1 Peter 3:11 - ASII LAKDAP Bible (BSI)

¹¹ Apaiq raq abi kiimung wan raa mak, shatmaq athuk atsom jaqsham kli she sham wan raa tlo. Apaiq riika Phungmaiqse liipan na, kaütak rishi tümlüm tümli maq, shongnga wan jaqsham kli shiichaq wan raa tlo.

Hawa Naga Bible 2001

¹¹ Piq kuex honc vbac wawc kvwek wvnc vtueq vhvlx yauk shuimc shuimx kaz ruiux; piq thuinz vmungx lotlaz muex nomic laung nuex hunglaungx wvnc tuex.

Muklom

¹¹ Piq aa jashit sha shingchak ching, etho jaqhal sha hun som ching; piq aa nungmay sha bi eq esho hun jolching.

1 Peter 3:11 Referencias Cruzadas

YOBA 1:1

Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.

YOBA 2:3

Kiijiishe Tatiwe raq Soitan ma waito, “Ümniiraq ijaqshise Job ka chhi laü shea? Apaiq khan tsapkapkap kiimaq maiqshaq ka mangjong hiqrai khü na maiq ahin junim ahü. Apaiq raq ngi ka shomnoqtlo kiimaq apaiq ka jamlai niimin ajiq klomak maq tsii lamshat maq sitlo. Ümniiraq ka khü akha jamin ahü na apaiq ka khat pha ma dea nguta ngi shiijon laü. Shatmaq Job ka man na jamkho iwokhong na tsapkapkap maq sitaq kiikha ümchaü min tsapkap maq sitlo.”

YOBA 28:28

Shiikeawe raq maiqse ma chongto, “Taksu ma ja miitu, namshiq raq Tatiwe ka shreng raa tlo, Asap wan miitu, namshiq raq abi lam phan wa jang wan raa tlo.”

Tvtsvmc 125:4

Tati lei, jurwa ahea klotlaq, kriiti miika ahea klo kuqlaq, jurwa ümnaq aming thun langtlaq.

Tvtsvmc 34:14

Abi lamphan wa jang wan liishe; laüta jaqsham ahea kli shamlaq; mungtsing maq si miitu tsantsii wiita kuq laüta shiikutlaq.

Tvtsvmc 37:27

Abi lam wa jang wan laq kiimaq ahea jaq shamlaq, raüla ümsaü ümsetiim ka mung na pattup mishong wan;

TAKSU LAK 16:17

Tingting maiqse ka, ajiq na kaiho chang lam na khummak. Kra ningkhan, ümnü lam mo kitlaü kra liishat riilaq. Raüla üm miisaq mitiichhii haü.

TAKSU LAK 16:6

Shiikeawe wokhong na, tsapkapkap maq silaq; raüla apaiq raq üm ngarai midiikuq. Tatiwe aming lang laüta silaq, ümniima abi mra saümak miraq.

TAKSU LAK 3:7

“Ngi raq asapha” nguta naq tiimakiq, Tatiwe ma haisong tsantsii thüshat silaq, Laüta apaiq bom ka tai laq. Kiimaq ashut naq klokiq.

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Matthew 5:9

“Jurwa mungtsing miitu jaqshamtlaq kriiti chochi; Shiikeawe raq tsangshiq ka asetiim mingu!”

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Mark 14:7

Miitsan maiqse ka namshiq rai siruq misi. Kiimaq namshiq raq ümtiikiiwa khrum kewan ro tlan, kiitiikaq mikhrum kuq han. Shatmaq, ngi ka namshiq rai adam na siwan ruq ka simang she.

Luke 1:79

Kra rashe kii ka ramungtan maq, ranyaq tangtang mong na siti tarü ma mili liim wan. Raüta, nashiq ka khusang rakhang rilung lam na, mishun shea wan.”

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Luke 6:9

Kiijiishe Jesuq raq tsangshiq ma chongto, “Ngi raq namshiq ma bom poshi waipha: Riita, nashiq Thungtri na Asii Niitiitsak ranaiq na jamlai jaqsham chang ngutiiwa chongtla? Akhrumke chang ngutiisha chong tla, sha ashthen baiq chang ngutiiwa chong tla? Maiqse miisaq ka atan riichang ngutiisha chong tla, sha maiqse miisaq ka atiichhun riichang ngutiiwa chong tla?”

John 17:15

Ngi raq tsangshiq ka mangjong hiq arwa ümniiraq shea wan laq ngutiika ngu mang. Shatmaq, tsangshiq ka Abi Thawe maklii kiiwa khup wong kuq shat riilaq nguta achü jaü tiikang.

Romans 12:18

Namshiq raq ümtinkhan wa tang wan tlan kiitinkhan, nanok tarü rai ari aram maq shongnga wan miitu shiikut ronglaq.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

Romans 14:19

Arkha maq, nashiq raq wranaiqshe, jamlai phan jaqsham wan hai jiiwa, tarü ma khusang miraq, kiimaq kongti ma tsaido jido miraq, kra phan jaqsham miituli, nashiq tsan mong na hang laita, si rong i.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

Romans 7:19

Ngi raq jamlai wa, ahea awa phan jaqsham kra shamlam la nguta, dan tiikang, kriika sham wan lot mang riiki tiikang. Shatmiitiq, kra rii na khoti miina, ngi raq jamlai phan wa, abi shamro mang nguta, tiima tiikang, kra phan riiwe kra khoti, lamlam ashamki kap sham tiikang.

Romans 7:21

Riita, ara chong tiikang arai mren, ngi raq ara bomtsi ashi ara sap tiikang. I han-ngam phara tsantsii sükha ningkun raq, i mong jii na jaqsham wan tlo. Arkha maq, ngi raq ümtinkhan wa, ahea awa phan jaq dea sham hajaq nguta, tiima kang la, abi phan jaqsham kra khoti tiisham kiki li she riirai tlo.

Romans 8:6

Hanngam tiima tsantsii jaqkhon mong na siti ka atsai miraq. Shatmaq, Asii Wenyi wokhong na singa wanti ka atra misi. Kiimaq khusang rakhang rilung misi wan.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

Colossians 3:15

Khristo raq namshiq ma sanglili tsantsii kuq tlaq kriika, namshiq raq jamlai phan sham akai wa riichong tlan akhing na, athuk atsom wiq maq bom shat miitu kuqto. Ara jamkhano chongtiikai ngukla, Shiikeawe raq namshiq hea wantaq kriika, ara kaütak rishi maq, adam na tushi na triitam hea wanto. Kiimaq Shiikeawe ma kechutum shat maq sirong laq.

1 Timothy 6:18

Tsangshiq ma, shamhea kaihea kli apapa sham ronglaq nguta aming kuq laq. Shamhea kaiwa na tsangshiq ka chiithe jawan ronglaq nguta aming kuq laq. Phanrap na tsan achhü maq, maiq ma keke neinei angu na, kiimaq nanok rai riiphea riinyin raüta si ronglaq nguta chongkuq laq.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.

Hebrews 13:16

Kiimahali, nashiq raq kongti kiimti ma khrum shan kewan jaqsham ahea ka, ümtiikiimin naq laq rongkiq. Ara kongti khrum tiikai jaqsham ahata, Shiikeawe tiichochi chang honglu ngamrea shaütu.

James 4:17

Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.

1 Peter 3:12

Ara jamkhano chongtla ngukla, Shiikeawe raq asengi ka achi ara khong na rüm tlo. Kiimaq apaiq raq tsangshiq achu jaü ka tre tlo. Shatmaq Shiikeawe raq abi kiimungti ka liiro mak.”

3 John 1:11

Lungwii phuno we lei, jamlai wa abi ka naq lang kiq. Shatmaq jamlai wa ahea kli lang laq. Jurwa ahea jaq sham tlaq, kriiti ka Shiikeawe rii she. Jurwa abi jaq sham tlaq, kriiti raq Shiikeawe ka chhi mak dea.

PHOWEBI 11:14

Kiijiishe Jephtha raq kiimwebi ka Ammon mung hokhamwe phana tiijangki nong raüta,