1 Peter 2:24 - ASII LAKDAP Bible (BSI)

²⁴ Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

Hawa Naga Bible 2001

²⁴ Naungshiq rueq mvrax kuex vjungx ruingx maq tvsawc baungc gay ruiux, tsuingrux lvmx nuex thuiuzthuic tvraungx wvnc lot tvkoc vpiq rueq naungshiq mvrax kuex vpiq shauk gvnz nuex tvdaungc gurx vtueq yauk juinc bulx nuex kuilc daz guirguenc rvhumc tueq. Vpiq mac vtsac htenc maq nuimshiq hvlx wvnc wuez tuit.

Muklom

²⁴ Piq aa hiqtang ngarey tha uhan tho hol eq bólq náng thuta, irimal ang eq hiqtang ngarey rangma ti ni etho asing rangma tong ni. Piq han wang uwatmal tungkang o nim uqhal ang tin.

1 Peter 2:24 Referencias Cruzadas

RAPHA HIQWA LAK 22:6

Abraham raq honglu na chaq chang chintei ka Isak ma tiipito. Kiimaq apaiq riika ajaq na jasai ashi kiimaq wathiqtei kriiri wa chaq phaho chang kra pito. Tsangnai ka adam na awarai lam maq,

Tvtsvmc 147:3

Apaiq raq tsantsi mongtsiti thun ka, tiiheakuq wantlo, kiimaq tsangkhum wa ami atsi thun ka phum raüta job kuqto.

Tvtsvmc 38:4

Ingarai jüchhang na ngi ka ache she riiwan kang; ngarai ma thun ka laihea holot mang.

DUNGWVNC 28:38

Aron raq ara akhakam na pachang. Raütiq Ngi, Tatiwe raq, Israilnok raq honglu ümchuwa Ngi ma kiinong kuqtlaq thun kra, mungmaiqse raq honglu thun kuqtlaq akhing na phanshi ra tiishut raü min, Ngi raq mitaoha.

TAKSU LAK 20:30

Jangshishi ka, pinthum chamchao walü, mong maq lea wan jaitiq, tiima tsantsii klai wan tiikai.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

LEWI 16:22

Kra chhechhi kaü raq, tsangshiq ngarai homa thun kra wiita hoho raüta maiqsi mak chang bintang jüngi wang kiiniishe mikiho.

LEWI 22:9

“Ramwebi tarü raq Ngi raq akuqha thungtri raütu thun kra lang ratlo. Riimakla tsangshiq ka ashut ma mijaki. Raüta atsai miraq. Jamkhano ngukla tsangshiq raq asii thungtri raütu ka langmak jinto. Ngi ka Tatiwe. Kiimaq Ngi raq tsangshiq ka asii tiija tiikang.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

WEAWEA 18:22

Israilnok maiq phan ahinti raq Tombutiip tho na awa maimak she. Kiimaq akha tsangshiq raq klo raüla, tsangshiq ka mo ho raüta atsai miraq.

Matthew 27:26

Kra raütiishe, Pilat raq tsangshiq ma Barabas ka tiidong kuqto. Kiimaq Jesuq ka chunpo-nyam chongwai maq bunlak tiitsatto. Raütiishe pumsongkham na tübaiq kai miitu phenlanok jaq niishe kiinong kuq baiqto.

Matthew 5:20

Arningkhan ngi chongpha. Namshiq ka Phorisinok nai Thungtri shrinketibi thaq na achan linlin miishe, Shiikeawe aming ka tsapkapkap maq lang wan han jiitiq, awongsii Shiikeawe sengi ma mija wan lot han.”

Matthew 8:17

Apaiq raq ara chhintsii kuq wan taq thun arka, Isaia shammi we raq, “Apaiq raq nashiq thatsi thun nai thup atha thun ka wiita howanto,” nguta waiqthü taq bomkham kra tiikupi wan miitu she chhiijii kuq wanto.

Mark 15:15

Kra chhi raütiishe, Pilat raq mungmaiqse tsan ka tiiheake ma nguta, Barabas ka tsangshiq miishe tiidong kuqto. Raüta, Jesuq ka phenlanok ma chunpo-nyam chongwai miishe, bunlak buncha tiitsatto. Raütiishetiq, pumsongkham na tübaiq kai miitu aming kuqto.

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 19:1

Kiijiishe, Pilat raq Jesuq ka tiishea wan nong raüta, chunpo-nyam chongwai maq ninta she tiitsatto.

Acts 10:35

Jurwa apaiq shomnoqtlaq, kiimaq riikhaqli tingting lam phan tlaq, kriiti ka junok phan li jiimin, Shiikeawe raq taotlo siisaq.

Acts 10:39

Naishiq ka apaiq raq Israilnok mung na nai Jerusalem na ümtinkhan wa jaqsham ahea awa shamkuqtaq, kra chhi wan damti hakhibi. Kra jai miishe, tsangshiq raq apaiq ka pumsongkham na tübaiq raüta tsatbaiqto.

Acts 13:29

Kiimaq Asii Lakdap na apaiq miitu bom ümchuwa tiithai chong wantaq thun kra, tsangshiq raq thumthum klo lot wan jai she, tsangshiq raq apaiq ka pumsongkham wa dii raüta, longsha kho niishe lapto.

Acts 5:30

Namshiq raq Jesuq ka pumsongkham na tübaiq lanta tsatbaiq lan. Shatmaq, natitiim Shiikeawe raq apaiq ka amaa wiishe tiidong wan nongto.

Romans 6:11

Ara chongtiikai akhiisii hali, ümchaü sanha, namshiq riimin, namshiq ka ngarai lamphan niika, atsai kaikun she nguta sap chang. Ngarai raq namshiq ka jamsha wanlot mak she, nguta sap chang. Shatmaq, ümchaü sanha, namshiq ka Jesuq Khristo lümaq, Shiikeawe rai kongshi miishe atra sitlan.

Romans 6:13

Kiimaq, ümchaü sanha, namkhum wa ano ani phushi ra kra dongdii min, ngarai jaqkhon na, abi jaqshi ma tiija miitu ka, like maimak she. Kra rii na, Shiikeawe asii jaqsham kra miitu, namkhum ka amaa wa atiidong wan maiqse sitlaq ikha, wiipumtam maq, Shiikeawe miishe kiinong kuq lanta, si ronglaq.

Romans 6:16

Namshiq raq asap han. Namshiq raq maiqtijong la howan han jiila, namshiq ka namtijong we kra puk niishe shang wan lan ngushat she. Namshiq ka namtijong we disetiim ngutiishe sitlan. Riita ngarai tijong la howan han jiila, tsailam mirhum han. Kiimaq Shiikeawe tijong hohan jiila, Shiikeawe raq namshiq ka kechu maiqsetiim nguta, apaiq rai wehea miishe mitiija wan. Raüta ajam na mitiidii wan.

Romans 6:2

Kriika ümtiikiimin riimak! Nashiq ka ngarai lamphan na atsai kai kun she. Tsaiki kai she ningkhan, tiithong kiki ka, jamkho ngarai mong niili misi nong rong i?

Romans 6:22

Shatmaq, ümchaü sanha, namshiq ka ngarai kharü mong wa ada wan kun she. Ümchaü sanha, namshiq ka, Shiikeawe disetiim she. Krai mren, namkhum ka ngamrea phu akuq ikha, Shiikeawe ma, namrilung ka kiinong kuq lan krai mren, namshiq rilung ka ümchaü asii she. Riita, akha sitlan ara tsingo ka, namshiq raq pattup pat-sa rilung she lap tlan.

Romans 6:7

Ara jamkhano akha chong tiikai ngukla, maiqse lang pitkai jai she ka, ngarai kharü raq, amaa khum kriika khalot mak she. Apaiq ka ngarai kharü mong wa adong wan kun she. Krai mren, apaiq ka wase miishe jaki tlo.

Romans 7:6

Shatmaq, ümchaü riiwe kla, nashiq ka Thungtri kharü mong wiika daa wanto she. Thungri disetiim ma jawan laita siwan kai rilung irka, tsaiki kaishe. Thungtri raq man na, nashiq ka akharü maq kha raüta, rüm wanto. Ümchaü sanha, thungtri raq aming kuq tlaq, kra phan phan, Shiikeawe ka shomnoq mai she. Shatmaq, Asii Wenyi raq lam anye tankuq wantaq, kra lam phan phan she, shongnga tiikai.

1 Corinthians 15:3

Ngi raq Shiikeawe jaq wa akhek pinthum bomtsi lap wan kang kra, namshiq ma chongkuq kang she. Asii bomtsi na Jesuq Khristo ka nashiq ngarai ara tiisiike kai miitu tsaito nguta waiq thüto.

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Colossians 2:14

Apaiq raq nashiq kha ma, abi raüpot thun ümchuwa sitlaq kra, wiita diibaiqto. Kiimaq arthun diibaiqtaq arka, jai na jamlai bom dong chang ahü she nguta kha shiithum bomshat wan ikha. Raüta pumsongkham na nashiq tiishut chang thungtri raü tu kiimin nong nong adam maq tsamjong chü tübaiqki tiikai ikha, nashiq ngarai tsantsii jong thun kra wiita tiisiirai tübaiqto.

Colossians 2:20

Namshiq ka Khristo rai chiimshi na tsailan she. Kiimaq krai mren, ra nai hiq liipan na siti thawe winji ümchuwa sitlaq kra kharü mong wa adaa wankun she. Akha shatmaq, namshiq ka ümchaü min, ara mangjong hiq na siti, mangjong maiqse ikhli ka jam nguto sitlan? Namshiq raq ara mangjong hiq wa thungtri ka jaram wa lang tlan.

Colossians 3:3

Ara jamkhano chongtiikai ngukla, namshiq ka tsaiki lan she. Namshiq rilung awongsii achhai anyii ka Jesuq pum na Shiikeawe raq apaü raüta thü tlo. Kriika ümchaü mitiichhi kuq shaqli. Kriika jai maq Jesuq apaiq rilung chhainyii rai adam miishetiq mitiichhikuq. Namshiq ka Shiikeawe wokhong na sitlan kha maq, ara chongtiikai arka tengteng.

Hebrews 10:10

Shiikeawe raq Jesuq Khristo ma jamlai jaqsham wa thaütaq kra, Jesuq Khristo raq shamto. Krai mren, nashiq ngarai ka tiisii kuqto. Raüta, nashiq ka asii maiqsetiim, Shiikeawe wokhong na siwan miitu she pong na rai raüta tsea wanto. Arka, Khristo raq apaiq khum ka klang maq lakshi wa niili, pattup pat-sa miitu panthit honglu na kuqtaq kra lümaq, nashiq ara tiisii kuqto.

Hebrews 10:5

Riita, ara ningkhan tiina, man na Khristo ka mangjong hiq na pokai ho nini na, apaiq raq Shiikeawe ma akha bomtaq: “Ümniiriika nyamse takuq tlaq kra, nai ahin hupsam honglu na kuq tlaq kriika, dadü maü. Shatmaq, ümniiraq ngi miitu, khum ashi tiihong kuq laü.

Hebrews 12:13

Lanta, rusansan lamjong kra phanphan she, khum rong laq. Lamlü lam kra phanphan khum han jiika, namhok ka ninrai mak miraq. Kiimaq, akü ashiiti sitlan kiimin, ahea she mirki.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

1 John 2:29

Namshiq raq Khristo ka asii arai we nguta asap han. Krai mren, jurwa tingting jaqsham tlaq, kriiti ka Shiikeawe se she nguta namshiq raq sap chang kata.

1 John 3:7

I setiim lei, namshiq ka jumiimin naq tlao rongkiq! Khristo ka asii kechu maiqse. Krai mren, jurwa tingting jaqsham tlaq, kriiti ka kechu maiqse.

Revelation 22:2

Raüta chela mong na lamjong tingting maq jükok ka kihoto. Kra jürai siimhap ri takii niika, rilung tsitsü petsi chong chap raqraq. Kra pechong raq rawiishi niili, jangroq shi ri jangnai nai nai, jipitek na jangshi shi tsitlo. Kiimaq ajaq thun ka maiqmung ümchuwa sitlaq kra, atsi asi tiiheake miitu.