1 Peter 3:21 - ASII LAKDAP Bible (BSI)

²¹ Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.

Hawa Naga Bible 2001

²¹ Kvruex yuix wawc ikhoc, baptism yuix luip ngoz yaq tv-ngvlc kuex majuiuc nuimshiq kuex palc daungc wvnc yaq. Kvruex kuex gvnngvmx nuex kop yaq miqsuirc vsac htenc kuex tvsawc gay rvmuq, thuinz vsawc maq Tishox khaungkac nuex bomkhvmc tvy lvmx rvtueq. Vthueyc wawc Yesu Christu yuing kvtenc wvnc tueq ningkhvnc nuex nuimshiq rueq yuix luip lvmz vtueq palc daungc wvnc rvhumc wuez tuit.

Muklom

²¹ Eshi jung sha junglam màl mal, bara thanga nim raa thalun phin. Esha nim haan wang makri tasang aa ta ang moq etharin ira Shkewa chingko náng alang thung atal rangtum. Jesu Khristo wey jey tungkang o irey nim thalun phin.

1 Peter 3:21 Referencias Cruzadas

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Mark 16:16

Jurwa Tsütsa Ahea kiima kamwan tlaq, raüta kham lam wan tlaq, kriiti ka mitiichhii wan. Jurwa Tsütsa Ahea kiima kamwan mak, kriiti ma kha mitiiho.

John 13:9

Kiijiishe, “Tatiwe, ikhla i hokphi lamlam li ka riimak! I jaq nai i khupo armin hekuq laq!” ngutiishe Simon Petar raq nguto.

Acts 16:33

Kra rawa akhing kiijiili she phaqtek kheti we raq tsangnai khum wa ami atsi thun kra hetse kuq raüta, phum tsiim kuqto. Kra rawa niili she ajamti thun wiita ma kham lamkuq wantlii she riito.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 22:16

Riita, ija, ümchaü min, jaram she wa mikhesiq haü? Tiido liina. Chaplaq. Laüta kham ka lam laq. Kiimaq apaiq jaq wa achu jaü laq. Laüta, ümngarai thun ka tiihe tlo liishe,’ nguta Paul raq tsangshiq ma bom ka chongkuqto.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Acts 8:37

Kiijiishe, “Ümniiraq ümtsan tsii wiita maq kamwan tlaü jiika, ümchaü li khamlamke wan mimai,” nguta Philip raq apaiq bom ka treto.

Romans 5:14

Shatmaq, Atam pat maq pha raüta Mosheq pat na saüli, tsailam kharü riili, mangjong maiqse thun ka jamsha wanto. Atam raq jamkhiiwa Shiikeawe aming jin wantaq, kiikha ngarai tang wan maktibi thun kiimin, maiqse ngutaq miiphat, tsailam raq jamsha wanto. Atam ka jai na saüho tlaq we sham ari kra tiijishi wan süriiho kito.

1 Corinthians 12:13

Ikiikhiisii hali, nashiq wiitarü, Jehudinok riikai lo, Pongnok phan maiqse riikai lo, disetiim riikai lo, lüsi liiwa kong riikai lo, nashiq tarü ka Asii Wenyi raq siisaq Jesuq pum kiijaq, Asii Wenyi maq kham lamkuqto. Kiimaq nashiq tarü ma Asii Wenyi kra tiinyangto.

1 Corinthians 4:6

Namshiq ma ahea miitu, ngi raq arthun tsii chongkuq kang bomtsi arka, Apolo nai i rilung maq thapthi lata, chong kuq tiipha ahata. Ara chongkuq tiikang krai mren, namshiq raq ara bom tiihaphong bomtsi na, “Riikhaqli thungtri thun ka lang laq” nguta chongkuq tlaq kra misap han. Maiq ka weshi ka ahea nguta somra, kiimaq weshi ka abi nguta shipoq, kriika maimak.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Galatians 3:27

Namshiq raq, Jesuq Khristo mang na kham lam wan lan krai mren, namshiq ka, apaiq rai pumshi hanshi she tiija wanto. Krai mren, ümchaü sanha, namshiq ka, Jesuq Khristo rilung maq akhup wong wan wishe nguta chongtlo.

Ephesians 5:26

Apaiq raq ara, apaiq miisaq kuq raüta phungtu ka Shiikeawe ma apkuqto. Apaiq raq tsangshiq khum ka kham maq tiisii hetse kuqlot raütiishe, Shiikeawe ma kiinong kuqto.

Colossians 2:12

Ara jamkhano chongtiikang ngukla, namshiq raq ümtiikiiwa kham lam wan lan, kra akhing na namshiq ka Khristo rai maakho chiimshi na lap baiqto. Kiimaq kham lam lan na, namshiq ka Khristo ma namshiq kamtsantsii thü wan lan kra lümaq, amaa arki ikhiiwa tiidong wanto. Kriika Shiikeawe atra ningkun raq, Khristo ka amaa wa jamkho tiidong wantaq kiikhiisii hali tiidong wanto.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

1 Timothy 6:12

Nashiq kamasham rilung lamphan arka, aju riilong ikha. Arkha maq, ara kamasham rilung ju riilong na, samhea shiikut laüta julili riilaq. Laüta, ümniiraq pattup pat-sa rilung tsitsü poksi kra lap wanli chang miitu, shiichaq wan ruq ju laq. Shiikeawe raq ümniima ara poksi ara mikuq ha nguta, ümniiraq nokwe man na, Shiikeawe ma kamwan laü akhing ranaiq na, kiq kham raüpot khakuqto she.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 11:19

Kra akhing na, Abraham raq ase Isak ka amaa wa, Shiikeawe raq mitiijang lot nguta, atsan mong na kamto maq asi she riito. Riita, krai mren, Abraham ma ase Isak ka, amaa wa atiijang arkuq wan ikhli she dea taito.

Hebrews 13:18

Naishiq miitu, namshiq raq achu jaükuq tlan kra, naq nungpaq rongkiq. Naishiq ka tiima tsantsii siirairai, khangriri rüm laita sitiikai. Jamkhano ngukla, naishiq ka wranaiqshe athuk atsom jaqsham wan kli lungwii tiikai.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.