1 Peter 1:5 - ASII LAKDAP Bible (BSI)

⁵ Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

Hawa Naga Bible 2001

⁵ Kvruex kuex kvmluimx ningkhvnc nuex vtvsuip vkhing nuex mdung wvnc kueq ngoz tueq tvyoalc taq shec tueq palc daungc wvnc kejux kuex mlvp wvnc shueq, Tishox luimc vkawc maq tvkhup wungx kuy rvhumc jix nuimshiq tvkoc rvtueq.

Muklom

⁵ Iri tang raa nim rangma, nim kam tungkang o Shkewa tarong wang nim raa uthun rangham o takhi lunwan rangma thalun phin.

1 Peter 1:5 Referencias Cruzadas

YOBA 19:25

Shatmaq ngi raq asapha ramungtan na weshi ra asi atiisup na apaiq ka kiraüta ngi mitiiwong kuqki.

Tvtsvmc 37:28

jamkhano ngukla Tatiwe raq tingting jaqsham kra lungwiitlo kiimaq asenginok tsapkapkap maq siwanti ka tiishaübaiq mak. Apaiq raq tsangshiq ka pattup pat-sa tiiwong kuqshat, shatmaq abi kiimungti saüsetiim ka ajo mirbaiq wan.

TAKSU LAK 2:8

Apaiq raq nanok riikhaqli maq shiililiiti ka, khrum kuqtlo. Kiimaq apaiq puk na siti ka, tiikhup wongkuq shat rümtlo.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 51:6

Ramungtan thun kra liilaq; mangjong hiq kra liilaq! Ramungtan thun ka wakhuk mongtlaq ikha rahai raq mipan wan; hiqraikhü ka kheadiim chükii ikha miriimki, kiimaq asengi mangjong maiqse ka shecham kong jiimtlaq ikha mijiim. Shatmaq Ngi raq tiichhiiwan tiikang kriika pattup pat-sa mitsing. Ngi raq rekhat tangtiikang kriika atiisup jaqsham.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

ISAIA 66:22

“Hiq anye kiimaq ramungtan thun anye ka jamkho iningkun wokhong maq pattup pat-sa mingang wan, kiikhiisii hali ümsaü ümsetiim thun nai ümmang ka mingang wan.

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 32:40

Ngi raq tsangshiq rai pattup pat-sa miitu tong mishongha. Ngi raq tsangshiq ma jaqsham ahea kloke wan ka laq thaq mang phan she mirha. Kiimaq tsangshiq raq Ngi ma haisong tsantsii thü wan ka tsangshiq tsan nai mongjii wiita kuq raütiishe mithü wan. Krai mren tsangshiq ka iwokhong wa ümtiikiimin dongho mak she miraq.

John 12:48

Riita kriikha na, jurwa ngi ka shipoq tlaq, kiimaq i bomtsi ara lang mak riitlaq, kriiti khaphoke wanti ka phowe asi miraq. Ara ngi raq chongkuq tiikang i bomtsi arli she, phangthum ranaiq na, apaiq kha phoke wanti phowe ma mija!

John 17:15

Ngi raq tsangshiq ka mangjong hiq arwa ümniiraq shea wan laq ngutiika ngu mang. Shatmaq, tsangshiq ka Abi Thawe maklii kiiwa khup wong kuq shat riilaq nguta achü jaü tiikang.

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

Romans 11:20

Kriika riikhaqli tengto dea. Tsangshiq ngei baiq rat wantaq kriika, tsangshiq raq kamtsantsii thü wan mak kha na, ngeibaiq wanto. Kiimaq ümchaü namshiq ka tsangshiq cham chang chong na triiche cham tlan. Arka namshiq raq kamtsantsii thü tlan kra kha maq, tiichamkuq wantlo. Shatmaq, kra miitu namshiq ka naq shiikong rongkiq. Ashkong wan la na, namshiq ka tiihaisong shatmaq khoti singa ronglaq. Kra riihan jiika, namshiq ma ahea miraq.

Romans 8:18

Ngi raq chechiip wan lata sap wan tiikang, ara ümchaü pat na nashiq chamchao litkot wan tiikai arka, Shiikeawe raq rawiichii ji na, nashiq ma achhai anyii khushü ajong, tiichhi kuq wan tlaq, kiimaq nashiq ma kra kuq wan tlaq, kra rai saq thapthi wan chang ka riimak.

1 Corinthians 1:21

Jamkhano ngukla, Shiikeawe nyan phaqchi maq maiqse raq apaiq ka tsangshiq maiqmii phaqchi ümkhiiriitii min sap lot mak tiijabaiqto! Kra rii na, Shiikeawe raq naishiq raq trahotiikai “angi” tsütsa nguta shipoqtlaq kra lümaq kam wantlaqti ka tiichhiike miitu thapthi wanto.

2 Corinthians 1:24

Naishiq raq namshiq ma “arma kam wan raa”, “armiika kam wan raa mak,” nguta shiichutchat wan mai. Namshiq ka maiqmii kamasham na, pharangrang she sitlan nguta naishiq riimin asap hai. Naishiq raq namshiq ka jamsha mai. Kra rii na, naishiq riika namshiq rai reraüshi maq, namshiq ma chochi rilung lamlu tiijong lu wan miituli jaqsham kuq tiikai.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

Ephesians 3:17

Kiimaq, Jesuq Khristo raq namshiq kamtsantsii rüm tlan kra lümaq, namshiq tsan nai mongjii ka, apaiq sichang jam ma mitiija laq nguta, ngi raq achuli jaü kuq tiikang. Namshiq rilung na, phanrap jaqsham kaiwa ka, Shiikeawe ma nai maiqse ma lungwiitsii rüm tlan kra thaq na, arang tiicham tlii maq sham ronglaq.

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Philippians 4:7

Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.

2 Timothy 3:15

Ümniima noseji niiphü ashrinkuq wan, Asii Bomtsi ka, ümchaü min ümtsan mong na shaqshat. Asii Bomtsi ümmong jii na shaq tlaü kriiraq, ümniika taksu ma tiija tlo. Raüta ümniiraq Khristo Jesuq ma kamtsantsii thü tlaü kra lümaq tiichhii kuq tlo.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Hebrews 6:12

Ngi raq namshiq ka, roknin riishin ma tiija ka romang. Shatmaq ngi raq namshiq ka, Jesuq ma kamti maiqsetiim dea nguta, kamasham lamphan na, jaqkhon tiipha tiipha maq siti ma jawan kra lungwii tiikang. Raüta, Shiikeawe raq mikuqha nguta, kiqkham raüpot khakuqtaq kongphiq kra lap wantiiti bi, kiikha namshiq min si ronglaq nguta tiitai tiikang.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

1 John 3:2

Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.