1 John 1:6 - ASII LAKDAP Bible (BSI)

⁶ Krai mren, nashiq raq na nü miika apaiq rai pumshi hanshi maq sitiikai nguta nguraü, shatmaq, na chap na nga ka ranyaq mong niili sihai jiika, nashiq ka na bom na nai na chap na nga niika arot she mijaki rong i.

Hawa Naga Bible 2001

⁶ Kvkhoc rvtueq naungshiq kuex vpiq rulc kungjix rvyaungc vtix ngoz ruiux raungnyauk nuex dvyx httax ruiux yuq kuex, nuix maq muinz honc vyaungc maq muinz rot kaq jix miq rvtueq.

Muklom

⁶ Hiqtang aa bat i, hiqtang piq jamoq rok rum i, etharin hiqtang rangnak mong na tong i ta ang ajo, hiqtang aa hut bat i etho asing jaksom som mi.

1 John 1:6 Referencias Cruzadas

Tvtsvmc 82:5

“Namshiq ka angi nola kong! Maiqjiq kong! Namshiq ka wiita ashut kong siisaq, kriikha tingting kappe mangjong hiq wa amo she riikito.

Tvtsvmc 94:20

Ümniika ashut phowebi rai pongmaü, tsangshiq ajiq pho raüta alam ma tiijatlo,

TAKSU LAK 2:13

Kechu rilung lamphan baiqthü raüta, ngarai thiikho bok na dea wanti, maklii wa mitiichhii kuq wan.

Matthew 7:22

Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

John 11:10

Shatmaq, apaiq ka ranyaq na khum raüla, ranyaq chhi mak kha maq, akhum lam maq atiithap tha akü rai miraq. Ara jamkhano ngukla, ranyaq kha maq apaiq ka tung alam min chhimak miraq.”

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

John 12:46

Ngi ara mangjong hiq na kikang arka, maiqse ma rawü tli kekai nguta kikang. Krai mren, jurwa ngi ma kam tlaq, kriiti ka ranyaq nyang na simak she miraq.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

1 Timothy 4:2

Arka joksaü liiqse shrabi raq, tsangshiq traho bom chongke lümaq mitiinyam wan. Tsangshiq tsantsii ka thawe lamphan na arap baiqho wishe. Tsangshiq ka ngarai kharü mong niishe sitlo.

James 2:14

Lungwii Phungmaiqse phunainotiim lei, Phungmaiqse weshi raq, Jesuq Khristo ma kamtiikang nguta, anübok miili tiitsaki raü jiika, apaiq raq kamtsantsii rümtlaq kra, apaiq jaqsham maq tiichhikuq mak jiika, apaiq kamtsantsii chongtlaq kriika, shaqmii li ngushat. Kiikhiinok kamasham riika apaiq rilung ka tiichhii wan lot mak.

James 2:16

Riita, tsangshiq ma akhek raa tlaq ka, tsangshiq khum tiikhe chang samtong kiimaq tsitsü triichüm chang, ranaiq miitu dungja dase riiwe ka kuqsiq man miili, namshiq raq tsangshiq nangnga, “Shiikeawe ka namshiq rai asijo! Han tlam ma khea samhea samlanta si ronglaq. Kiimaq wok phetaktak phaqsiq lanta, si rong laq!” nguta bomke ka jamlai liip wa misi?

James 2:18

Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha.

1 John 1:10

Kiimaq nashiq raq ngarai tangmai dea, nashiq dü na ngarai ahü nguta tiingo hai jiika, nashiq raq Shiikeawe ka arot ma tiija mitai. Kiimaq apaiq bomtsi ka nashiq tsan mong na ahü ngushat.

1 John 1:3

Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.

1 John 1:8

Kiimaq nashiq raq, nashiq khum na ngarai ahü, nguta ngu hai jiika, nashiq raq maiqmii trotphaq li she mija ki. Kiimaq nashiq mongjii na tengman tlaq bomtsi ka ahü ngushat miraq.

1 John 2:4

Shatmaq, weshi ra raq, apaiq raq Shiikeawe ka asapha nguta tiingo tlaq, shatmaq apaiq raq Shiikeawe aming thun kriika lang mak jiika, apaiq ka arot we ngushat. Kriika teng man tlaq Shiikeawe bomtsi ka atsan mong na ahü.

1 John 4:20

Riita maiq ashi ra raq, apaiq raq Shiikeawe ka lungwii tiikang nguta mingu. Shatmaq aphu ano Phungmaiqse ka shulii tlaq jiika, apaiq ka arot we ngushat. Jamkhano ngukla, apaiq raq aphuno we amak maq rashra chhi tlaq kra santla lungwii mak jiika, apaiq raq amak maq chhi mak Shiikeawe ka jamkhii raüto milungwii.