1 Peter 4:18 - ASII LAKDAP Bible (BSI)

¹⁸ Asii bomtsi na akha chongtlo: “Kechu maiqse santla, Shiikeawe raq tsangshiq chhiijii kewan jaqsham kra, minyi wan shaq liipan na, pahea chamchao wan chang dong tlaq, ikhiijiika, Shiikeawe sapmakti ngarai maiqse ka, phiiptsi jiiptsi, achong lot mai she micham chao wan ngushat!”

Hawa Naga Bible 2001

¹⁸ Rumvrc luik nuex: “Vhvlx miqsaz htenc tvkoc palc daungc wvnc muex gvrc hvlc ngoz ruiux yuq, tvrac phvnx muq mvrax miqsaz kuex yvmx khoc yaungc juing shex lac?” ngoz tueq jungx tueq.

Muklom

¹⁸ Asang likwit na thawit aa, “Miq qhal tang sha ulun angma ahal ang ajo, Rangwa ahung tang nia ngarey tang shi chamal angna?”

1 Peter 4:18 Referencias Cruzadas

RAPHA HIQWA LAK 13:13

Kiijaq sitinok ka abi kiimaq Tatiwe makki na ngarai kloti riito.

TAKSU LAK 11:31

Kechu maiqse raq mangjonghiq miili, poksi lapwan tlaq jiika, abi kloti nai ngarai tangti riika, chamchao mo ka miho dongdii.

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

Luke 15:1

Riita, ranaiqshi ka phunta hitinok maiq pahea kiimaq ashleq arbaiq maiq ahinti thun ka, Jesuq phana apaiq bom chong kra taiwa riitamto.

Luke 23:31

Riita, ümchaü pesang chong ma santla, atinkhan tiichamchao tlaq jiika, peshin chong miishe ka ümtinkhan she wa tiichamchao wan jiiq riila?” nguta Jesuq raq tsangshiq ma tsii chongkuqto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 27:24

‘Paul, ümnaq naqhaikiq! Ümniika Roman Hokham we man na chap wa raa dongdii. Kiimaq Shiikeawe raq ümniima lungwiitsii jonghea thütlo. Kriikha maq, ümniirai laijong na maiq ümchuwa wadam tlaq thun ka, wiitarü tiikhup wongkuq wanto she,’ nguta ngi ma chongkuqto.

Acts 27:31

Shatmaq, kra chhi raüta Paul raq phentujong we nai phenlabi ma chongto, “Ara laijong jiiqtinok ka ara laijong mong na nga mak la ngu raü jiika, namshiq thun ka achhun miriirong i nguta akhiismin naq tiima rongkiq.”

Romans 1:18

Maiqse raq ümtinkhan wa ngarai tang wan tlaq, kiimaq abi-ati jaqsham ümchuwa sham wan tlaq, raüta tsangshiq abi jaqsham kriimaq, Shiikeawe rai mang riisap wan chang tengteng lamphan sitlaq kra, tang ta baiq wan tlaq, arthun arkha na, Shiikeawe tsankhiq ka, ramungtan maq tiichhikuq wanto she.

Romans 5:6

Arka akha jamkhano chong tiikai ngukla, nashiq ka tsaija chhunja ngila ngu raü chamchao rai tiikai bala shon niili, Khristo ka Shiikeawe raq rahiq tiihongtaq akhing bala riikhaqli na, nashiq akhnok abi ngarai maiqse, ara khupi wan miitu tsaito.

Romans 5:8

Shatmaq, Shiikeawe raq, nashiq ka ümtinkhan tsaü mo mangchan wantlaq, kra nashiq ma tiichhikuq wanto she. Arka apaiq raq, nashiq ka ngarai kharü mong na chamchao rai tiikai kriiwa, Khristo ka nashiq khupi miitu tiiki raüta tsaitaq, kra lümaq tiichhikuq wanto she!

1 Corinthians 10:12

Ümriiti riiwa maiqmii kamasham na pharangrang maq sitiikang nguta tiima tlaq, kriiti riiwe ka pinthum honkam shatmaq misi laq. Riimak la adea miraq.

1 Timothy 1:9

Nashiq raq tsan na samhea tak chang sitlo, maiqse ma thungtri she nguta sitlaq kriika, maiqshaqti miitu ka riimak. Tri raü thun sitlaq kriika, tri raü jintibi, kiimaq mat-saü tsaseti miitu sitlo. Shiikeawe lamphan sap makti miitu, kiimaq ngarai tangti bi miitu. Shiikeawe ma kamtsantsii rüm makti miitu, kiimaq anyung lo, awe lo tseati matwe jati miitu sitlo. Kiimaq maiq tseati matwe jatibi miitu tri raü ka thü tlo.

Hebrews 4:1

Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.

Jude 1:15

Raüta ngarai maiqse kunli kha ka mipho kuq. Raüta, tsangshiq raq phiiptsi jiiptsi ümchuwa ngarai tangtaq thun nai Shiikeawe ma ashut bomtaq thun kra kha phoke kai miki!” nguta tiithai thiito.

1 SAMUEL 15:18

Krai mren apaiq raq ümniima abi phan Amalakaiqnok kra wiita jiipbaiq kikiq nguta aming kuq raüta tiikito. Apaiq raq ümniima tsangshiq ka tiisiirai mijiipbaiq haü shaq wiiwii, khat laq nguta chongto.