1 John 4:2 - ASII LAKDAP Bible (BSI)

² Riita tsangshiq khum na sitlaq kriika Shiikeawe raq akuq Asii Wenyi dea sha, riimak wa, kriika ara kappe maq chechiip han jaq ahea miraq: Jurwa Jesuq Khristo ka maiqse han-ngam na pokito nguta kamtlaq, kriiti khum na sitlaq kriika Asii Wenyi dea ngushat miraq. Kriika Shiikeawe raq akuq Asii Wenyi dea ngushat.

Hawa Naga Bible 2001

² Tishox Siyac rvtueq shuex rvmuq lac tuiuz juing kuex vkhoc httax yaq: Yesu Christu kuex miqsaz gvnngvmx muex yaungx vtueq, httuiuc kaz tueq ngoz tueq kvjungc jix waz kuex Tishox kox wawc vkaz Siyac lvp jix waz rvtueq.

Muklom

² Shkewa Tsija sha hiqtang aa irimal eq sam ni, Jesu Khristo miq ang eq thu tapha ta battey jamna Shkewa Tsija atha.

1 John 4:2 Referencias Cruzadas

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

1 Corinthians 12:3

Riita namshiq raq ara bomtsi ara akhek sap rong laq, Asii Wenyi raq shunshea tlaqti maiqse riika, jurmin, “Jesuq Khristo ka ümtsai laq!” nguta ngu mak. Kiimahali, Asii Wenyi raq shunshea hü miika, jurmin, “Jesuq Khristo ka Tatiwe” nguta ngulot mak.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

1 John 1:2

Ümtiikiiwa ara rilung ka mak maq chhili chang she maiqse ma pokitaq, naishiq raq apaiq ka chhi kai. Kra ningkhan, naishiq raq apaiq Tsütsa ara chong tiikai. Kiimaq pattup pat-sa rilung, Awe rai sitlaq, kiimaq kra rilung ka ümchaü nashiq ma tiichhi kuq tlaq kra manphan chongkuq tiikai.

1 John 2:23

Ase ka Messia nguta jurwa lang mak, kriiti riika Awe kiimin Shiikeawe nguta lang mak shishe miishe tai tlo. Jurwa Ase ka Messia nguta lang tlaq, kriiti riika Awe min lang tlo ngushat.

1 John 4:15

Jurwa Jesuq Khristo ka Shiikeawe Se dea nguta tantan maq kam tlaq, kriiti ka Shiikeawe rai pumshi hanshi maq sitlo ngushat. Kiimaq Shiikeawe kiimin apaiq rai pumshi hanshi maq sitlo ngushat.

1 John 4:3

Shatmaq jurwa, Jesuq Khristo ka maiqse han-ngam na poki mak dea, nguta khü tlaq, kriiti khum na sitlaq winji ka, Shiikeawe raq akuq Asii Wenyi ka riimak. Kriika Khristo ma Wesang We raq akuq winji. Riita akhnok winji ka misaüho nguta namshiq raq kongkhu ji miiphü tai wan lan ihata. Kriika ümchaü she mangjong hiq na dong wanto chhi tiikai.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.

2 John 1:7

Maiq lao liiti maiq pahea ka ara mangjong hiq hamli niishe kihoto. Tsangshiq raq Jesuq Khristo ka maiqse han-ngam na poki mak dea nguta arot tra hokuq tlo. Akha bom chongketi ka laopha maiqse. Kiimaq Khristo ma Wesang We.