raq Elisha ma, “Ümchaü ümniika ajiili khingkikiq. Tatiwe raq ngi ka Jordan rai kiina saüli kilaq nguta aming kuqto.” Shatmaq Elisha raq treto, “Ngi ka atra Tatiwe wokhong na nai ümwokhong na si ka thaq mang.” Krai mren tsangnai ka kongshkong wawan ruq li riito.

2 HOKHVMX 4:30

Kiijiishe kriinyung raq Elisha ma nguto, “Ngi ka atra Tatiwe wokhong na siti kiimaq ümwokhong na siti nguta atiitum lata ngutiikang, ngi raq ümniika thaq mang!” Krai mren she, tsangnai wiita adam niishe hali jang wan nongto.

1 KAÜWA WERAÜ 4:10

Shatmaq Jabej raq Israilnok Shiikeawe jaq wa akha achu jaüto, “Shiikeawe lei, ngi ma achu shiiman kuq laq. Laüta ngi ma hiq khu rakhu ajong kuq laq. Ümniika ngi rai adam silaq. Kiimaq ngi ka abi ati maiqse maklii wa, i dü na chamchao lit kot tiisaü chang wa tiichhii kuq laq.” Krai mren, apaiq raq jamkho achu jaüta kiikha Shiikeawe raq apaiq ma kuqto.

1 SAMUEL 17:55

Riita Saul raq Dawit ka Goliath rai riikhat kai kra chhi raüta, apaiq raq aphenlabi pengti phentuwe ajongwe Abnar ma waito, “Abnar, apaiq ka juse wa?” Abnar raq treto, “Chaü lei, apaiq ka juse wa, ngi riimin sap mang.”

1 SAMUEL 20:3

Shatmaq Dawit raq treto, “Ümwe raq ümniiraq ngi pinthum lungwii tlaü nguta asap. Kriikha na apaiq raq jamlai wa kiimungtlaq, kriika ümniimiika chongmang nguta atoqtanwi she. Jamkhano ngukla, ümtsan ka tiibitaq miraq nguta apaiq raq asap. Ngi raq atra Tatiwe mang na chongtiikang, ngi ka i rilung thum ma ajeli she!”

1 SAMUEL 25:26

Riita ara ümniima kharii jonghea ahea ashi, ümniiraq ümjaq maq ümjaqtibi khuthaq na phuklam jaqmiiq wan saü mak dea riito. Riita, arka Tatiwe raq ümniika tiikhingto. Riita, ümchaü ngi raq atra Tatiwe man na atiitum lata ngutiikang, ümjaqtibi thun ka tarü ara Nabal akhiisiisaq Tatiwe raq apaiq mo mitiiho laq.