1 Peter 5:12 - ASII LAKDAP Bible (BSI)

¹² Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

Hawa Naga Bible 2001

¹² Ngaz rueq luik raungluingx saz vruex Sila rueq romc kuy ningkhvnc nuex nuimshiq muex wuiyq tvgurc vphaungx, piq kuex tvmtuing vhttax Christan miqsaz ngoz tueq ngaz rueq hangc taq vshaungx. Vruex kuex Tishox tsuingrux kejux rvtueq lvmz ngaz rueq nuimshiq muex hungc vlaungc kuq ruiux, hakhix khvmc laung nuex vruex luik wuiyq tvgurc vphaungx. Kvruex yuq phaungx duing jvp wuez kuinz.

Muklom

¹² Nga Silas nong tungkang o iri athol liklo raa wit phang. Piq aqhal uhantey. Nim tintharong ma etho Shkewa asing ráng manchan miikkhi kot rangma nga wit ang. Iri tinshit roq tunshat inn.

1 Peter 5:12 Referencias Cruzadas

John 21:21

Petar raq kriiwe ka chhi raüta, “Tatiwe, riita arwe arha?” nguta Jesuq ma waito.

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Romans 5:2

Apaiq raq nashiq ka, nashiq kamtsantsii maq, ara Shiikeawe kaphap mangchan wura khong niishe tiishang kuq wanto. Ümchaü nashiq ka apaiq wokhong mong niishe sitiikai. Krai mren, nashiq riimin Shiikeawe chhainyii rilung kiimin mirsha lap wan rong i she nguta, tiishom raa tiikai!

1 Corinthians 15:1

Riita ümchaü min phunainotiim lei, ngi raq namshiq ma bliiq tiitaike nong rotiikang. Ngi raq namshiq ma Tsütsa Ahea chongkuq kang kra, namshiq raq lang lan she. Kriithaq na, namshiq kamasham rang ka pharangrang miishe cham tlo.

2 Corinthians 1:19

Silas, Timothi kiimaq ngi raq namshiq ma Shiikeawe Se, Jesuq Khristo tsütsa ka chongkuq wan kai ihata. Kra tsütsa ka Tengteng bomtsi wa, Tengmak bomtsi miika klaiki mak phan. Jesuq Khristo ka pattup miitu Shiikeawe raq atiiki “Tengteng Bomtsi.”

2 Corinthians 1:24

Naishiq raq namshiq ma “arma kam wan raa”, “armiika kam wan raa mak,” nguta shiichutchat wan mai. Namshiq ka maiqmii kamasham na, pharangrang she sitlan nguta naishiq riimin asap hai. Naishiq raq namshiq ka jamsha mai. Kra rii na, naishiq riika namshiq rai reraüshi maq, namshiq ma chochi rilung lamlu tiijong lu wan miituli jaqsham kuq tiikai.

Ephesians 3:3

Shiikeawe raq ngarai maiqse ka, Tsütsa Ahea kra lümaq tiichhii wan chang nguta, apaiq raq man niiphü thimi wanto. Shatmaq, arka apaiq raq apaü raütli thüto. Ümchaü, apaiq raq ara ngi ma tiichhi kuqto she. Ngi raq, ara ngi ma tiichhi kuqtaq tsütsa ka, namshiq ma atoqse maq waiq lata tiitai kuq wankang.

Ephesians 6:21

Tikikas ka nashiq mangchan phuno we kiimaq Tatiwe minshiiq na tsapkapkap maq shamti we. Apaiq raq namshiq ma ngi tsütsa ka tiitho tiipha mitiitai kuq wan. Krai mren, namshiq raq ngi ka jaqsham kaiwa na, jamkhiiwa shampi tiikang, kra tsütsa kunli misap han.

Colossians 1:7

Namshiq raq Shiikeawe kaphap mangchan tsii jong ka, naishiq kongti phunowe, naishiq rii na namshiq ma tsapkapkap maq jaqsham ketiwe, Jesuq Khristo dise, Epaphroditas raq tiitai kuq wantaq ihata. Kiiwa namshiq raq tai wan lan she.

Colossians 4:7

Lungwii phuno we Tikikas ka, Tatiwe jaqshamti, maiqshaq weshi, kiimaq Tatiwe jaqsham na kiim tiihapti we raq, i tsütsa ümchuwa arka namshiq ma mitiitai kuq wan.

Colossians 4:9

Kiimaq, apaiq kiim tiihapti Onesimas, nashiq ma lungwii phuno we, kiimaq kamasham jaqsham na maiqshaq weshi kra tiiwa dam tiikai. Apaiq ka namshiq phong na sitiwe dongdii. Arjaq jamlai phan sham akai wa klo tiikai, kra thun tsütsa ka tsangnai raq namshiq ma wiita miphanchan kuq.

1 Thessalonians 1:1

Ngi, Paul raq, Silas nai Timothi rai-- Thesalonia na phungtuti, Shiikeawe, Awe Shiikeawe kiimaq Tati Jesuq Khristo riisheti ma: Kaphap kiimaq hansang ka namshiq ma misilaq.

2 Thessalonians 1:1

Ngi, Paul nai Silas kiimaq Timothi raq-- Thesalonia phungtuti maiqsetiim, Shiikeawe, Nawe Shiikeawe nai Tati Jesuq Khristo rii sitlanti ma:

Hebrews 13:22

Phunainotiim lei, ngi raq ara namshiq ma, tsaido jido kewan tsii chongke bomtsi waiq kang ara, tsan achhii maq tiitsang tai han jaq ahea miraq nguta, tiitai tiikang. Ngi raq namshiq ma, ara lak waiq kang arka, atoqse miili waiq kang.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.

2 Peter 1:12

Namshiq ma tengman tlaq bomtsi ka shrinkuq wanto she. Kiimaq namshiq rang ka kra tengman tlaq bomtsi niishe apha maq cham wan tlan. Li jiimin, ngi raq namshiq ma tengman tlaq bomtsi ka wranaiqshe bliiq kiki chongkuq nong tiipha ahata.

2 Peter 2:15

Arot shrabi raq tengteng Tsütsa Ahea lamphan ka baiq thiito she. Raüta lamjiq niishe miihoto. Tsangshiq ka Beor se shammi we Balaam jai phan lamjiq nü na kihoto. Balaam raq kampho ma sü ma ngarai lam na kaiho ka atsan tiikan mak riito.

3 John 1:12

Nanok wiitarü raq Demetrias dea ahea nguta tsakitlo. Tengman tlaq bomtsi riili apaiq ka maiqshaq dea nguta hakhi kuq tlo. Kiimaq kriithaq na naishiq riimin apaiq ka maiqshaq dea nguta hakhi kuq nong tiikai. Kiimaq ümniiriimin naishiq raq jamlai wa chongtiikai arka tengteng dea nguta asap haü.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.