Tshenolo 18:2 - BIBELE

² La howa ka lentswe le matla, la re: “E wele! E wele! Babilona e kgolo! E fetohile leaho la bademona, setshabelo sa meya yohle e ditshila, le sa dinonyana tsohle tse ditshila, tse hloyehang.

Sesotho 1909/1961 (SO)

² La howa ka lentswe le phahameng, le phepa, la re: O wele, o wele, Babilona e moholo! o fetohile moaho wa batemona, letsaba la meya yohle e ditshila, le letsaba la dinonyana tsohle tse sa hlwekang, tse ilwang!

Baasraak Sotho NT

² La hoeletsa ka lentswe le matla, la re: O ole, Babylona e moholo, e fetohile setsha sa batemona, le setsha sa meya yohle e ditshila, le setshabelo sa dinonyana tsohle tse ditshila, tse ilwang.

Contemporary Southern Sotho Bible 2024

² La hoeletsa ka lentswe le matla, la re: O ole, Babylona e moholo, e fetohile setsha sa batemona, le setsha sa meya yohle e ditshila, le setshabelo sa dinonyana tsohle tse ditshila, tse ilwang.

Tshenolo 18:2 Referencias Cruzadas

Isaia 14:23

“Babilona e tla ba hae, habo dinoko, e fetohe naha ya mekgwabo; ke tla e fedisa ka lefielo la timetso,” ho rialo Morena wa mabotho.

Jeremia 25:30

“Jwale ba porofetele mantswe ana wohle, o re ho bona: “ ‘Morena o tla puruma a le hodimo, a howeletse a le sehalalelong sa hae, a kgarumele lefatshe la hae. O tla howa sa batho ba tlhotlang morara, a howeletse baahi bohle ba lefatshe.

Jeremia 51:37

Babilona e tla ba qubu ya masupi, e fetohe lehae la diphokojwe; e tla fetoha sesomo, e nyedisehe, e be baka seo ho se nang baahi ho sona.

Jeremia 51:8

Babilona e wele hanghang ya bjaramana! Llelang Babilona ke hona! E feng setlolo sa ho thoba maqeba a yona haeba le re ho etsa jwalo ho tla e phekola.

Joele 3:16

Morena o tla puruma a le Sione, a thwathwaretse a le Jerusalema, mahodimo le lefatshe di reketle. Morena ke setshabelo sa tjhaba sa hae, ke qhobosheane ya tjhaba sa Iseraele.

Sofonia 2:14

Mohlape o tla botha hona moo, le phoofolo tsa naha ka mefuta ya tsona. Sephooko le sephookwana di tla robala teng, di robale kahodima ditshiya, tshiya tse ntseng di eme; bo-makgohlo ba hihitse ba le difesetereng, kupukupu ya mobu e thibile menyako, hobane kedare tsa yona di tla be di wele.

Tshenolo 1:15

Maoto a hae a ne a benya jwaloka lethose le hlwekisitsweng seboping. Lentswe la hae le ne le le jwaloka modumo wa metsi a lewatle.

Tshenolo 10:3

mme la howa ka lentswe le leholo, jwaloka tau ha e puruma. Hoba le howe, ha thwathwaretsa matolo a supileng.

Tshenolo 11:8

Ditopo tsa tsona di tla rapalla lebaleng la motse o moholo, oo Morena wa tsona a ileng a thakgisetswa ho wona, oo ka papiso o bitswang Sodoma kapa Egepeta.

Tshenolo 14:15

Lengeloi le leng la tswa tempeleng, mme ka lentswe le phahameng la howeletsa ya dutseng hodima leru, la re: “Akgela sekele ya hao, o kotule, hobane nako ya ho kotula e fihlile, tse kotulwang tsa lefatshe di butswitse.”

Tshenolo 14:8

Yaba lengeloi le leng, e leng la bobedi, le latela leo ka ho re: “E wele! E wele! Babilona e kgolo, yona e tahisitseng ditjhaba tsohle ka jwala ba bohale ba bohlola ba yona!”

Tshenolo 16:13

Ka molomong wa kganyapa, le ka molomong wa sebatana, le ka molomong wa moporofeta wa bohata, ka bona ho etswa meya e meraro, e ditshila, e kang dihohwana.

Tshenolo 16:19

Motse o moholo wa aroha dikoto tse tharo, mme metse ya baditjhaba ya wa. Modimo a hopola Babilona e kgolo, a e nwesa senwelo sa jwala ba kgalefo ya hae e tukang.

Tshenolo 17:18

Mosadi eo o mmoneng ke motse o moholo, o busang dikgosi tsa lefatshe.”

Tshenolo 17:5

Phatleng ya hae ho ne ho ngotswe lebitso le fupereng sephiri: “Babilona e kgolo, mma diotswa tsohle le manyala wohle a lefatshe.”

Tshenolo 18:10

Di tla ema hole, ka baka la ho tshaba tlhokofatso ya yona, di re: “ ‘O madimabe! O madimabe! Wena Babilona, motse o moholo, motse o matla! Kahlolo ya hao e phethahaditswe ka nako ya hora feela!’

Tshenolo 18:21

Jwale lengeloi le matla la nka lejwe le kang lelwalahadi, la le akgela lewatleng, la re: “Babilona, motse o moholo, e tla akgelwa tlase ka sefutho se tjena, mme ha e ka ke ya hlola e bonwa hape.

Tshenolo 5:2

Ka ba ka bona lengeloi le matla, le phatlalatsang ka lentswe le phahameng, le re: “Ke mang ya lokelang ho phetla buka le ho kgomarolla dibitielo tsa yona?”