Tshenolo 21:16 - BIBELE

¹⁶ Motse o ne o ena le dikgutlo tse nne, bolelele ba wona bo ne bo lekana le bophara ba wona. Lengeloi la metha motse ka leqala la lona: o ne o etsa dikilomethara tse fetang dikete tse pedi; bolelele, bophara le bophahamo di ne di lekana.

Sesotho 1909/1961 (SO)

¹⁶ Motse o na le dikgutlo tse nne; bolelele ba wona bo lekana le bophara ba wona; ha o se o lekanntswe ka leqala, ha fihlelwa ho le stadia tse dikete tse leshome le metso e mmedi; bolelele, le bophara, le bophahamo ba wona bo a lekana.

Baasraak Sotho NT

¹⁶ Motse o na le mahlakore a mane a lekanang, bolelele ba wona bo lekana le bophara; mme a lekanya motse ka lehlaka, distadia tse dikete tse leshome le metso e mmedi. bolelele le bophara le bophahamo ba yona di a lekana.

Contemporary Southern Sotho Bible 2024

¹⁶ Motse o na le mahlakore a mane a lekanang, bolelele ba wona bo lekana le bophara; mme a lekanya motse ka lehlaka, distadia tse dikete tse leshome le metso e mmedi bolelele le bophara le bophahamo ba yona di a lekana.

Tshenolo 21:16 Referencias Cruzadas

Ezekiele 41:4

A metha Sehalalelo se kahare: Bolelele ba sona e ne e le dimethara tse leshome, le bophara e le dimethara tse leshome. Jwale a re ho nna: “Sena ke Sehalalelo se halalelang ka ho fetisisa.”

Ezekiele 42:20

Setsha seo a se metha ka mahlakoreng a mane. Ho ne ho ena le lerako le se potolohang, leo bolelele ba lona e neng e le dimethara tse makgolo a mabedi le mashome a mahlano, bophara ba lona e le dimethara tse makgolo a mabedi le mashome a mahlano, e le le arolang sebaka se halalelang ho se sa halaleleng.

Ezekiele 48:35

“Bolelele ba lerako leo, ho potoloha motse, e tla ba dimethara tse dikete tse robong. “Ho tloha mohlang oo, lebitso la motse e tla ba: MORENA O TENG MONA.”

Tshenolo 21:15

Lengeloi le neng le bua le nna le ne le tshwere leqala la kgauta le methang, le tle le methe motse, le dikgoro tsa wona, le lerako la wona.

Tshenolo 21:17

La ba la metha lerako la motse: le ne le etsa dimethara tse mashome a supileng, ho ya ka tekanyo e tlwaelehileng, eo lengeloi le neng le e sebedisa.