1 Peter 5:14 - ASII LAKDAP Bible (BSI)

¹⁴ Weshi raq weshi ma Phungmaiqse lungwii thea riishup lanta tao ronglaq. Khristo wokhong na siti namshiq tarü ma hansang mirlaq.

Hawa Naga Bible 2001

¹⁴ Nuimshiq vdvmz dvmz Christan lungwawc maq rvshup vtueq gvnhttuingc rvbomc wuez kuinz. Christu miqsaz lotlaz nuex nomic kuex mhttax wuez kueq.

Muklom

¹⁴ Tinmat jamoq ashey eq ashey ma jak tachap kot inn. Bara Khristo na nim thaji ma nungmay cham ang aa.

1 Peter 5:14 Referencias Cruzadas

Matthew 5:47

Kiimaq namshiq raq maiqmii nok phungshiti kriili, ‘Khusang rakhang khata,’ nguta tao lili riihan jiika, nanok ahinti thaq na achan jamlai wa sham lan? Thatsang maiqse riimin kiikhiisii li dea riibom nai wan tlo kata!

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

John 20:19

Kra chepat ranaiq niisii hali, rajiko niishe, ajaqshisetiim ka jam ashi na riitam raüta, kilü maq jam mong na tiisan raüta ngato. Tsangshiq ka Jehudinok welabi ma hai ma, jam mong niili tiisan raüta ngato. Kra liipan niili, Jesuq ka tsangshiq phana, dongchhaq li saü wato. Raüta, tsangshiq khaki na chapsaq raüta, “Namshiq ka hansang maq sirong laq,” nguta apaiq raq tsangshiq ma tsaiji doke bomto.

John 20:26

Kra jai miishe, chepat shi tin siraüta hali, ajaqshisetiim ka jam ashi na, tapmong na riitam ngato. Kiijaq tsangshiq rai Thomas min asi riito. Kilü thun kriika wiita shaqje siisaq. Shatmaq, Jesuq ka tsangshiq phana dongchhaq li saükito. Raüta, tsangshiq phong na chapto. Raüta, “Namshiq ka hansang maq sirong laq,” nguta tsangshiq rai bomdamto.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Romans 16:16

Namshiq liipan na, weshi raq weshi rai lungwii thea riishup lanta tao wan lili ronglaq. Arjaq siti Tati Jesuq Khristo Phungtuti thun wiita raq, namshiq ma salam tiitai tlo.

Romans 8:1

Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

1 Corinthians 16:20

Kiimaq phunainotiim ümchuwa ajaq sitibi raq namshiq ma salam bomtsi tiitai tlo. Weshi raq weshi ma phunaino lungwii thea riishup lanta tao ronglaq.

2 Corinthians 13:12

Weshi raq weshi ma phunaino lungwii thea riishup lanta tao ronglaq. Shiikeawe maiqsetiim tarü raq namshiq ma salam bomtsi tiitaitlo.

2 Corinthians 5:17

Maiqse ashi ka ümtiikiiwa Khristo raishe tiipum wandam tlaq, kriiwe ka maiq nye tingsang atiiq wan miishe klai kitlo. Apaiq rilung achu ka thumto she. Apaiq rilung ka anye tingsang she.

Ephesians 6:23

Shiikeawe Awe raq, kiimaq Tati Jesuq Khristo raq, phungmaiqse phunainotiim tarü ma khusang kiimaq lungwii kra kamtsantsii rai mikuqlaq.

1 Thessalonians 5:26

Kamasham maiqsetiim tlotli rai phunaino lungwii thea riishup lanta tao ronglaq.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.

3 John 1:14

Ngi ka ümniirai jaqlo maq riihum rotiikang. Kiikiitiq nanai pumsii maq nga laita mirphan chan i.