Yuda 1:8 - BIBELE

⁸ Ka mokgwa o jwalo le bona batho bana ba lorang, ba silafatsa mmele ya bona, ba nyedisa borena ba Modimo, ba nyefola mangeloi a tlotlehang.

Sesotho 1909/1961 (SO)

⁸ Balori bao le bona ba itshilafatsa nama ka mokgwa o jwalo, mme ba nyefola ba beilweng boholong, mme ba nyedisa ba kganyang.

Baasraak Sotho NT

⁸ Ka mokgwa o jwalo, le bona balori bao, ba silafatsa nama, ba nyedisa borena, ba nyefola ba tlotlehang.

Contemporary Southern Sotho Bible 2024

⁸ Ka mokgwa o jwalo, le bona balori bao, ba silafatsa nama, ba nyedisa borena, ba nyefola ba tlotlehang.

Yuda 1:8 Referencias Cruzadas

Genese 3:5

Modimo o tseba hore mohla le ka se jang, mahlo a lona a tla tutuboloha, le tshwane le Modimo, le tsebe botle le bobe.”

Eksoda 22:28

“O se ke wa nyefola Modimo, mme o se ke wa rohaka mmusi wa setjhaba sa heno.

Diproverbia 30:11

“Moloko o teng o rohakang bo-ntata wona, o sa hlompheng le bo-mma wona.

Diproverbia 30:17

“Leihlo le tshehang ntata lona, le nyedisang taelo ya mma lona, makgwaba a dikgohlo a tla le honya, mme madinyane a ntsu a le je.

Moeklesia 10:20

Se rohake kgosi, leha e le ka mehopolong ya hao, kapa morui ha o le ka kamoreng ya ho robala, hoba nonyana e fofang e ka utlwa polelo tsa hao, tlhatsinyane ha e rura ya tsamaya e di bolela.

Numere 16:3

Ba ikopanya, ba lwantsha Moshe le Arone, ba re ho bona: “Kgale re le mameletse! Setjhaba sena sohle se a halalela, mme Morena o teng hara sona. Ke ka baka lang ha le iphahamisa, le ipea kahodima setjhaba sa Morena?”

Luka 11:25

Jwale ha o fihla, o e fumana e fietswe, e kgabisitswe;

Luka 12:11

“Ha ba le hulela pela matlo a thapelo, le pela baahlodi, le babusi, le se ke la itshwenya ka hore na le tla bua jwang kapa eng, kapa le reng,

Luka 19:14

“Empa kaha baahi ba naha ya hae ba ne ba mo hloile, ba mo sadisa baromuwa morao, ba re: ‘Ha re rate ha eo a rena hodima rona.’

Diketso 23:5

Paulosi a re: “Bana beso, ke ne ke sa tsebe hore ke Moprista e Moholo, hobane ho ngotswe, ho thwe: ‘O se ke wa bua mmusi wa setjhaba sa heno hampe.’ ”

Diketso 7:27

“Empa ya neng a etsa wa habo hampe a sutumeletsa Moshe thoko, a re: ‘Ke mang ya o entseng mmusi le moahlodi hodima rona?

Diketso 7:39

“Empa bo-ntata rona ba ile ba hana ho mo mamela, ba mo sutumeletsa thoko, dipelo tsa bona tsa kgutlela Egepeta,

1 Bakorinthe 3:17

Ha motho a heletsa tempele ya Modimo, Modimo o tla mo timetsa, hobane tempele ya Modimo e a halalela, mme tempele eo ke lona.

1 BaThesalonika 4:8

Ka baka leo, ya hanang ditaelo tsena ha a hane motho, empa o hana Modimo, yena ya le neang Moya wa hae o Halalelang.

1 Timothea 1:10

dihlola, ba janang maotwana, ba rekisang makgoba, ba leshano, ba ikanang ka leshano, le bohle ba etsang eng kapa eng e fapaneng le thuto ya nnete.

BaHebheru 13:17

Mamelang batsamaisi ba lona, le ipee tlasa bona. Ba a le hlokomela, kaha ba tla ikarabella ka lona. Etsang hore ba phethe hoo ka thabo, e seng ka maswabi, hobane ha ba etsa ka maswabi, hoo ho ke ke ha le tswela molemo wa letho.

1 Petrose 2:17

Hlomphang batho bohle, ratang badumedi, tshabang Modimo, hlomphang kgosi.