1 Peter 4:14 - ASII LAKDAP Bible (BSI)

¹⁴ Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

Hawa Naga Bible 2001

¹⁴ Nuimshiq kuex Christu yix phvnc jix hez rvtuit ningkhvnc nuex yomnamc rvhumc ruiux yuq thuinhvlc httax yaq; kvruex kuex ngauz vngax httax yaq Tishox Siyac kuex nuimshiq htauk nuex httax naungx yaq vlvmz rvtueq.

Muklom

¹⁴ Khristo miing rangma nim junnam phin jo nim aa sunmaan kap nin, chammatakoi phun amun Tsija bara Shkewa Tsija nim jamna tong aa.

1 Peter 4:14 Referencias Cruzadas

1 HOKHVMX 10:8

Ümchaktiim ka kai kopan jonghea nyungre! Kiimaq ümjaqshisetiim kong wranaiqtek ümnaq shiiliti ka kopan jonghea kong siisaq. Tsangshiq raq ümnyan phaqchi chongkuq tlaü kra taisiqtlo!

2 HOKHVMX 2:15

Jeriko wa aki shammibi roqbiingi kriiraq apaiq ka chhito. Raüta akha nguto, “Elija ningkun tu ka Elisha miishe kuqto!” Tsangshiq ka apaiq rai riihumkai kito. Raüta apaiq khaki na hiq na kurangrang raüta noqto.

Tvtsvmc 146:5

Jurwa Jakob Shiikeawe ka apaiq khrumti ma thütlaq kriiti ma peohea kiimaq juwa apaiq Tatiwe ma tlamtlaq,

Tvtsvmc 49:9

kriiraq apaiq ka maakho wa tiichhiilot mak, kriiraq apaiq ka pattup atra tiisilot mak.

Tvtsvmc 89:51

Ümjaqtinok raq ümniiraq tsea laüta ashonghaü hokhamwe ka shummiitlo, O Tatiwe lei! Tsangshiq raq apaiq ümbano kitlaq kiijaq shummiitlo.

ISAIA 11:2

Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

Matthew 5:11

“Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

John 15:21

Shatmaq, namshiq ka i sengi ngo kha maq, tsangshiq raq namshiq ka mihaihii wan. Ara jamkhano chongtiikang ngukla, tsangshiq raq ngi tiikaiti we ka juwa sap mak.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

John 9:28

Kra tairaütiishe, tsangshiq ka akhiq she riito. Kiimaq apaiq ka akha sonto, “Ümniili tiina kriiwe jai phanti, apaiq jaqshise. Shatmaq, naishiq ha Mosheq jaqshisetiim.

John 9:34

Kra tairaütiishe, “Naq bom kiq! Ümniika ngarai tak mong maq dong laüta ajong luwan haü! Kiikhiinok maiqse riitiq sha, naishiq ma tsii michong kuq haü ngu kai?” nguta tsangshiq raq apaiq ka sonto, Krai mren she, tsangshiq raq apaiq ka sinagok wa shleq baiqto.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Acts 5:41

Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.

2 Corinthians 12:10

Riita, ngi ka Jesuq Khristo mang na, atsi asi lam miimin, chamchao litkot mong miimin, maiq raq ngengseng raüta, tiichamchao tlaq niimin, kiimaq phanrap aha atsa holai saü tlaq ranaiq niimin, khoqriiq shishiiq miili sitiikang. Ara jamkhano akha sitiikang ngukla, i khum wa han-ngam ningkun ka, ümtiikiiwa ajom riiwan tlaq, kiijiishe Khristo ningkun tu kra, i khum na nyai wan tlo.

2 Corinthians 4:10

Wranaiqshe naishiq ara Jesuq jamkho tsai wantaq, kiikha tsea baiq wan kli tankhan wan tlaq kra maiqmo homa howan mong miili lun wan tiikai. Shatmaq ümchaü niitaq, naishiq ara atrali sitiikai. Ara lümaq Jesuq kiimin atra dea sitlo nguta hakhi kuq tlo.

2 Corinthians 4:16

Ara chongtiikai arkha maq tiina, nashiq ka ümtiikaq ranaiq jiimin, tsaiji tran mai phan. Nashiq han-ngam khum ara riiwe kla, ranaiq awea chaosusu maq ariim riiwan tlo. Shatmaq, nashiq wenyi khum arka, wranaiqtek anye ma jawan wan klai wantlo.

Galatians 1:24

Kra tai wantaq krai mren, tsangshiq raq ngi lümaq, Shiikeawe jaqsham kra chhi raüta, Shiikeawe lishe tiitsam kamto.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

1 Peter 4:16

Shatmaq tiina, namshiq ka Phungmaiqse ningkhan chamchao tlan jiika, kra miitu akhiismin naq tiijeasi rongkiq. Atiijeasi wan rii na, namshiq ka Jesuq khü maq tiihong laita dea sitiikai nguta Shiikeawe ka kai shomra lan tli sironglaq.

2 Peter 2:2

Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.