1 Peter 4:16 - ASII LAKDAP Bible (BSI)

¹⁶ Shatmaq tiina, namshiq ka Phungmaiqse ningkhan chamchao tlan jiika, kra miitu akhiismin naq tiijeasi rongkiq. Atiijeasi wan rii na, namshiq ka Jesuq khü maq tiihong laita dea sitiikai nguta Shiikeawe ka kai shomra lan tli sironglaq.

Hawa Naga Bible 2001

¹⁶ Yuq muinz Christan miqsaz yaungc ningkhvnc nuex kuilc daz rvhumc ruiux yuq kuex yvlc svy juing lvmx vguez, kvruex laung nuex Christu muingc jungc lvp wvnc toq ningkhvnc nuex Tishox muex kejux vyungx ngoz shuiuz.

Muklom

¹⁶ Etharin phong miq ang tungkang o tsamnang kap ajo, nak rakri inn, etharin eshi miing sha kapti ta Shkewa shi tasapsey inn.

1 Peter 4:16 Referencias Cruzadas

ISAIA 24:15

Kiimaq shedong mung na siti raq apaiq ka mitiitsam. Khamjong chumkii wang na siti raq Tatiwe raq, Israilnok Shiikeawe ka mitiitsam.

ISAIA 50:7

Shatmaq tsangshiq raq ngi shummiitaq kra riika idü na tsimak; jamkhano ngukla Ajong Thaq Na Ajong Pinthum Tatiwe raq ngi khrumtlo. Ngi raq itsan tiithea lata nintiikang, Ngi raq asapha ngi ma jea ka tiingaü mak miraq.

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

Acts 11:26

Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Acts 26:28

Kra tairaütiishe, Agripa raq, “Riita ara jaqlose liipan niili, ümniiraq ngi ka Khristan maiqse ma mitiija wan lot ha ngutiisha tiima tlaü?” nguta Paul bom ka treto.

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Acts 5:41

Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.

Philippians 1:20

Ngi raq riiwe kla, ara Shiikeawe minshiiq tiikang arka, ümtiikiimin nungpaq mang maq misham ha, nguta i tsan na tsihea maq, kiimaq tsaühea maq hang lata, sitiikang. Arka wranaiq she, kiimaq akhek ka ümchaü akha akhing na, i tsan tiijong shat maq sitiikang. Lata, atra sikang lo, kiimaq amaa sikang lo, i khum ara lümaq, maiqse raq Khristo khushü jonglu kra sap raüla hongjiiq nguta sitiikang.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

2 Timothy 1:12

Kiimaq ara chongtiikai arkha maq tiina, ngi ara ümchaü min chamchao tiikang ara. Li jiimin, i tsaiji ka akhiismin tran mang phan. Jamkhano ngukla, ngi raq ju miiwa kamtsantsii thü tiikang, kriiwe ka, ngi raq asapha. Kiimaq ngi raq asapha, apaiq ningkun ajong maq, ara tsütsa ahea armin, Phangthum Ranaiq na saüli, chiisan taqtaq li mithü.

James 2:7

Namshiq raq shreng tlan, Jesuq Khristo mang chong kra tiibi wanti ka tsangshiq kata.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

1 Peter 4:19

Ara chongtiikai ara ningkhan na, Phungmaiqse ümriiti wa, Shiikeawe riidea thimi wan kha na chamchao tlaq jiika, tingting jaqsham tlaq kra lümaq tsangshiq khum ka tsangshiq Phansangtiwe jurwa akiqkham bomtsi ka riikhaqli tiihongkuqtlaq kriima kunli kiinong kuq raütli misilaq.